Source: Thomas Rymer's Foedera Vol. III Conventiones, literae et acta publica p 135
Ann. D. 1397 An. 21. R. 2. Franc. 21. R. 2. m. 11.
De salvo conducto ad visitandum Purgatorium Sancti Patricii.
Rex, universis et singulis constabulariis, marescallis, admirallis, senescallis, gubernatoribus. ballivis, praepositis, capitaneis, castellanis, majoribus, magistris, consiliariis civitatum, villarum, et castrorum, custodibus portuum, pontium, et passagiorum, ac justiciariis, officiariis, et subditis suis ubilibet constitutis, et eorum loca tenentibus, ad quos etc. salutem.
Sciatis quod, cum, nobilis vir, Reymundus vicecomes de Perilleux et de Rodes chivaler, camerarius carissimi patris nostri Franciae, in regnum nostrum Angliae venire, et per idem regnum versus terram nostram Hiberniae, ad purgatorium Sancti Patricii ibidem videndum et visitandum, cum viginti hominibus et triginta equis in comitiva sua, transire et proficisci intendat et proponat, nostra licentia mediante.
Nos, contemplatione dicti patris nostri, volentes pro securitate adventus, passagii et repassagii praefati Reymundi in hac parte providere.
Suscepimus et per praesentes ponimus et suscipimus ipsum Reymundum infra dictum regnum nostrum veniendo et per idem regnum nostrum verius terram nostram praedictam tam per terram quam per mare proficiscendo et transeundo ibidem morando perhendinando et exinde per dictum regnum nostrum ad partes suas proprias redeundo ac homines et equos suos usque ad numerum praedictum, necnon aurum argentum vasa jocalia manticas coferas ac alia hernesia et bona sua quaecumque in salvum et securum conductum nostrum ac in protectionem tuitionem et defensionem nostras speciales:
Et ideo vobis mandamus quode eidem Reymundo cum hominibus equis auro argento vasis jocalibus manticis coferis ac aliis hernesiis et bonis suis praedictis infra dictum regnum nostrum veniendo et per idem regnum nostrum verius terram nostram praedictan tam per terram quam per mare proficiscendo perhendinando et exinde per idem regnum nostrum ad partes suas proprias ut praedictum est redeundo non inferatis seu quantum in vobis est ab aliis inferri permittatis injuriam molestiam dampnum violentiam impedimentarum aliquod seu gravamen et si quid eis vel eorum alicui in personis au rebus suis praedictis forisfactum vel injuriatum fuerit, id eis et eorum cuilibet sine dilatione faciatis corrigi et debite reformari.Proviso semper quod idem Reymundus ac homines sui praedicti ad introitum suum quorumcumque castrorum fortalitiorum seu villarum firmatarum praesentes literas nostras de salvo conductu capitaneis majoribus seu custodibus eorumdem demonstrent ac pro victualibus et aliis necessariis suis in regno et terra praedictis emendis, promptas et rationabiles faciant solutiones; et quod dicti homines proditores nostri abjudicati seu banniti extra regnum nostrum non existant.
In cujus, etc. usque Festum Paschae proximo futurum duraturas.
Teste Rege apud Westmonasterium, vi die Septembris.
Per ipsum regem.