unknown

[Fragment]

Edited by Lilian Duncan

A Treatise on Fevers

1.

Morbus est cum membra accionis sue naturalis temperamenta egrediunturtur (sic) etc. is ed is galur  p.3 ann an uair tosgaigid ; na baill leth amuich don measardacht ⁊ do do comtsuigigud gnima ⁊ oibrighthi na nadura, ⁊ adeir Galenus annso co fuilid tri h-earnaili arna gallraib .i. an ced earnail dib re nabar  26a1 morbus uniuersalis .i. galur coitcinn  ³. An ii h-earnail .i. morbus simplex .i. galur aenda. An iii h-earnail .i. morbus compositus .i. galur comtsuigthi. Et is ed is galur coitcinn ann .i. in galur noch tacmaices an corp co huilidhi amail ata in fiabrus. Et is ed is galur aenda ann .i. galur noch tuismigter sa corp o aen cail amail ata tesaidecht no fuaraidecht no fliucaidecht no tirmidecht. O cail na teasaidechta amail ata fiabrus eiticach no efemera noch cruthaigter o tes greine no o saetar . O cail na fuaraidechta amail ata congelacio no spasmus noch doniter o fuaraidecht an aenda no o tsneachta amain. Et is ed is galur comtsuigthi ann .i. galur noch doniter o comtsuigigud na cailedh no o comtsuigigud na lennann . O comtsuigigud na cailedh amail ata tesaidecht ⁊ tirmidecht, tesaidecht ⁊  p.4 fliucaidecht, fuaraidecht ⁊ fliucaidecht, fuaraidecht ⁊ tirmidecht. ⁴ O tesaidecht ⁊ o tirmeacht amail ata in nech re n-abar eresipilia. O tesaidecht ⁊ o fliucaidecht amail ata in nech re n-abar flegmon. O fuaraidecht ⁊ o fliucaidecht amail ata idimia. O fuaraidecht ⁊ o tirmidecht amail ata in nech re n-abar sglirosis. O comtsuigigud na lennann amail ata idropis ex uimidis quimis .i. o na lennaib fliucha rigne doniter hi, ⁊ is mar an cedna doniter epilencia ⁊ apoplexia co n-a cosmailib . O comtsuigigud na lennann, tesaidecht maille tirmidecht, amail ata elifancia ⁊ caindser ⁊ a cosmaile .

2.

 26a21 Et os e in fiabrus tacmaicces in corp co huilidhi is do dob ail lind labairt ar duis annso. Et adeir Galenus annsa leabar sa corob edh as fiabrus ann .i. galur crutaigter o droch coimplex tesaidhi noch tachmaices in corp co huilidhi. Et adeir doctuiri eli corob edh as fiabrus ann .i. tes nach nadurdha tosgaighes on craidhi ⁊ o na h-airterib cum na mball co huilidi noch toirmisces na h-oibrighti nadurdha, ⁊ do gabar in teidm so do reir eise in fiabrusa .i. do reir in tesa, ⁊ ni fagar o na h-aicidib noch bis a coimidecht in fiabrusa,  p.5 acht ge dubrudar drong do na sean dainib nach ni eli in fiabrus acht na h-aicidi noch bis co folenmanach a ndiaid teasaidechta, ⁊ adubrumar fos corob inann fiabrus ⁊ rigor no fotigacio .i. aicid gabus neach cuigi a h-aitli tsaetair no cuir no tinnis cinn . Et adubairt Ipocras sa leabar darb ainm Epitimiia  ⁵ nach ni eli an fiabrus acht an tes nadurdha ar n-a gluaisecht leth amuich do cursa na nadura. Et adubairt sa leabar  ⁶ cedna co fuilid tri h-earnaile ar na fiabrusaib .i. earnail dib tinnsgnas is na spiradaib ⁊ tosgaides cum in craidhi innus co ngaband teasaibseach (sic) cuigi, ⁊ on craidhi cum na n-airteredh, ⁊ o na h-airterib cum bail in cuirp co huilidhi, ⁊ is risin ngne so aderar efemera. An ii h-earnail .i. fiabrus doniter o na lennaib ⁊ tinnsgnas co min uathadh cum na mball is comfogus doib, ⁊ o na ballaib cum an craidhi , ⁊ on craidhi cum na n-airtereadh, ⁊ o na h-airterib cum na mball aris , corob airi sin timcillaiges in corp co huilidhi, ⁊ is e as ainm don fiabrus so .i. fiabrus putrita .i. fiabrus doniter o morgadh na lennann . An iii h-earnail noch doniter is na ballaib daingni ⁊ is na flichidheataib premamla, ⁊ tinnsgnaid uatha cum an craidhi, ⁊ on craidhi cum n-airteredh (sic) , ⁊ o na h-airteribh cum na mball co huilidhi, ⁊ is e is ainm don fiabrus so .i. fiabrus eitica. Et adeir Galenus annso nach fuil  p.6 ann sa rad geiniralda acht na tri h-earnaili so adubrumar .i. efemera, putrit (sic), ⁊ eitica, ⁊ is e as cuis do sin amail adeir Galenus : “Materie treis sunt in corpore” .i. tri h-adbuir noch is inad don fiabrus is in corp amail ataid na spiraid 26b1 ⁊ na lenna ⁊ na baill. Et cuirid Galenus X Fiabruis (?), annso etir tes na fiabrus adubrumar .i. tes fiabrusa aefemera amail gaetmaracht ar na comtsuigigud maille teasaidecht. Et teas in fiabrusa morgaiti mar teas usci fiucaid a soiteach dunta. Et teas fiabrusa eitica amail tsoitech ar na teigedh folum ⁊ usci fuar do tortadh ann . Et adeir Galenus annso co mbi fiabrus efemera iiii h-uaire XX ar martain, ⁊ bid uair eli viii n-uaire ⁊ da XX no da uair deg ⁊ tri XX. Fiabrus putrita .i. fiabrus tig o morgadh na iiii lennann, ⁊ ataid v adhbuir on dentar in morgadh is na lennaibh .i. an ced adbur dib .i. pecugud na lennann in a caindiecht . An ii h-adbur .i. reime ⁊ tigi na lennann. An iii adbur .i. dunad na poiredh . An iiii adbur .i. rignecht na lennann . An v adbur .i. deatmaracht ar n-a congbail is in corp o na duintib adubrumar. Et adeir Galenus corob imdha gneithi ar na fiabrusaibh morgaiti .i. fiabrus aenda ⁊ fiabrus comtsuigthi. Fiabrus aenda amail ata in fiabrus doniter o morgadh aen lenna amain  p.7 mar ata terciana o morgadh lenna ruaidh, ⁊ sinoca o morgadh fola dergi, ⁊ cuartana o morgadh lenna duib, ⁊ coididiana o morgadh lenna fuair. Et adeir Galenus in fiabrus doniter o morgadh na lennann ataid ii gne air .i. fiabrus continoideach ⁊ fiabrus interpullata, ⁊ is ed is fiabrus continoideach ann .i. fiabrus noch morgus don taib asdig do na soithigib amail ataid na h-airteri ⁊ na cuislenna, ⁊ is ed is fiabrus interpullata ann an tan morgus leth amuich do na soitigib amail ata terciana interpullata. Et adeir Galenus in in terciana firi co mbinn ii uair deg in a aixes. Et in cuartana fire co mbinn iiii h-uair XX in a aixes. Et co mbind viii n-uairi deg in aixes efemera. Et viii n-uairi deg in aixes coididiana. O da luaigimiur d'aixes na fiabrus

3.

 26b30 Fiarfaighter an bind iiii h-aimsera a gach fiabrus .i. tosach ⁊ tormach, sdaid ⁊ digbail, dociter nach fuil , oir adeir Galenus co mbind easlainti ann noch bis do gnath in aen sdaid amail adeir Ipocras is in canon sa “Quibus est continua status etc.” ⁷, da reir sin ni bid na iiii h-aimsera a gach fiabrus. Teagar in a aiged so do reir Aristoteles noch adeir co fuilid iiii h-aimsera a gach fiabrus. Et nod let co tuicter na iiii h-aimsera sin o da modaib .i. co huilidhi ⁊ co rannaigi . Et  p.8 is iad na h-aimsera uilidhe .i. na h-aimsera bis ar martain re feadh na h-easlainti. Et is iad na h-aimsera rannacha na h-easlainti .i. aimsera na h-aixes. Et fogailter na h-aimsera uilidhe an ii modaib .i. uair ann do leth dileghtha an adbuir , ⁊ uair ele a leth an nemdileghtha , da reir sin, is e as tosach don easlainti an termin an bind comartha an dileghtha go nemfollus, mar adeir Auicenna annsa ced canon : corob e as tosach don easlainti an tan mucar in teas nadurdha o adbur an galuir, no go ma follus comartha an dileghtha. Et is ed is tormach ann .i. in aimser in a tindsgann comartha an dileghtha co follus, amail adeir Auicenna nach ni eli an tormach acht in aimser in a ngluaister in tes nadurdha cum frithcathaigti re h-adbur na h-easlainti, ag foillsiugud comartha an dileghtha no an nemdileghtha. Et is ed is sdaid ann, do reir Auicenna, in tan roitid crich cinnti na ndrochaicidedh maille dileghadh an adbuir no maille nemdileghadh mad easlainti marbtach hi. Et adeir Auicenna annsa ced leabar nach ni eli in sdaid ach uehumens pugna inter naturam ⁊ materiam morbi .i. cathugud dasachtach noch bis etir an naduir ⁊ in easlainti. Et is ed is digbail ann an tan tinnsgnas  27a1 an t-adbur dileghadh ⁊ innarbadh do gabail cuigi, corob uime sin adubairt Auicenna “Prinnsipium est terminus in quo accidens  p.9 incipit moueri alicaliter” .i. is ed is tosach ann amail adubramar. Et is ed is tormach ann an uair calmaigter na drochaicid (sic) co mor. Et is ed is sdaid an tan bid na drochaicidi co ro dasachtach. Et is ed is digbail ann an tan isligid na drochaicidi co follus. Et na haimsera rannacha noch bis is in parocsismus amain, fogailter iad a leth na n-aicidedh. Et is ed is tosach don parocsismus an tan indtaiges an tes on craidhi cum na mball forimeallach . Et is ed is tormach don parocsismus an tan indtaiges in tes o na ballaib eil cum an craidhi . Et is ed is sdaid ann an tan sgailter in tes co foirfi ar na ballaib co huilidhi. Et is ed is digbail don parocsismus in tan isligter ⁊ laigdigter in tes.

Freagramaid cum na cesti so do reir Auicenna noch adeir: “Omnis egretudo salubis habet quatuor tempora uniuersalia” .i. gach easlainti o teagar ataid iiii h-aimsera aice co huilidhi. Et adeir Auicenna nach fuilid iiii h-aimsera co huilidhi ag na h-easlaintib marbtacha, ⁊ derbaigter in congluais so do reir Galenus a libro de Crisi noch adeir nach fagann neach bas a ndigbail easlainti, da reir sin ni bid na iiii h-aimsera san easlainti marbtaigh, ach ge deir Auicenna co fuil easlainti ecin marbtach ag a fuilid na iiii h-aimsera co rannaige amail adubrumar do taib tuas dind .

4.

