A penas lo demòni ac dich aiçò que venc un grand torbilh de vent, que ne portèc tots los demònis, e aissí meteis mi e tota aquela gent en un flum freg e pudent e mout bas, de l'autra part de la montanha. E là ploravan mouta gent e se planhian mout doloirosament de freg e de pudor, e quand els s'esforçavan d'eissir defòras, los demònis los cabussavan plus fòrt, e me volian metre laïns, mas que apelèi lo nom de Jesú Crist, e tantòst me trobèi fòras de perilh e de torment.