1. Quaedam insula in mari magno habetur ad orientalem plagam xii
milibus a Sicilia distans, in qua Uulganus mons quasi tonitruum totis
diebus et noctibus in tantum intonat ut Siciliae terra longius positae
5]
terrifico tremore submoueri putetur, sed maius sexta feria et sabbato
intonare uidetur. 2. Qui omni tempore noctibus flammare monstratur,
diebus uero fumare. 3. Haec mihi Arculfus scribenti de eodem dictauit
monte, qui propriis ilium oculorum aspexit obtutibus noctu ignitosum
diae uero fumosum, eiusque tonitrualem sonitum propriis aurium audiuit
10]
auditibus in Sicilia per aliquot hospitatus dies.
4. Obsecro itaque eos quicumque hos breues legerint libellos ut pro
eodem sancto sacerdote Arculfo diuinam praecentur clementiam qui
haec de sanctis experimenta locis eorum frequentator libentissime nobis
dictauit; 5. quae et ego quamlibetinter laboriosaset prope insustentabiles
15]
tota die undique conglobatas eclesiasticae sollicitudinis occupationes {Geyer ed page 297}
constitutus uili quamuis sermone discribens declaraui.
6. Horum ergo lectorem ammoneo experimentorum ut pro me missello peccatore eorundem craxatore Christum iudicem saeculorum exorare non neglegat.
LIBER TERTIUS HIC TERMINATUR.