 27a22 Fiarfaighter annso ce dib so o n-a coir an leiges do tinnsgaint ar tuis .i. o aicid in fiabrusa no o cuis in fiabrusa no on fiabrus fein. Do citer corob i cuis in fiabrusa dlegar  p.10 do leiges ar tuis, amail adeir Galenus a libro de ingenio sanitatis na briathra so: “Ante omnia studeandum est in causa morbi ” .i. roim gach uili ni dligidh an liaigh beith detideach a cuis in galuir, da reir sin as i cuis in fiabrusa dlegar do leiges ar tuis . Item adeir Galenus sa leabar cedna da mbia cuis in fiabrusa ar martain beid an fiabrus fein ar martain, da reir sin as i cuis in fiabrusa dlegar do leiges ar tuis . Item adeir an fer cedna da mbia droch coimplex ⁊ cuis ⁊ adbur an aeinfecht, tinnsgainter on cuis ⁊ in a diaig on droch coimplex ⁊ ainnsein on galur, da reir sin is o cuis in galuir dlegar tinnsgainter (sic) an leiges ar tuis . Item adeir Galenus a ngluais an ced pairtegal d'Amprismi (aphorismi): “Medicus est instrumentum naturae ” .i. is e an liaigh as indsdruimint don naduir dligidh a h-indtsamlugud an gach uili mod, ⁊ da reir sin os on cuis tinnsgnas an naduir amail is follus is na briathraib so: “Natura primo” digerad “secundo diuidid tercio expelit” .i. in naduir ar tuis ag dileghadh ⁊ aindsein ag dealugadh ⁊ na diaig ag innarbadh, amail adeir Auicenna sa iiii pairtegal d'Amprism is in canon so:  p.11 Incipientibus morbis morbis (sic) etc. , da reir sin is on cuis dlegar tinnsgaint an leiges ar tuis. Item adeir Galenus de ingenio sanitatis na briathra: Omine didsesi medicailis febrem cum hiisae causam augent febrem minuant etc. .i. is ed adeir Galenus is in proverbio so: a liaig da medhaigi tu an cuis, ⁊ in fiabrus do laigdiugud, ni leigesinn tu in fiabrus, da reir sin is on cuis dlegar tinnsgaint an leiges ar tuis, amail adubairt Ipocras is in canon so: “digesta medicari etc.” ⁸ Item adeir Auicenna sa iiii leabar a caibidil in fiabrusa morgaiti an rad sa: “Si uirtus' sit fortis tunc abseindere causam prius” .i. da mbia an brigh laidir, dlegar in t-adbur ar tuis d'indarbadh ⁊ gan an droch coimplex do gluasacht, oir adeir Galenus co mbinn an brigh laidir is na h-easlaintib gera re fedh da la no tri la, ⁊ da reir sin dlegar tinnsgaint on cuis ar tus . Item adeir Auicenna annsa iiii leabar na briathra so: “Prius oportet”  27b1 curari quo curato relicum curatur .i. is ed adeir Auicenna annso, gach ni leigeses efemera ⁊ gach ni bis folenmnach ris mar ata in cuis ⁊ in fiabrus, is uadha dlegar tinnsgna an leiges oir adeir Auicenna ⁊ in da leigester an fiabrus ⁊ in cuis do beith ar martain co n-atimpaiginn an fiabrus aris, ⁊ da eigesti in cuis leigester in fiabrus, da reir sin as i an cuis dlegar do leiges ar duis . Item  p.12 adeir Auicenna annsa iiii leabar na briathra so: “Imposipile est febrem remoueri nisi remoueatur causa” .i. is ni nach fedtar an fiabrus d'indarbadh acht muna h-indarbtar an cuis, da reir sin is on cuis dlegar an leiges ar tuis do tinnsgaint . Item adeir Galenus de ingenio sanitatis in disding so .i. co mbi an cuis uair ann ni is treisi ⁊ is laidri na in galur, ⁊ so mbi an galur uair eli ni is treisi na in cuis, ⁊ an tan cin dlegar tinnsgaint on galur, ⁊ an tan is treisi in cuis dlegar tinnsgaint uaithi. Teagar in aiged na disdingi so do reir Galenus noch adeir nach binn seadh  ⁹ an reda noch [nach?] tig o ni ni as treisi na in red fein, da reir sin os on cuis tig an galur amail tig an fiabrus on morgad is treisi in cuis na in galur. Item do citer nach treisi in fiabrus na in cuis ⁊ nach treisi in cuis na in fiabrus, oir adeir Galenus nach gortaiginn in fiabrus acht in tan bis an cuis ar martain ⁊ nach urcoidigind an cuis acht an tan bis an fiabrus ar martain, da reir sin ni fuil ni as treisi na ceile acu. Teagar in a aiged sin a h-udaras Aristoteles noch adeir na na briathra so: “Quod ultimum est in composione depet ese primum in resulucione” .i. gach ni as deiginacha bis annsa comtsuigigud is e as tusca bis annsa disgailedh, da reir sin os a deiginacha an fiabrus na in  p.13 cuis is don fiabrus dlegar tinnsgaint ar duis cum an leigis. Item adeir Galenus de ingenio sanitatis: “Febris sequitur causam occidens uero febrem etc.” .i. lenaidh in fiabrus in cuis ⁊ lenaidh an aicid in fiabrus, da reir sin dligid an liaigh tinnsgaint ar tuis on aicid ⁊ na diaig on galur ⁊ co deiginach on cuis. ¹⁰ Item adeir Galenus sa X leabar do te ingnio sanitatis na briathra so: “Si materiam curamus febrem dimitimus simul febrem cum febrisitante peribunt etc.” .i. da leigesam in cuis ar tuis ⁊ in fiabrus do beith ar martain, testaighi in fiabrus ⁊ fer in fiabrusa an enfhecht , da reir sin is on fiabrus dlegar in leiges do tinnsgaint ⁊ ni hon cuis . Item adeir Galenus de ingenio sanitatis na briathra so: “In omne febre oportet capi incium a mala complexione etc.” .i. in gach uili fiabrus tinnsgain in leiges on droch coimplex; ⁊ adeir Galenus annsa radh cedna nach ni eli an drochcoimplex acht in galur no in fiabrus, da reir sin is on fiabrus no on galur tinnsgnas in leiges ⁊ ni hon cuis . Item adeir Galenus gach ni as tusca ⁊ is mo gortaiges oibrighti na nadura corob uadha sin dlegar tinnsgaint in leigis, ⁊ is mo gortaiges  p.14 in fiabrus an naduir na cuis in fiabrusa, da reir sin is in fiabrus dlegar tinnsgaint in leigis ar tuis. Item adeir Galenus sa ii leabar do tecni na briathra so: “cura debetur egritudini preseruacio uero cause egritudinis etc.” .i. as i an easlainti dlegus in leiges ⁊ in cuis dlegus in coimed, da reir sin is on fiabrus dlegar tinnsgaint ar tuis . Item adeir Galenus in gach uile easlainti bis co huilidhi annsa corp ⁊ in cuis co rannaige is on easlainti dlegar tinnsgaint ⁊ ni hon cuis, ⁊ is mar sin ata in fiabrus .i. a cuis co rannaige ⁊ e fein co huilidhi, amail is follus a fiabrus interpullata noch sa cuis fedus beith sa gaile no is na h-indib, ⁊ a fiabrus causoin oir bidh cuis an fiabrusa so a cuislindaib an craidhi ⁊ na n-ae , da reir sin is on fiabrus dlegar tinnsgaint ⁊ ni hon cuis. Item adeir Galenus sa ii leabar deg de ingenio sanitatis da mbia an fiabrus o linadh amail ata sinocus , ⁊ singopis do techt ina cenn , ordaigter in aicid so leiges ar duis ⁊ aindsein in fiabrus, oir adeir Galenus sa ced  28a1 canon na briathra so: “ Acciden alicando facit dimitcere morbum ⁊ causa  p.15 morbi” .i. iarraidh an aicid i fein do leiges ⁊ in galur ⁊ in cuis do treigin, amail is follus a colica ⁊ a n-ilica, oir dligmaid an tinnes do leiges ar tuis inntu so ⁊ na duinti on dentar an tinnes do treigin, da reir sin is on aicid dlegar tinnsgaint an leigis ar tuis . Item adeir Galenus sa ix leabar de ingenio sanitatis na briathra so “Curato morbo curatur axidens ” .i. da leigester an galur leigester an aicid, da reir sin is o galur dlegar tinnsgaint an leigis ⁊ ni hon aicid. Item adeir Galenus corob aen leiges fognus don galur ⁊ don aicid  ¹¹, da reir sin o teit an aicid as o leiges an galuir, is on galur fein tinnsgaint an leigis ⁊ ni hon aicid. Item adeir Galenus nach ind (leg. ma) leiges acht a n-easlainti o teagar, ⁊ gach eslainti o tegar bidh a cuis ar digbail conuigi an sdaid ⁊ in easlainti ag medugud, amail adeir Ipocras a n-amporum is in canon so: “In quo antibus morbis etc.”, ⁊ annsa canon eli so: “circa principio ⁊ feines etc.”, corob airi sin nach dlegar tinnsgaint on cuis acht on easlainti fein. Freagramaid cum na cesti sin ⁊ adermaid gorob e is cuis don fiabrus .i. morgadh  p.16 ⁊ ataid tri nethi is ecin d'fechain cum an morgaidh amail adeir Galenus: “Canditas motus” ⁊ qualitas enenosa .i. med ⁊ gluasacht ⁊ droch cail neime. Med no laiged in morgaidh, gluasacht amail ata an t-adbur neime ag dul o ball co ball, cailidecht an morgaidh ni ni eli i acht fiuchadh doniter o morgadh is na cuislennib, corob airi sin adeir Galenus annso an cuis in fiabrus do leth cudruma a leth na caile adubrumar, oir da mbia fiuchadh in morgaidh adubrumar is na cuislennib co ro ger dasachtach biaid in fiabrus ar martain mar in cedna, ⁊ da mbia in fiabrus co dasachtach is ecin cail in morgaidh do beith tren is na cuislennaib amail adubrumar, ⁊ ni mar sin a leth na caindiechta ⁊ in gluasachta, oir fedaid in t-adbur morgaithi beith gluasachtach do leth a mediechta ⁊ beith nemguasachtach do leth a cailedh. Et adeir Galenus in t-adbur bis mar sin ni ullmuigeann co hurusa cum a sdaidi , ⁊ bid in easlainti co rigin ⁊ bid in brigh a cunntubairt tre fad na h-easlainti. Et adeir Galenus co fedann caindiecht an morgaidh beith co mor do leth a gnima ⁊ a beith nemger do leth na caili amail adeir Ipocras is in ced leabar d'amfrismorum : “Febribus non omnino in supfisie etc.” oir is amlaidh tuicis Galenus Ipocras annso ,  p.17 go fedtar adbur in fiabrusa do beith co mor ⁊ in fiabrus fein do beith co h-anmann . Et adeir Galenus annso co fedann in t-adbur an gluasacht adubrumar do beith guasachtach ⁊ in droch coimplex do beith nemguasachtach an aen fiabrus, amail adeir Galenus a ngluais na h-afraisi so: “In uallde acutis etc.” .i. an cail imorro urcoidig [sic] co mor ar son imarcraid fiuchaidh is na cuislennib , ⁊ is don fiuchadh sin gaires Galenus cauma incendium , amail is follus isna fiabrusaib pestilenssacha , amail adeir Galenus co mbind an fiabrus pestilenssach co h-ailginach min nemcunntubartach ar tosach do reir fechsana, gidedh marbaigh gan fuireach tre med mailisi an droch coimplexa noch bis ann. An aicid uero oir adeir Galenus co fuilid da earnail uirre . An ced email dib .i. aicid lenus naduir an galuir noch ata cosmail re cuis in galuir amail ata droch cail ar na tuismid is in corp a h-aitle easlainti, ⁊ is annsan aicid so do reir Galenus nach intabairt leiges do let ach do leth na ndrochcailedh  p.18 or tuismedh hi. An ii h-earnail .i.  28b1 an tan bis in aicid foleanmach ar naduir in galuir, ⁊ a h-aitli an galuir so do leiges bid an aicid ar martain ⁊ is cuis galuir i fein, amail ata singopis , ⁊ tinnes aibsech, ⁊ nemcolladh, edromacht ceilli ⁊ a cosmaili, ⁊ iarraigh an aicid so leiges nach iarrann an galur , ⁊ forecnigter an liaigh cum na n-aicideadh so do leiges ar tuis ⁊ treigter an fiabrus raisin fedh so . Freagraimaid cum na cesti so ⁊ adermaid corob on cuis dlegus an liaigh so tinnsgaint an tan nach cuirind in fiabrus in brigh a n-anmaindi , ⁊ in tan is treisi in fiabrus ag anbhaindiugad na brighi na an cuis, dlegar tinnsgaint on fiabrus in tan sin, ⁊ is mar an cedna adermaid a leth na haicidi, ⁊ is mar sin fagmaid an ceisd sin .

5.

 28b12 Fiarfaighter annso an imcubaidh aen leiges don fiabrus ⁊ don cuis ⁊ don aicid, dociter nach imcubaidh, oir adeir Galenus sa ii leabar do Tecni: “Causa debetur digestio ⁊ eu[ac]acio” .i. is don cuis dlegar in dileghadh ⁊ in folmugadh, ⁊ is amlaidh ata an dileghadh te tirim ⁊ in folmugadh mar an cedna, amail adeir Galenus san xi leabar de ingenio sanitatis sa u caibidil, ⁊ a ngluais pronosticorum sa ced leabar, ⁊ a ngluais reumente acutorum sa iii leabar , gach leiges dileghtach  p.19 ⁊ folmaightech do beith te tirim ⁊ gach leiges is imcubaidh cum an fiabrusa fein do dligfedh beith fuar fliuch ar a beith fein te tirim, amail adeir Ipocras in ampuirismorum : “humidi diete etc.” sin is nemimcubaidh leiges inann cum in fiabrusa ⁊ cum na cuisi . Item adeir Aristoteles na briathra so: “Quot contrarium non est posibili pluribus ” .i. ni bind an contrardacht co h-urusa is na nethib exsamla, ⁊ is amlaidh ata in fiabrus ⁊ cuis in fiabrusa examail dealaigthech , da reir sin ni h-imcubaidh leiges inann doib. Item adeir Galenus co ndlegar leiges claecloitech dileghtach do tobairt a cuis in fiabrusa, ⁊ co ndlegar leiges folmaighti do tobairt san fiabrus fein, mased, o taid so exsamail ni leiges inann dlegar do tobairt don cuis ⁊ don fiabrus . Item adeir Galenus de ingenio sanitatis da ti singopis a ceann fiabrusa, is ecin nethi tesaidhi do tobairt san tsingopis amail ata fin glan, ⁊ nethi fuara do tobairt sa fiabrus amail sisan na h-eorna, da reir sin ni leiges inann dlegar do tobairt is in aicid ⁊ is in fiabrus. Item adeir an fer cedna  p.20 da ti flux a ceann in fiabrusa as ecin nethi sdipicda do tobairt is in flux ⁊ nethi folmaightecha do tobairt is in fiabrus, da reir sin ni leiges comcosmail dlegar is in aicid ⁊ is in fiabrus. Item adeir Auicenna is in iiii leabar a caibidil an fiabrusa morgaithi na briathra so : “Causa febris per sibum augetur ”.i. tri catamh an bid medaigter cuis in fiabrusa, ⁊ adeir Galenus a ngluais amporum in uair bid na drochaicidi ag disgailedh na brighi ⁊ ag a h-anbaindiugadh dlegar biadh do tobairt in tan sin ⁊ co h-airiti is in sdaid, da reir sin ni leiges inann dlegar is in cuis ⁊ is in fiabrus. Item adeir Galenus sa vi leabar de ingenio sanitatis na briathra so: “In cura stomatci potese eadem medicina cause ⁊ morbi” .i. i n-easlainti in gaili is inann leiges fognus don cuis ⁊ don easlainti innti , ⁊ ni mar sin do na h-easlaintib eli amail ata in fiabrus ⁊ a cosmaile, da reir sin ni leiges inann fognus don fiabrus ⁊ do cuis an fiabrusa . Teagar in-a aiged so in libro Tecni do reir Galenus noch adeir cuis in fiabrusa ⁊ in fiabrus fein do beith inann, ⁊ gach leiges fognus don cuis is imcubaidh  p.21 e don fiabrus , da reir sin is inann leiges dlegar do tobairt is in cuis ⁊ is in fiabrus. Item do citer corob leiges inann fhognus don cuis ⁊ don fiabrus fein, oir adeir Aristoteles na briathra so: “Unum quoque est frigidum inspisad ⁊ alterad” .i. gach uili ni fuar claecloidhi ⁊ tiugaidhi gu dilius, ⁊ adeir Galenus a ngluais an ii pairtegal d'amporum : “Omnis digeitio procedit in spisando” .i.  29a1 toscaidi gach uili dileghadh cum remraigthi , ⁊ teit gach remadus a fuaraidecht, da reir sin as en leiges dlegus in fiabrus ⁊ in cuis . Item adeir Galenus corob imcubaidh ligin na cuislinni is in fiabrus oir folmaigi si in cuis ⁊ cuiridh an corp a fuaraidecht, ⁊ gach ni cuirius an corp a fuaraidecht is imcubaidh e a leth in fiabrusa, ⁊ gach ni on dentar folmugadh dleistinach is imcubaidh e a leth cuisi an fiabrusa, da reir sin do ni an cuislinn na nethi sin sa fiabrus ⁊ a cuis an fiabrusa dlegar a ligean in gach ni acu, da reir sin is leiges inann dlegar don fiabrus ⁊ don cuis . Item adeir Auicenna sa iiii leabar corob imcubaidh sirop na h-aigedi ⁊ in aiged fein san fiabrus ⁊ a cuis in fiabrusa, oir  p.22 dilegaid ⁊ claecloidhi ⁊ oilid , ⁊ gach ni do ni so is imcubaidh e do leth in fiabrusa ⁊ do leth na cuisi , da reir sin is aen leiges dlegar is in fiabrus ⁊ is in cuis . Item adeir de ingenio sanitatis na briathra so: “Omne quod remouet causam remouet efectam cause” .i. gach ni indarbus in cuis indarbus se seadh na cuisi, da reir sin gach ni indarbus in cuis indarbus seadh na cedhi [leg. cuisi] .i. in fiabrus , da reir sin as aen leiges fognus a ngach ni dib. Item do citer corob leiges inann fognus don cuis ⁊ don aicid, oir adeir corob e in fiabrus as adbur don aicid, ⁊ gach ni o leigester in fiabrus leigester in aicid uadha, da reir sin is aen leiges fognus don cuis ⁊ don aicid. Item adeir Galenus in libro de axidens ⁊ morbo co leanann an aicid in galur mar leanus in sgaile in corp, da reir sin gach ni o leiges in galur leigester in aicid uadha. Freagramaid cuigi so ⁊ adermaid co tuicter in leiges do leth in fiabrusa o da modh .i. trit fein ⁊ co h-aicideach, trit fein in tan innarbtar in fiabrus o nethib fuara fliucha amail adubairt Ipocras: “humidi diete etc.”, co h-aicideach .i. in tan leigester terciana fire o reubarbum noch ata te tirim, oir in tan folmaigter lind ruadh ¹², noch ata in [a] adbur do terciana ,  p.23 leigester terciana in tan sin. Tuic let co foghailter aicid in fiabrusa o da modhaib .i. in aicid noch bis a coimidecht na fiabrus, ⁊ aicid tig i ndeaghaidh in fiabrusa, in aicid bis a coimidecht in fiabrusa amail ata dergi na ngruaidhedh a fiabrus perplemonia, ⁊ dorcacht ⁊ duibi na teangadh a causon ⁊ a terciana fire , ⁊ adermaid in tan leigester na tegmana so co leigester in aicididha ; ⁊ na h-aicidi noch tig a ndiaidh na fiabrus amail ata singopis flux bronn ⁊ coilica, p[assio?] ⁊ nemcodladh, edruime ceilli ⁊ a cosmaili, adermaid nach leigester na h-aicidi so o leiges in fiabrusa. Et adermaid co fogailter in leiges a tri modhaib .i. o geiniraldacht ⁊ spetsialdacht ⁊ o uimir. O geiniraldacht amail ata gach uili ni ga leiges o na contrardacht: amail adeir Galenus secundo Tecni: “Omnis cura  p.24 debet fieri per contrarium in ecaili gradu” .i. gach uili easlainti ag a leiges a ceim contrarda cudruma . O spetsialdacht noch fogailter a iiii rannaib .i. a cailidecht ⁊ a caindiecht ⁊ a foladh. A cailidecht amail ata tesaidecht ⁊ fliucaidecht, fuaraidecht ⁊ tirmidecht, tesaidecht ⁊ tirmidecht, fuaraidecht ⁊ fliucaidecht . Caindiecht amail ata replexion ⁊ inanisio .i. linadh ⁊ folmugadh. A foladh amail ata reamrugadh ⁊ seimiugadh ⁊ gerradh ⁊ glanadh ⁊ a cosmaile. On uimir uero amail ata in easlainti sa iiii ceim, dlegar an leiges do tobairt contrardha fa cudrumacht an ceime sin.

6.

 29a49 Fiarfaighter annso an furtachtaigter in naduir on leiges co forimeallach no co h-inmedonach , do citer nach dentar, oir adeir Galenus sa iii leabar de ingenio sanitatis: Natura non defecit inicesaris i. ni bi easbaid ar in naduir , da reir sin ni comfurtachtaigter an naduir on leiges co forimeallach na co h-inmedonach. Item adeir Aristoteles sa ced leabar de generacionis nach bi gnim etir ani corpardha ⁊ ini nemcorpardha, ⁊ as amlaidh ata in naduir go nemcorpardha  p.25 ⁊  29b1 in leiges corpardha , da reir sin ni bi gnim atora , ⁊ o nach bi ni comfurtachtaigter in naduir on leiges. Item adeir Galenus de ingenio sanitatis na briathra : “Nil inuenitur in natium preter aliquid lesionis ” i. ni fuil ni furtachtaiges in naduir nach gortaigter in naduir uadha ar duis, ⁊ adeir Galenus nach fuil leiges is mo o furtachtaigter in naduir nan dileghadh ⁊ ni gortaiginn an dileghadh an naduir do reir Galenus, da reir sin ni comfurtachtaigter an naduir o aen leiges . Item adeir Galenus primo ¹³ de interioribus: Natura non indiget auxilio medicamen[tor]um .i. ni rig a les in naduir furtachta an leigis acht in tan nach etir le fein an easlainti do clai, no in uair is mo in easlainti na in naduir, ⁊ in tan is treisi in easlainti na in naduir ata si marbtach in tan sin, da reir sin ni comfurtachtaigter in naduir on leiges, oir ordaigidh Galenus gan an leiges do tobairt is na h-easlaintib marbtacha. Item adeir Galenus a ngluais an ii leabair damprismi, gach uile ni ata leth amuith don naduir nach comfurtachtaigter an naduir uadha, ⁊ is amlaidh ata in leiges a n-aiged na nadura, da reir ¹⁴ sin ni comfurtachtaigter  p.26 in naduir on leiges . Item adeir Galenus da mbedh leiges do genadh furtacht don naduir go madh e an dileghadh do genadh in furtacht sin, ⁊ gach ni bis ullum cum an morgaidh ni furtachtaigter in naduir uadha, ⁊ ataid caili in dileghtha ullum cum in morgaidh .i. tesaidecht, fliucaidecht, da reir sin ni furtachtaigter in naduir on leiges . Item adeir Aristoteles sa iii leabar do fisicorum nach oibrigheann an leiges is in corp daend no go ngnimaiginn in tes nadurdha isin leiges, da reir sin os ecin don tes nadurdha saetrugadh a n-aiged an leigis anbaindigter an naduir on leiges. Teagar in a aiged so do reir na n-uili dochtuiredh . Item dociter nach imcubaidh an dileghadh do tobairt i ngach aen fiabrus morgaidh leanamnach amail ata sinoca, oir adeir Galenus nach imcubaidh dileghadh do tobairt san fiabrus so . Item do citer nach dlegar an dileghadh do tobairt an aen modh, oir adeir Ipocras is in canon so: “Si ex egritudine  p.27 cibum accipiens etc.” .i. co ndlegar in cuisli do ligin in tan imdaigid na iiii lenna a n-aenfecht, ⁊ co ndlegar in leiges lnna do tobairt an tan pecaiges aen lind amain, mas ed o deir Auicenna nach ni eli an dileghadh acht ullmugadh an adhbuir bis anumal cum a innarbta do leth a reamaduis ⁊ a rignechta ⁊ in tan imdaigid na iiii lenna a n-aenfecht ni regar a les an dileghtha acht an folmugadh on cuislinn amail adubramar, ⁊ an tan pecaidius aen lind, a folmugadh le leiges lenna mar an cedna, da reir sin ni h-imcubaidh an dileghadh do tobairt aen modh . Item adeir Galenus nach imcubaidh an dileghadh do tobairt is na h-easlaintib marbhthacha amail ata colica ⁊ sinoca ⁊ freinisis ⁊ scinancia ⁊ antrax, amail adeir Ipocras sa ced pairtegal sa iiii pairtegal d'ampriorum , da reir sin ni h-imcubaidh an dileghadh i ngach en fiabrus. Item ni h-imcubaidh dileghadh a fiabras lenna ruaidh, oir adeir Galenus sa ix leabar de ingenio sanitatis, gach uili dileghadh do beith te, ⁊ ni h-imcubaidh nethi teo do tobairt a fiabrus lenna ruaidh, da reir sin ni dlegar dileghadh do  p.28 tobairt i ngach fiabrus. Teagar in a aiged so , oir adeir Galenus corob imcubaidh dileghadh do tobairt: a sinoca inflatiua  ¹⁵, ⁊ ni fuil do na fiabrusaib fiabrus i n-a luga a ndlegar an dileghadh do tobairt na sinoca, da reir sin is imcubaidh an dileghadh a ngach en fiabrus. Item adeir Galenus gach fiabrus critech tri faethugadh is ecin an dileghadh do tobairt ann, oir is e oibriugadh na nadura isan faethughadh .i. dileghadh ar tuis ⁊ dealugadh aindsein ⁊ indarbadh fa deoigh , da reir sin dlegar an dileghadh do tobairt a ngach uili fiabrus. Item adeir Auicenna sa iiii leabar nach tinnscnann easlainti acht on ceim dileghtha , da reir sin dlegar an dileghadh do tobairt i ngach easlainti. Item adeir Galenus corob comarta slainti gan fuireach i ngach uili eslainti comarta in dileghtha d'faicsin co dlistinach, da reir sin, os on naduir ataid comartai in dileghtha, dligidh an liaigh dileghadh do tobairt i ngach eslainti. Freagramaid cuigi sin ⁊ adermaid corob imcubaidh an dileghadh do tobairt i ngach en fiabrus morgaidh .

7.

 29b54 Fiarfaighter annso an tre tes ⁊ tre tirmidecht oibrighes gach uili dileghadh, do citer corob edh, oir adeir Ipocras gorob i an fuaraidecht is namha don naduir, ⁊ is e an  p.29 dileghadh is cara di, da reir sin  30a1 ata gach dileghadh te tirim. Item adeir Galenus de ingenio sanitatis na briathra so : “Illud quot nocet sano multo magis nocet infirma ” .i. gach ni urcoidigius do na dainib slana urcoidigi nis mo na sin dona dainib eslana, ⁊ urcoidigi an fuaraidecht do na dainib slana, da reir sin urcoidigi nis mo na sin do na dainib easlana, mas edh , o ta in dileghadh a comfurtacht na ndainedh slan ⁊ easlan, tuicter a beith o tesaidecht. Item adeir Auicenna a caibidil na mbrigh na briathra so: “Frigidum non intrat in opus nature etc.” .i. ni teidh an fuaraidecht a n-oibrighthib na nadura, ⁊ ni mar sin d'oibrighthib an dileghtha, oir tarbaid co mor don naduir, da reir sin is tre tes oibrighes gach dileghadh. Teagar i n-a aiged so do reir Galenus de ingenio sanitatis, noch adeir gach uili dileghadh do beith contrarda don adbur in-a tobartar e, masedh, o ta an fiabrus te tirim dlegar dileghadh in fhiabrusa beith fuar fliuch. Item adeir Auicenna sa caibidil cedna na briathra so: “Aqua frigida agiuuat in digirendo materiam colericam ” ⁊ subtilem .i. furtachtaigidh inn t-usci fuar an dileghadh san adbur coilerda seim , dareir sin o fuaraidecht doniter in dileghadh. Item adeir Haili sa ced leabar do Tecni corob o fuaraidecht  p.30 doniter an t-adbur tesaidechta do dileghadh, da reir sin ni tre tes doniter in dileghadh. Item adeir Galenus de ingenio sanitatis co ndlegar an comsuigigud re n-abar oxisacra do tobairt do dileghadh an adbuir reamuir, ⁊ is follus co fuil oxisacra fein fuar, da reir sin ni tre tes oibrighes in dileghadh. Item adeir Galenus sa x. leabar de ingenio sanitatis na briathra so: “Aquam frigidam sequitur sudor ⁊ solucio uentris” .i. togairmid an t-uisci fuar an t-allus ⁊ flux na bronn da reir sin os e oibir in dileghta an t-adbur d'ullmugadh cum a indarbtha, ⁊ o do ni an t-uisci fuar na nethi sin adubrumar, tuicter nach o tes do niter in dileghadh. Freagramuid cum na cesti so ⁊ adermaid co fuilid da cuingill is ecin don liaigh d'fecain cum an dileghtha .i. cumtacht no fairsingecht na poiredh trit a n-indarbtar an t-adbur, ⁊ rignecht no anumlacht an adbuir bud coir d'innarbadh ann. Et adermaid annsa ced modh dib so na huili leigis dileghtacha do beith te, oir as e oibir na tesaidechta oslugadh ⁊ leathnugadh do denam, ⁊ oibir na fuaraidechta dunad ⁊ cumgugadh do denum con nadurdha, ⁊ adermaid mar an cedna in  p.31 dileghadh te do tobairt is in morgadh. An ii cuingill .i. rignecht ⁊ anumlacht an adbuir, ⁊ adermaid co ndlegar an dileghadh do beith comusga an tan sin o nethib teo ⁊ o nethib gera aigethi .i. na nethi gera a gerrad an adbuir rigin, ⁊ na nethi teo ag oslugadh na poiredh, ⁊ is mar sin fagmaid in cest sin.

8.

 30a39 Fiarfaighter annso an fedann neach tesdail is na fiabrusaib gera a h-aitli an adbuir do dileghadh, do citer co fedann do reir Galenus is in leabar faethuigthi, oir adeir annsin co fedann neach tesdail an digbail na h-eslainti, ⁊ ni bind an digbail acht a h-aitli an adbuir do dileghadh , da reir sin fedaid neach tesdail a h-aitli an adbuir do dileghadh is na fiabrusaib gera. Item adeir Consantin a leabar na teoaircachta  ¹⁶ co facaid se fein moran noch fuar bas a sdaid na fiabrus nger, ⁊ is annsa sdaid critigh an dileghadh do reir Galenus, da reir sin fedaidh nech tesdail is na fiabrusaibh gera a h-aitli an adbuir do dileghadh . Item adeir Galenus corob o anbainne ⁊ o digbail na brighi tig an bas, ⁊ ni fuil do iiii h-aimseraib na h-easlainti aimser in ab anbainne an brigh nan digbail na h-easlainti , ⁊ ni bind an digbail acht a h-aitli  p.32 an adbuir do dileghadh, da reir sin fedaid nech tesdail a h-aitli an adbuir do dileghadh is na fiabrusaib gera . Item adeir Galenus sa ii leabar do pronosticorum a comarthaib perplemonia co fedann an t-adbur beith dileghtha is in eslainti so, ⁊ nach fedtar a innarbadh, ⁊ adeir co fuilid da ni is ecin d'fechain cum na h-easlainti o ternaigter ⁊ in t-adhbur do beith dileghtha ⁊ nert na naduiri cum a innarbtha mar is tu , ⁊ fedaidh  30b1 nech tesdail tri esbaidh an adbur d'innarbadh ach ge do beith dileghtha, amail is follus as perplemonia, da reir sin fedaid nech tesdail is na fiabrusaib gera a h-aitli an adbuir do dileghadh . Teagar an a aiged sin do reir Galenus in libro crisi noch adeir nach facaid nech do dul d'ec ag a mbedis comarthai an dileghtha co h-imlan. Freagramuid cum na cesti sin ⁊ adermaid nach fedann nech bas d'fagbail a h-aitli an adbuir do dileghadh do leth na naduire, ⁊ co fedann do leth na h-aicidi. Et fedaidh an aicid sin techt o tri nethib .i. o ainmes an leagha, no o easlainti eli do techt a cenn na ced easlainti, no seacran  p.33 do beith etir na brighaib, oir adeir Galenus da mbia seacran ar in liaigh ⁊ ar fritalamh an otair ullmaigi sin neach cum bais ge do beith an t-adbur dileghtha, ⁊ adeir Galenus da ti easlainti is in digbail, acht ge ma bec hi , go togairmenn an bas o secran na mbrigh, oir adeir Galenus da mbia an brigh innarbtach nadurdha ⁊ in brigh ainmidhi maille secran oibrighthi co fedtar an bas d'fagbail on tsechran sin .

9.

 30b17 Fiarfaighter annso an dlegar an dileghadh do tobairt a tormach na h-easlainti, do citer nach dlegar, oir adeir Galenus corob uime do berar an dileghadh do laidiugadh adbuir na h-easlainti, ⁊ ni fedtar a laidiugadh is in tormach , da reir sin ni dlegar in dileghadh do tobairt is in tormach . Item adeir Galenus gach aimser in a mbind na drochaicidi co ro laidir ; nach dlegar an dileghadh do tobairt an tan sin , da reir sin o taid na drochaicid co ro laidir is in tormach ni dlegar in dileghadh do tobairt in tan sin . Item ni dentar in dileghadh acht an tan bis an tes nadurdha co foirtill cum gnimaigthi ann, ⁊ ata in tes nadurdha ar n-a inntoga a tinntigecht is in tormach, da reir sin ni dlegar in dileghadh do tobairt a tormach na h-easlainti. Item adeir  p.34 Consantin nach ni eli an tormach acht foirbtiugadh in dileghtha, da reir sin os inti fein cricnaigter an dileghadh ni dlegar in dileghadh do tobairt innti. Teagar in a aiged so ⁊ adermaid a h-ugdaras Galenuis co ndlegar an dileghadh do tobairt a tosach ⁊ a tormach na h-easlainti. Freagramaid cuigi sin ⁊ adermaid co fuil in dileghadh ar na fogailt a tri modhaib .i. dileghadh follus ⁊ dileghadh nemfollus ⁊ dileghadh foirbthi , ⁊ adermaid co fuil an dileghadh nemfollus a tosach na h-easlainti ⁊ a beith follus is in tormach ⁊ a beith foirbthi is in sdait, ⁊ is don easlainti o ternaigter tuicter an dsting so.

10.

 30b38 Fiarfaighter annso an denann an biadh adhbur na h-easlainti do dileghadh, do citer nach denann, oir adeir Galenus in libro de causis nach ni eli an dileghadh acht claeclogh do denam ar adbur na h-eslainti, ⁊ ni denann an biadh noch is biadh an claechlogh sin, acht an t-adhbur do geib is in corp do imedugadh , amail adeir Ipocras is in canon so: “non pura corpora” etc. ¹⁷ .i. co ngortaigter na cuirp nemglana on oileamhain, da reir sin ni denann an biadh adbur na h-easlainti do dileghadh. Item adeir Ipocras a ngluais ampriorum na briathra so: “Natura impetitur per sibum in  p.35 digestione materie” .i. toirmiscter an naduir o dileghadh na h-easlainti tre caiteam an bidh, da reir sin ni dileghar adbur na h-easlainti on biadh. Item adeir Galenus a ngluais reumenta acutorum  ¹⁸ na briathra so : “Et adem est intensio in cibando sanos et egros ” .i. is en inntinn dlegus an liaigh do beith aigi cum bidh do tobairt do na dainib slana ⁊ dona dainib easlana, ⁊ ni tobartar an biadh do na dainib slana cum an adbuir do dileghadh, da reir sin ni dlegar a tobairt do na dainib easlana cum an adbuir do dileghadh. Item adeir Galenus de ingenio sanitatis co remraigter an t-adbur ⁊ co  31a1 medaigter na duinti o caitam an bidh, da reir sin ni dentar an t-adbur do dileghadh on biadh. Teagar an-a aiged sin do reir Haili a ngluais tecni noch adeir co ndentar an saetur ⁊ caitim an bid adhbur na h-easlainti do dileghadh, da reir sin oibrigidh an biadh cum adbuir na h-easlainti do dileghadh. Item adeir Ipocras is in ced leabar do reumenta acutorum na briathra so : Protisano est super omne de genere cibariorum .i. ni  p.36 fuair me do na huili biadh biadh is uaisle do na dainib easlana na sisan na h-eorna, oir innarbaidh se an morgadh, dileghaid adbur na h-easlainti, da reir sin is imcubaidh an biadh cum adbuir na h-easlainti do dileghadh. Item adeir Ipocras is in iiii leabar dampriorum is in canon so: “Oportet ad eliborus uero etc.” .i. co ndlegar an corp d'ullmugadh o biadhaib measarda roim an purgoid re n-abar eliborus, ⁊ is cum dileghtha an adbuir ordaigius Ipocras sin, da reir sin doniter dileghadh an adbuir on biadh. Item adeir Auicenna sa iiii leabar na briathra so: “Cibus moderatus confortat uirtutem ⁊ calorem naturalem” .i. comfurtachtaigidh an biadh measarda an brigh ⁊ in tes nadurdha, ⁊ o nach ni eli an dileghadh acht oibrigthi an tesa nadurdha tuicter co ndentar an dileghadh on biadh measarda. Freagramaid cuigi sin do reir Galenuis a ngluais na canon so: “ad eliborus etc.” noch adeir co fuilid da modh in n-a tabartar biadh do na dainib easlana .i. biadh noch is biadh ⁊ biadh noch is biadh ⁊ is leiges, an biadh noch is biadh is e is ruidhlius do sustaint an cuirp do medugadh ⁊ do reamrugadh ⁊ d'oileamhain, ⁊ ni dileghaid an t-adbur acht co h-aicideach a calmugadh na mbrigh ⁊ na mball. An biadh noch biadh ⁊ is leiges , dileghaidh trit fein ⁊ claecloigidh an t-adbur cintach da mbia contrardacht aigi  p.37 ris. Et not let co fuilid  ¹⁹ i ngach fiabrus adburdha cuis tinnscaintach ⁊ cuis remtoscaitech ⁊ cuis coimceangail, gurob airi sin.

11.

 31a27 Fiarfaighter annso cia do na cuisib so darub imcubaidh an dileghadh, do citer corob don cuis coimcengail , oir adeir Haili a ngluais tecni : “Cause antecedenti debetur euacuacio ” ⁊ “cause coniungte debetur digestio ” .i. is don cuis remtoscaighthi dlegar an folmugadh ⁊ is don cuis coimcengail dlegar an dileghadh. Item adeir an fer cedna nach ni eli an dileghadh acht claechlogh noch toirmiscius an morgadh, ⁊ ni ni eli an morgadh acht an cuis coimceangail, da reir sin is annsa cuis coimcengail dlegar an dileghadh do tobairt . Teagar i n-a aiged so oir adeir Galenus nach bind sbas na fuireach a h-aitli na sdaiti gan dul ar neitfni , da reir sin: os annsa sdait bis an cuis coimceangail ni h-innti dlegar an dileghadh do tobairt . Item adeir Galenus co ndligeann an dileghadh an morgadh do cosc , ⁊ ni coiscter an  p.38 cuis coimceangail co nuigi an sdait, ⁊ ni regar a leas an dileghadh annsa sdait, da reir sin ni h-annsa cuis coimcengail dlegar an dileghadh. Freagramaid cuigi sin ⁊ adermaid corob don cuis remtoscaiti ⁊ don cuis coimcengail dlegar an dileghadh do tobairt .

12.

 31a42 Fiarfaighter annso an imcubaidh an cuisli do ligin an en fiabrus , dociter nach imcubaidh, oir adeir Galenus co ndligeann an liaigh an naduir d'innsamlugadh ⁊ a leanmhain in h-oibrigthib , is e is oibir dilius don naduir gach ni is imarcraid ⁊ is urcoid di d'innarbadh, ⁊ ni fuil fiabrus in a n-indarbann an naduir an fuil, da reir sin ni dligann an liaigh an cuisli do ligin an en fiabrus. Item adeir Galenus an tan folmaigter an fuil maith maille an droch fuil nach dlegar a ligin an tan sin , oir is ²⁰ mo urcoidigius folmugadh na fola maithi maille an droch fuil na comfurtachtaigius, ⁊ ni fedtar cuisli do ligin is na fiabrusaib gan an fuil maith d'innarbadh innti , da reir sin ni dlegar cuisli do ligin is na fiabrusaib. Item adeir Galenus nach folmaigenn an cuisli acht an linn pecis leth astig do na cuislennaib, ⁊ is leth amuith do na cuislennaib ata adbur fiabrusa interpullata , ⁊ adeir  p.39 Auicenna  31b1 na briathra so: “Uenole exicate trahunt id se humores etc.” i. in tan folmaigter na cuislenna tairrngidh cucu na lenna omha ⁊ tuismigter annsin anterpullata continua, da reir sin ni h-imcubaidh an cuisli do ligin an en fiabrus. Item ni h-imcubaidh an cuisli do ligin is na h-easlaintib righne oir adeir Galenus nach dlegar an diet seim do tobairt is na h-easlaintib rigni, amail adeir Ipocras is in canon so. “In diurna egritudine etc.”, os a gne folmaigthi in diet seim is mo na sin ata in cuisli n-a gne folmaigti , da reir sin ni h-imcubaidh in cuisli is na fiabrusaib rigne . Et adeir Galenus nach imcubaidh in cuisli do ligin a fiabrus bis maille teas mor, ⁊ ni bidh fiabrus gan tes , da reir sin ni dlegar an cuisli do ligin an en fiabrus. Item adeir Auicenna an tan bis an brigh anbann nach dlegar in cuisli do ligin, ⁊ an tan is nertmar an brigh ni dlegar a ligin , amail adeir Ipocras is in canon so: “Ea corum crisis fit etc.,” da reir sin ni dlegar cuisli do ligin an en fiabrus. Teagar i n-a aiged so do reir Galenus sa xi leabar deg de ingenio sanitatis, oir  p.40 adeir nach eadh amain is imcubaidh in cuisli a sinoca inflatiua, acht is imcubaidh i i ngach uili fiabrus morgaithi muna toirmisci brigh no ais an easlain hi . Item adeir Galenus co fuilid da ni tig o ligin na cuislinni is na fiabrusaib .i. in t-ainntes d'isliugadh ⁊ in morgadh d'innarbadh, da reir sin is imcubaidh in cuisli do ligin i ngach en fiabrus. Item adeir Galenus a ngluais ampriorum is in canon so: “dolores oculorum”, noch labrus do leiges na sul, oir adeir annsin an tan pecaididh moran do lennaib a n-enfecht , co ndlegar an cuisli do ligin an tan sin, ⁊ ata pecugadh moran do lennaib is na fiabrusaib morgaithi, da reir sin dlegar an cuisli do ligin unta . Freagramaid cuigi sin do reir Galenus noch adeir gach uili uair comfurtachtaigter an brigh o ligin na cuislinni, acht ge mad moidi an fiabrus hi , co ndlegar a ligin, oir adeir Galenus an cuisli do ligin do calmugadh na brighi, ⁊ in leiges lenna d'innarbadh adbuir an fiabrusa morgaithi.

13.

 31b27 Fiarfaighter annso ce sa mo tarbaigius an leiges in leiges lenna is na fiabrusaib na ligin na cuislinni . ⁊ Dociter gorob mo tarbaigius an leiges lenna, oir ni innarbann an leiges lenna acht an t-adbur cinntach, ⁊ ni mar sin don cuislinn, oir folmaigi si an t-adbur cintach ⁊ nemcintach,  p.41 da reir sin is mo tarbaigius in leiges lenna is na fiabrusaib na ligin na cuislinni . Item adeir Galenus an folmugadh do niter on leiges lenna co fuil se on naduir ⁊ on easlainti ⁊ in folmugadh do niter on cuislinn ni fuil se acht on easlainti amain, da reir sin in folmugadh ata on naduir ⁊ on easlainti is mo tarbaigius se is na fiabrusaib na ligin na cuislinn . Item adeir Galenus gach folmugadh is lugha innarbas don tes nadurdha ⁊ do na spiradaib is e is mo tarbaigius is na fiabrusaib, ⁊ is follus corob luga innarbtar don tes ⁊ do na spiradaib le folmugadh an leigis lenna na le folmugadh na fola, da reir sin is mo tarbaigius in leigios lenna is na fiabrusaib na folmugadh na cuislinni . Item adeir Galenus gach folmugadh dib so is mo oslaigius na duinti corob e in folmugadh sin is mo tarbaigius is na fiabrusaib, ⁊ is mo oslaigius an leiges lenna na duinti na ligin na cuislinni , da reir sin is mo tarbaigius in leiges lenna is na fiabrusaib na ligin na cuislinni. Teagar in-a aiged so do reir Galenus noch adeir nach folmaigter leis in cuislinn acht an med as ail leis in liaigh, ⁊ ni mar sin do leiges lenna, oir folmaigi se na lenna co h-imarcrac do mi-toil an leagha uair ann , da reir sin is mo tarbaigius an cuisli is na fiabrusaib na leiges lenna. Item adeir Galenus co fuil gach uili leiges lenna do gneitib na neime ⁊ n-a namhaid ; don naduir, ⁊ ni mar sin d'folmugadh na cuislinni do reir Galenus, da reir sin  p.42 is mo tarbaigius an cuisli is na fiabrusaib nan leiges lenna. Feagramaid cuigi sin ⁊ adermaid co pecaidid na lenna o da modhaib .i. uair ann do leth a cailed ⁊ uair eli do leth a cainndiechta , an uair pecaidid .in-a cainndiecht dlegar an cuisli do ligin an tan sin, ⁊ in tan pecaidid do leth a caili dlegar an leiges lenna an tan sin .

14.

Fiarfaighter annso an dlegar an cuisli do ligin  32a1 a tosach na fiabrus. Do citer nach dlegar a h-ugdaras Auicenna sa ced leabar noch adeir : Fleoupotomia  ²¹ non oportet fieri ante digestionem materie .i. ni dlegar an cuisli do ligin roim dileghadh an adbuir, da reir sin ni dlegar i a tosach na fiabrus . Itemadeir Galenus co ndligenn an liaigh oibrighthi na nadura do leanmain, ⁊ ni innarbann in naduir en rann don easlainti i n-a tosach, da reir sin ni dligenn an liaigh a h-innarbadh, amail adeir Ipocras is in canon so: Incipientibus morbis etc. Item adeir Auicenna co fuilid ii ni ag toirmisc in leigis lenna ⁊ na cuislinni is na fiabrusaib .i. nert na ndrochaicidedh ⁊ uimi ⁊ reime in adbuir, ⁊ is do nert na ndrochaicidedh do labair  p.43 Ipocras is in canon so : digesta medicari etc. da reir sin ni dlegar cuisli na leiges lenna do tobairt a tosach na fiabrus. Item adeir Auicenna gach adbur bis an aen inadh amain, co ndlegar fuirech re n-a dileghadh ni is tusca na doberar in t-innarbadh, ⁊ is amlaid ata fiabrus interpullata ⁊ a adbur a-n aen inadh leth amuith do na cuislennaib, da reir sin ni dlegar cuisli do ligin a tosach na fiabrus so . Item adeir Galenus in primo de crisi corob inand ata cuis na nescoidi ⁊ cuis in fiabrusa do leth in folmaigti, ⁊ ni dlegar in t-adbur d'folmugadh annsa nescoid no co di an sdaid , da reir sin ni dlegar folmugadh do tobairt is in fiabrus no co ma dileghtha in t-adbur. Item adeir Galenus corob ann dlegar in naduir do comfurtacht in tan rig si a les a comfurtacht, ⁊ adeir Galenus nach rig a les an naduir a comfurtacht a tosach na h-easlainti , da reir sin ni dlegar cuisli do ligin a tosach na fiabrus. Teagar i n-a aiged so san viii leabar de ingenio sanitatis, oir adeir Galenus gach ni ullmaiges in t-adbur ⁊ luathaighes e cum a dileghtha, co ndlegar a denum, ⁊ adeir Galenus co luathaiginn ligin na cuislenn a tosach in fiabrusa in t-adbur cum a dileghtha, da reir sin as imcubaidh an  p.44 cuisli a tosach na fiabrus. Item adeir Galenus a caibidil tsinoca inflatiua nach dlegar fuirech re dileghadh an adbuir na risin faetugadh gan an cuisli do ligin, da reir sin dlegar in cuisli do ligin a tosach na fiabrus. Item adeir Auicenna corob i in aimser in a treisis in brigh dlegar in cuisli do ligin, oir ni dligind an liaig cuisli do ligin i n-anbaindi na brighi, da reir sin o nach fuil de iiii h-aimseraibh in fiabrusa aimser i n-a treisi in brigh na in-a tosach, is ann dlegar in cuisli do ligin. Item adeir Auicenna gach uili uair bes in naduir co nertmar ⁊ in t-adbur co h-imdha, co ndlegar in cuisli do ligin in tan sin , ⁊ ata in t-adbur co h-uimdha ⁊ in naduir co nertmar a tosach in fiabrusa , da reir sin dlegar in cuisli d'ligin i n-a tosach . Freagramaid cuigi sin ⁊ adermaid do reir Auicenna sa iiii leabar co fuilid tri h-ernaili i n-a tobartar in folmugadh do leth na cuisi .i. hora electa expediens ⁊ eiroina ²², hora electa .i. uair toghaidi dleistinach, ⁊ ni dlegar in uimir laethidh na aimisiri crosta d'fecain cuigi so ma  p.45 ta an brigh laidir ⁊ in t-egintes ar an otar, expediens imorro .i. uair is mo tarbaigius don naduir in folmugadh do tobairt innti na urcoidigius, Eiroina .i. in uair medhaigter in easlainti on folmugadh ⁊ digbaigter in tes nadurdha .

15.

 32a45 Fiarfaighter annso an dlegar in fothragadh do tobairt i ngach fiabrus, do citer nach dlegar, oir adeir Galenus sa ii leabar do reumenta acutorum nach dlegar fothragadh do denam a fiabrus lenna fuair, ⁊ is e as adbur do sin .i. disgailidh se an [t]adbur seim ⁊ fagaidh an t-adbur reamra gan disgailedh, da reir sin ni dlegar in fothragadh do denam i ngach fiabrus. Item adeir Galenus gach ni medhaiges in morgadh ⁊ coimedhas e ni dlegar a denam, ⁊ adeir Galenus co medaigter ⁊ co coim[ed]tar in morgadh on fothragadh , da reir sin ni dlegar a denam is na fiabrusaib . Item adeir Galenus a ngluais in iiii pairtegal d'ampriorum nach dlegar fothragadh uisci te do denam a fiabrus noch bis a coimetacht na neascoidedh, da reir sin ni h-imcubaidh an fothragadh i ngach fiabrus. Item adeir Galenus nach innarbtar leis in fothragadh  32b1 acht imarcraidh in iii  ²³ dileghtha, ⁊ in t-adbur bis etir feoil ⁊ leathar, ⁊ ni h-annsin bis adbur in fiabrusa continoidigh acht co h-inmedonach is na cuislennaib, da reir sin ni h-imcubaidh in fothragadh in gach fiabrus. Item adeir Galenus a ngluais na h-afraisi so: “Sub  p.46 cane ante canem etc.”, ⁊ adubairt Aristoteles na briathra so: “Balneum refugat euacuacione materie ” ²⁴ .i. bidh an fothragadh is na fiabrusaib a n-aiged folmaigti an adbuir, da reir sin ni h-imcubaidh an fothragadh is na fiabrusaib. Teagar in-a aiged so do reir Galenus sa uiii leabar de ingenio sanitatis, oir adeir gorob imcubaidh an fothragadh do tobairt a fiabrus efemera, sa x leabar corob imcubaidh a tobairt a fiabrus eticach, ⁊ a xi leabar deg corob imcubaidh a tobairt a fiabrus putria ⁊ da reir sin as imcubaidh an fothragadh do tobairt i ngach uili fiabrus. Item adeir Galenus sa x leabar de ingenio sanitatis gach ni cuires an corp a fuaraidecht ⁊ a fliucaidecht corob imcubaidh e is in fiabrus morgaiti, ⁊ cuiridh an fothrugadh an corp a fuaraidecht ⁊ a fliucaidecht, da reir sin dlegar a tobairt is in fiabrus putria . Item adeir Galenus gach ni doni dileghadh an adbuir cintaigh ⁊ innarbus e ⁊ cuiris an corp a fuaraidecht corob imcubaidh a tobairt is na fiabrusaib, ⁊ adeir Galenus co ndenann fothragadh a n-uisci milis na nethi sin, da reir sin dlegar a tobairt i ngach uili fiabrus. Freagramaid cuigi sin ⁊ adermaid co fognann an fothragadh a fiabrus efemera a ngach uili aimsir ⁊ ni dlegar a tobairt a fiabrus eitica , oir ataid tri cuisi fa toirmiscter a tobairt san eitig .i. ar a beith disgailtech ⁊ ar a  p.47 beith tesaidhi ⁊ ar a beith folmaigtech , oir ataid na tri nethi sin go direach a n-aiged na h-eitice . An fothragadh do tobairt san fiabrus morgaiti, tuicter sin o da modhaib .i. do leth na h-aicide ⁊ do leth an fiabrusa fein, do leth na n-aicidedh ataid vi cuingill o toirmiscter an fothragadh. An ced cuingill dib .i. da mbia flux bronn ar fer an fiabrusa ni dlegar an fothragadh do tobairt in tan sin, oir da toirmiscter an flux tarraingter an t-adbur  ²⁵ cum na mball uasal noch is cuis do medugadh na h-urcoidi an tan sin . An ii cuingill .i. da mbia consdipasion ar fer an fiabrusa ni dlegar fothragadh an tan sin do tobairt, oir do cuirfedh se an corp ar otirmech . An iii cuingill .i. da mbia an brigh anbann, ni dlegar fothragadh do tobairt ann . An iiii cuingill an lucht ar a mbidh fastidium ⁊ sceatrach do gnath, ni dlegar fothragadh do tobairt doib . An v cuingill an lucht ar a mbid innrum coilerda, ni dlegar a cur a fothragadh. An vi cuingill .i. an lucht ara mbid flux fola no ata ullum cuigi, ni dlegar a cur a fothragadh.

16.

 32b35 Fiarfaighter annso an dlegar an diet fuar fliuch do tobairt is na fiabrusaib, do citer nach dlegar, oir adeir Auicenna an biadh dlegar do tobairt do lucht na fiabrus co ndligeann se beith sodileghtha ⁊ beith tolltanach ⁊ beith  p.48 lachtach, ⁊ ni bind an diet fuar fliuch mar sin, da reir sin ni dlegar a tobairt is na fiabrusaib. Item adeir Galenus de ingenio sanitatis an diet do tobairt do leth an coimplexa ⁊ gan a tobairt do leth an fiabrusa, da reir sin da mbia fer lenna ruaidh a fiabrus terciana, dlegar an diet noch medaigius lind ruadh do tobairt an tan sin, mas edh ni dlegar an diet fuar fliuch do tobairt is na fiabrusaib . Item adeir Galenus go fuilid tri nethi is ecin cum dieta do tobairt is na fiabrusaib .i. ais ⁊ coimplex ⁊ gnatugadh, da reir sin ni diet fuar fliuch dlegar do tobairt is na fiabrusaib. Item adeir Galenus a ngluais amporum gurab i an fliucaidecht is matair don morgadh, ⁊ adeir Isag an red cedna a leabar na fiabrus: “Omne quoth putrifit est humidum” .i. gach ni gabus morgadh cuigi is ni fliuch e, da reir sin ni dlegar diet fuar fliuch do tobairt is na fiabrusaib. Item adeir Isag a leabar na fiabrus na briathra so: “Frigidum auget opilacionem” .i. medaigidh an fuaraidecht na duinti ⁊ is iad na duinti is adbur don morgadh, da reir sin ni h-imcubaidh na dieta fuara fliucha do tobairt is na fiabrusaib. Teagar i n-a aigedh so do reir Ipocras noch adeir an diet fuar fliuch do tobairt do lucht na fiabrusaib.

17.

 32b55 Fiarfaighter annso an mo urcoidiges an codladh a tosach in paroxsismus na is n aimseraib eli, do  p.49 citer  fol 6a2line1 corob mo sa tosach , oir adeir Galenus gach urcoid do niter a tosach an paroxsismus. ²⁶ mairidh si re fedh na tri n-aimser ele, da reir sin is mo urcoidiges an codladh a tosach an paroxismus na a ngach aimsir ele de. Teagar a n-a aiged sin do reir Galenus sa ii pairtegal d'aimprismi noch adeir da urcoidighi an codladh is in digbail corob comartha bais ⁊ nach edh is in tosach, da reir sin is mo urcoidighes an codladh a ndighbail an paroxismus na a n[a] tosach. Fregramaid cuigi sin ⁊ adermaid co fuilid tri h-ernaile ar an codladh i. codladh bis nadurdha co huilidhi, ⁊ codladh leth amuigh do naduir, ⁊ codladh nach fuil nadurdha na leth amuigh do naduir. Et is e in codladh nadurdha co huilidhi amail adeir Auicenna: Maiximus ⁊ multus ⁊ profundus .i. codladh mor re n-abar maiximus, ⁊ codladh domuin re n-abar profundus, ⁊ codladh imda re n-abar multus. Et is e an codladh leth amuigh do naduir amail ata subethi ⁊ a cosmaili. Et is e an codladh nach fuil nadurdha na leth amuigh do naduir amail ata an codladh do ni nech a h-aithli shiubhul no saethair mhoir no obrighthi, oir adeir Galenus nach fuil an codladh so nadurdha na leth amuigh do naduir. Et adeir Galenus co tuicter an codladh o ii modhaib .i. trid fein ⁊ tri aicid, ⁊ adeir Auicenna an congluais so, an codladh trid fein do beith co nadurdha co huilidhi ⁊ a beith tarbhach, ⁊ a beith co h-urcoidech mitharbach do leth na h-aicidi. Et adeir Galenus an codladh do niter a ndigbail na h-easlainti is mo urcoidighes se na a ngach aimsir ele don paroxismus.

18.

 fol 6a2line22 Fiarfaighter annso an geinter lenna omha on biadh doberar is in paroxismus. Do citer nach geinter, oir adeir Galenus a n-aimpri an paroxismus corob ann is treisi in fiuchadh, ⁊ an tan is mo an fiuchadh is ann is usa'n biadh do berbugadh ⁊ do dileghadh, gorob airi sin nach geinter lenna omha on biadh doberar as in paroxismus. Tic Consantin a n-a aiged so, oir adeir da tucar an biadh is in paroxismus a  p.50 n-aimsir na tri caired so amail ata frighus ⁊ rigor ⁊ oiripilasio, co ngeinter lenna omha uadha ⁊ co teit neach a peirilech (?) o na lennaibh sin, da reir sin geinter lenna omha on biadh do thobairt is in paroxismus. Et cruthaigter lenna omha o ii cuisaibh . i. o anbainne an tesa nadurdha, noch o tuismigter imdugadh lenna fuair is in coi[m]plex o linn d'fhaghbail a mesardachta fein ⁊ a dul a n-ainmesardacht, amail ata linn ruadh ag pecugadh a n-a med ⁊ linn dub mar an cedna. Fregramaid cuigi sin ⁊ adermaid an biadh doberar as in paroxismus co ngeinter lenna omha righni uadha.

19.

 fol 6a2line36 Fiarfaighter annso an mo dlegar an biadh do tobairt a tosach na n-eslainti nger na a ngach aimsir eli dib. Dociter nach dlegar biadh do tobairt a n-a tosach, oir adeir Ipocras sa ced leabar do re[gi]menta acutorum nach dlegar biadh do tobairt do lucht na pleuirisisi no go ma follus biadamlacht ⁊ uisceamlacht na mbel, ⁊ adeir  fol 6b1line1 Galenus nach follus an comartha sin acht a h-aithle an adbuir do dileghadh is in tormach no as in sdaid da reir sin ni dlegar biadh do tobairt do lucht na n-eslainti nger a n-a tosach. Item adeir Ipocras sa ced leabar do re[gi]menta acutorum sugh na h-eorna do tobairt a tosach na h-easlainti ⁊ an cuid is reime de do tobairt is in tormach ⁊ is na h-aimseraib ele, da reir sin ni dlegar biadh do tobairt a tosach na n-eslainti nger. Item adeir Galenus de ingenio sanitatis nach dlegar fin do tobairt isna h-easlaintibh gera no go ma dileghtha an t-adbur, tuicter as sin nach dlegar biadh is reime na fin do tobairt no go ma dileghtha an t-adbur, ⁊ ni binn an t-adhbur dileghtha a tosach na n-eslainti nger, da reir sin ni dlegar biadh do tobairt a n-a tosach. Item adeir Galenus gach aimser a n-a mo ere na naduire ⁊ a saetar corob is in aimsir sin is lugha dlegar an biadh do tobairt, ⁊ ni fuil aimser as mo saetar ⁊ eri na naduire na an tan bis an t-adbur nemdileghtha, da reir sin os a tosach na h-easlainti bis an t-adbur nemdileghtha ni dlegar an biadh do tobairt ann. Item adeir Auicenna a caibidil tsinoca is in gne re n-abar epaumasticus nach dlegar biadh do tobairt a n-a tosach, oir fiabrus e bis ar digbail do gnath, ⁊ is treisi an drochaicid a n-a tosach na a ngach aimsir eli de, da reir sin ni dlegar biadh do tobairt a tosach na n-eslainti nger. Tic  p.51 Ipocras a n-a aiged sin canon so. “quibus est posterior sdatus.”Fregramaid cum na cest so ⁊ adermaid do reir Galenus co fuilid da sdaid a gach easlainti ger .i. sdaid do leth a h-adbuir ⁊ sdaid do leth a h-aicidi. An sdaid do leth a h-adhbuir uero .i. gach uair bis an t-adbur ar n-a dileghadh co foirfi adermaid sdaid na h-easlainti ris an tan sin, amail adeir Galenus primo de crisi. Sdaid do leth na h-aicidi uero .i. gach uair is treisi na drochaicidi aderar sdaid na h-easlainti ris amail is follus a lucht na pleurisisi, oir gach uair is mo an tinnes ⁊ is cumga an ainail ⁊ is docamla an cosachtach, adermaid an pleuirisis do beith a n-a sdaid, fedtar an sdaid so do beith a tosac na pleuirisisi do reir Galenus. Nod let co fedtar na drochaicidi do beith dasachtach ⁊ an d-abdhur do beith dileghtha a n-ainfecht. Et tuic let co fedann an dileghadh ⁊ an t-innarbadh beith a n-ainfecht, amail is follus a lucht na pleuirisisi, ⁊ is na nescoidib eli noch innarbtar tre disgailedh nemfollus, ⁊ adermaid co laidighter na  fol 6b2line1 drochaicidi an tan sin o dileghadh an [a]dhbuir. Et adeir Galenus co fuilid easlainti eli ann ⁊ an tan dileghar in [t]-adbur go medaighter acu e, no go innarbtar a n-einfecht ⁊ an galur, amail is follus is na nescoidib brises uatad fein. Et foghailter an diet mar an cedna .i. diet uiligh ⁊ diet rannach. Diet uiligh amail ata an diet noch ordaigter o tosach na h-easlainti co la a crichnaighthi. Diet rannach amail ata an diet noch ordaighter a iiii h-aimseraibh na h-easlainti. Et adeir Galenus gach uair bias an brigh nemtruaillighthi laidir o tosach na n-eslainti nger conuigi an sdaid nach dlegar an biadh do tobairt an tan sin no go ti an sdaid, ⁊ an tan bes an brigh anbann ⁊ na drochaicidi co dasachtach a tosach na h-easlainti dlegar an biadh do tobairt an tan sin do coimed na brighi.

20.

 fol 6b2line13 Fiarfaighter annso an fiabrus continoidech tuismiter o nescoidibh inmedhonacha no in fiabrus anterbullata. Dociter corob fiabrus continoidech, oir adeir Galenus co fuilid tri h-adhbuir an galuir is in nescoid n-a h-enar .i. droch coimplex ⁊ adhbur pecaidhes ⁊ sgailedh continoidech, ⁊ adeir Galenus co fedtar fiabrus continoidech denam on droch coimplex amain, mas ed is mo fedtar a denam maille an da cuis eli da reir sin is fiabrus continoidech tuismidhter o nescoidibh  p.52 inmedhonacha. Tig Almusor a n-a aiged so ⁊ adeir corob i oripilacio an cuis nanar ²⁷ ann, ⁊ ni binn oripilacio acht a fiabrus anterbullata, ⁊ ni cruthaigter nescoid acht leth amuigh do na cuislennaibh a poiraibh na mball noch is inadh diles d'fiabrus anterbullata, da reir sin is fiabrus interbullata tuismidhter o nescoidibh inmedhonacha. Et as inann apostemha re radh ⁊ at ²⁸ boill leth amuigh do naduir noch tic o gaethmhairecht no o linn cintech, ⁊ tuismidhter apostema o ii cuisaibh .i. an tan innarbas ball ladir a imarcraich cum boill anbhainn noch is cuis do cruthugadh nescoidi is in ball, ⁊ is don cuingill so gaires Auicenna apostema direuaciones .i. nescoid tic o diuargadh imarcrach boill ladir cum boill anbainn. An ii cuis an tan fhagus an naduir imarcraidh oileamna a mball gan folmugadh uaidthi anidh co glaethamail coimceangailti is in ball, ⁊ geinter uadha sin drochcoimplex ⁊ sgailedh continoidech ⁊ na diaigh sin a[n] nescoid re n-abar apostema congestionis .i. nescoid do niter o tachtadh ⁊ o glaethamlacht an adhbhur. Fregramaid cum na cesta so ⁊ adermaid gach uili nescoid morgaiti noch bis a comarsanacht an craidi is ecin fiabrus continoidech do tuismedh uaithi, oir cuiridh a[n] nescoid sin detaighi adhuathmara morgaithi cum an craidi,  fol 7a1line1 ⁊ gluasidh an craidi d'innarbadh na detaighi sin, ⁊ cuiridh an gluasacht sin an tes nadurdha a teinntighecht noch as cuis don fiabrus continoidech. Et adeir Isac a leabar na fiabrus an tan bis nescoid ar an seilg co tuismiter fiabrus anterbullata uaidhi, ⁊ co mbinn a h-aixis on iiii la co ceile amail bis a quartana. Et adeir as [in] inad cedna co tuismiter fiabrus efemera o nescoid na mball inmedhonach ⁊ uair eli o nescoid na mball forimillech, ⁊ is mar sin fagmaid in cest sin.

21.

 fol 7a1line8 Fiarfaighter annso an deghcomarta rigor ⁊ flux fola na srona do techt as in causon. Dociter corob deghcomarta ar duis rigor do techt ann, oir adeir Ipocras sa iiii pairtegal  p.53 d'aimprismi in canon so: Quabsone habito etc. .i. co leiges tar causon o rigor do techt an a ceann. ²⁹ Flux fola na srona do techt ann is deghcomarta e do reir Auicenna noch adeir da ti sgethrach no inrum ³⁰ no fuil srona no allus a cenn causoin co leigester an causon uadha, da reir sin is degh comarta rigor ⁊ flux fola na srona do techt a causon. Tig Isac an-a aiged so sa iiii caibidil do leabar na fiabrus, noch adeir corob drochcomarta rigor do techt a causon. Et is edh is causon ann .i. fiabrus doniter o fuil coilerda a cuislennaibh noch comursnaighes ris na ballaib uaisli. Item adeir Isac corob edh is causon ann .i. fiabrus continoidech noch tuismiter o linn ruadh no o linn fuar thshaillti a cuislennaibh an cuirp co huilidhi, ⁊ co h-airithi is na cuislennaibh comursanaighes ris in craidi ⁊ ris in ngaili ⁊ ris na h-aeb. Et is edh is rigor ann do reir Auicenna .i. droch shuigigud an cuirp co huili maille gluasacht ⁊ re crith anordaightech. Fregramaid cum na cest so ⁊ adermaid da ti rigor a causon ⁊ gan flux tola na srona do techt co ma follus comarta an dileghtha, ⁊ a techt la in faethuigthi foillsigigh sin slainti do reir Auicenna a caibidil an rigor. Item adeir Isac a leabar a febris, da ti flux fola na srona a causon a la an fethuigthi co foillsigidh slainti gan cunntobairt. Et adeir Galenus da ti rigor a contrardha na cuingill adubrumar co foillsigidh bas.

22.

 fol 7a1line31 Fiarfaighter annso an fedtar galur gabaltach do beith ann. Dociter nach fedtar oir adeir Aristoleles na briathra so: “Aicsidens autem non transit de suibiecto in subiectum” .i. ni teit an aicid o suibidecht co suibidhecht, ⁊ is amail ata an galur a n-a ni aicidech, da reir sin ni gabhann se nech da ceile. Tig Auicenna a n-a aiged so sa ced canon, ⁊ tic Ipocras sa vi pairtegal d'aimprismi, ⁊ Auicenna sa vii canon xx, noch adeir “arteitica ⁊ podagra sunt morbi eritari” .i. ata arteitca  fol 7a2line1) ⁊ potagra a n-a ngalraib oidrechtacha gabaltacha, da reir sin fetar galur gabaltach do beith ann, amail adeir Gordonius na briathra so: “Antrax, lepra, lipa, freinisis, contagia prestant”, is iad so na h-easlainti gabaltacha antrax .i. nescoid doniter o comcumusc na tri lennann .i. fuil derg ⁊ linn  p.54 ruadh ⁊ linn dub, corob airi sin bid na tri datha so uirthi .i. dath derg ⁊ dath buidhi ⁊ dath dubh, ⁊ ar dasachtaigi an adbuir on dentar i bidh si gabaltach. Lipa .i. galar sul, lepra .i. lubra. Freinisis .i. dasacht, ⁊ doberid so gabaltaighi da ceile, ⁊ adeir Galenus annso nach incaitreaba ³¹ a comursanacht na ndaine a n-a mbiad na galra gabaltacha adubrumar, ⁊ co h-airithi an lucht ar a mbia pestilensia. Et adeir fos gan comaentugadh riu a n-inadaib cumga. Et adeir fos an fer cedna na daine do geib bas is na teagmannaibh so, ⁊ co hairighi is in pestilens, dlegar a secna, ⁊ an t-aer timcilles iad do secna, ⁊ dlegar na luibhi noch fasus is na reilgibh a n-adlaicter na cuirp so do secna ar dainib ⁊ ar ainmidhibh, oir adeir an feallsam na briathra so: “Uirtus pabili maneat in pabulo etc.” Et adeir an fer cedna gach uili drocbaladh do secna a n-aimsir na plaighi, ⁊ tortha na crann ⁊ luibed do secna mar an cedna ⁊ replegion bid ⁊ dighi ⁊ folmugadh minic do tobairt ar an corp mar as du. Fregramaid cuigi sin ⁊ adermaid co fedtar galar comcosmail no egcosmail do tuismed o n-a cosmailius, amail adeir Galenus co cruthaigter pairilis ⁊ sincoipis ⁊ eipilencia o linn ruadh, ⁊ perplemonia, pleuirisis ⁊ litargia o frenisis, ⁊ lepra ⁊ albus o morfea. Et adeir Auicenna co ndenann aicid easlainti galur crichnaitech a mball, amail ata frenisis ag cruthugadh thinnis an cinn. Et adeir an fer cedna amail geinter galur o galur corob amlaid sin leigester galur o galur ele, amail is follus is in fiabrus tic a ceand spaismis, ⁊ is in quardana tic a ceann meilincoile. Item adeir Auicenna co fuilead uiscietha ⁊ luibi ecin noch tuismighes galar gabaltach gan fuirech, amail ata euforbia ⁊ acosinne, ⁊ cruthaigter mar an cedna o claochlogh na n-aimser is na h-airdibh, ⁊ na h-easlainti adubrumar leigester  fol 7b1line1 iad on claochlogh sin. Et adeir an fer cedna co {⬌} galar o na smuaintib o gluasacht na brighi [ainme] ³², mar is follus is in lucht gabus destin cucu o na torthaib gera d'fhaicsin ag a [ni]thi amail atait ubla fiadhain[e] ⁊ a cosmaile.

23.

 fol 7b1line5 Fiarfaighter annso [ce] an diet dlegar do tobairt  p.55 is na fiabrusaib righni. Dociter corob diet reamar oir adeir Galenus a ngluais aimprismi co ndlega esg ⁊ uigi ⁊ feoil do tobairt is na fiabrusaib righni, ⁊ ni ni ele sin acht diet mar do reir Auicenna, da reir sin is diet reamar dlegar do tobairt is na fiabrusaib righni. Item adeir Auicenna a caibidil an quartana co ndlegar incinn bhainbh ar na rostadh ⁊ uirghi coilech ⁊ sisan tiugh do lucht an quartana, ⁊ airmaiter ³³ so etir na dietaibh reamra, da reir sin is diet reamar dlegar do tobairt is na fiabrusaib righni: Item adeir Auicenna co ndlegar an brigh do coimet is na h-easlainti righni, ⁊ adeir an fer cedna nach coimedtar an brigh on diet seim, da reir sin is diet reamar dlegar do tobairt is na fiabrusaib rigni. Tegar a n-a aiged sin a h-ugdaras Isac oir adeir corob diet reamar dlegar do tobairt do na dainaib slana, ⁊ is diet contrardhaiges do na dainaib slana ordaighter do na dainibh easlana, da reir sin is diet seim dlegar do lucht na fiabrus righni. Et adeir Auicenna co foghailter na h-eslainti rigni a ii modhaibh .i. easlainti aenda ⁊ easlainti comshuighthi, easlainti aenda .i. easlainti tic o aen linn amain amail ata terciana o linn ruadh ⁊ coididiana o linn fuar, easlainti comsuigthi .i. an easlainti doniter o cumusc na lennann amail ata antrax ⁊ a cosmaile. Item fos foghailter na h-easlainti so a ii modhaibh .i. blogh dib darab ainm acuta ⁊ blod d[ara]b ainm croinica .i. easlainti ger ⁊ easlainti righin. Et foghailter acuta a tri modhaibh .i. acuta ⁊ peracuta ⁊ acutisima. Et as ed as acuta ann .i. fiabrus ger noch sa termin cricnuighthi an vii la. Peracuta noch cricnuigter an iiii la. Acutisima .i. easlainti noch cricnuigter an ii la no an treas la. Et ata easlainti ger ele ann re n-abar acuta absuluta noch sa termin cricnuigthi an ix la. Acuta non absuluta noch sa termin cricnuigthi an xx la. Et ata acuta ele ann .i. acuta residiuaciones .i. easlainti ger aitimpaithech ⁊ bi a termin crichnuigthi so a cinn mhis. Et ata acuta cronica ann neoch sa termin cricnuigti an t-aenmadh la deg ar xx, no an iiii la deg ar xx, no a cinn da xx la, [amail] adeir Aristoleles croinica o soin amach ria. Et foghailter fos an diet a tri modhaibh  fol 7b2line1 ³⁴ .i. diet s[eim] ⁊ diet reamar  p.56 ⁊ diet inmedhonac [⁊ is edh is diet seim] ann toir[b]ert imcubaidh bid ⁊ dighi a {⬌} aimser ⁊ uird ⁊ n-uimrech ⁊ is edh is diet reamar ann .i. {⬌} slan, ⁊ is edh is diet inmedhonach ann .i. diet [rannach cuidighi re] gach ni acu amail ata [ui l..... p ..... naurann .... tig a .....]t sisan ⁊ na praiseca fuaru fliucha amail ata ip[ia?] ³⁵ ⁊ elifleog ⁊ a cosmaile. Et [..... in] cric ⁊ cosa ⁊ suic na mbanbh ⁊ eoin beca coillidhi ⁊ [s ....] boga ⁊ eisg beca [ .....ca] ⁊ aran g[el]ar n-a nighi a h-uisci fuar [⁊ meilligratum ⁊ a cosmaile]. Et adeir Auicenna co ndlegar gnathugadh na ndaine d'fecain cum tabarta na ndiet .i. na daine do gnathaigh biadh fa do no fa tri a n-a slainte, dlegar an medi si[n] d'uairib do tobairt a n-a n-eslainti doib, [amail] adeir Ipocras. Et doberar diet do leth na brighi o ii cuisaib .i. do coimed na brighi ar egla a dul a ndigbail. An ii cuis .i. do brostugadh na [nadura] a n-aiged adhbuir an galuir. Et ata diet eli noch brosdaiges an naduir ⁊ co[im]edus i a n-enfecht, ⁊ is i an diet so dlegar do tobairt is na h-easlaintib noch sa termin cricnaigti an vii la, amail ata acuta ⁊ is iad so na diet sin amail ata mellicratum ⁊ iulep ⁊ sisan sithoiltes {⬌} ⁊ a cosmaile. Fregramaid cum na cesta so ⁊ adermaid gach uili easlainti rigin noch tic o lind co ndlegar diet seim do tobairt innti, ⁊ gach eslainti rigin noch tic o folmugadh co ndlegar an diet reamar do tobairt an tan sin.

24.

 fol 7b2line22 Fiarfaighter annso an dlegar an diet do thobairt do na dainaib bis a ngoiri do bas. Do citer co ndlegar [amail] adeir Auicenna an diet do tobairt do lucht an spasmai noch do niter o {⬌} co fuil an spasmus so marbach, da reir sin dlegar an diet [do tobairt] do na dainaib bis a ngoiri do bas. Item {⬌} de interioribus na briathra so: Ce {⬌} [quorum] euasit .i. adubairt Galenus do leigis (?) me{⬌} acu, ⁊ is iat tuicter annsin .i. lucht na sp{⬌} ⁊ leiges imcubaidh doib do cinn an oir{⬌} deg uili. Item adeir Galenus sa {⬌} do tobairt is in tres gne d'etic, ⁊ is follus co {⬌} amail adeir Pliatearius  p.57 ⁊ moran eli do lucht na p{⬌} dlegar an diet do tobairt do lucht bis a ngoiri do b[as]. Tig Galenus a n-a aiged so a n-aimprismi ⁊ adeir: “Mor{⬌} signis pronostisis sunt dimitendi” .i. na daine a[ta] a ngoiri do bas dlegar ligin da faistine an tan [sin]. Et adeir Galenus an red cedna sa x leabar de ingenio sanitatis: “Ne resipiam eos curam quod si quo gerent deperentes” .i. ised adeir ... [End of fol. 7]

@article{G600020,
  editor 	 = {Lilian Duncan},
  title 	 = {A Treatise on Fevers},
  journal 	 = {Révue Celtique},
  editor 	 = {J. Loth  and E. Ernault  and M.-L. Sjoestedt  and J. Vendryes },
  number 	 = {49},
  address 	 = {Paris},
  publisher 	 = {Libraire Ancienne Honoré Champion},
  date 	 = {1932},
  pages 	 = {1–90}
}
 G600020.bib