Arculfus sepe memoratus et de sanctae matris Domini Mariae
toracida certam nobis relationem, quam in Constantinopolitana urbe ab
expertis quibusdam testibus dedicit, indubitanter enarrauit inquiens:
5]
2. In eadem metropolitana ciuitate imago beatae Mariae in breui tabula
figurata lignea in pariete cuiusdam domus suspensa pendebat. 3. De
qua cum quidam stolidus et duricors homo percunctaretur cuius esset
propriae, a quodam respondente dedicit quod esset sanctae Mariae
semper uirginis figura faciei. 4. Quod audiens ille Iudeus incredulus
10]
diabulo instigante eandem de pariete ualde iratus tulit imaginem et ad
uicinam cucurrit domum ubi humana stercora per longarum foramina
tabularum egesta supra sedentium uentribus degeri solent (5.) ibidemque
ob Christi ex Maria nati dehonorationem imaginem matris eius per{Geyer ed page 295}
foramen super humanum stercus inferius iacens proiecit et ipse supersedes
15]
per idem foramen aluum purgans proprii stercus uentris super
toracidam beatae Mariae paulo ante inibi depositam dimittens stolidissime
agens effudit et post turpissimam illam uentris purgationem ille
infelicissimus discessit homo. 6. Quid uero postea gessit aut quo modo
uixit uel qualem uitae terminum habuit inconpertum habetur. 7.
20]
Igitur post illius discessum maligni alius de Christianorum plebe
superuenit felix homo zelotipus Dominicarum rerum sciens quod factum
fuerat, imaginem sanctae Mariae requisiuit et inter humana stercora
absconditam inueniens subleuauit et diligenter abstergens et lauans
aquis emundauit mundissimis secumque in domu honorificae collocatam
25]
habuit. 8. Mirum dictu, ex eadem beatae Mariae imaginis tabula uerum
ebulliens distillat semper oleum; quod Arculfus, ut referre solet, propriis
conspexit oculis. 9. Hoc mirabile oleum honorem protestatur Mariae
matris Domini nostri Iesu Christi, de quo pater ait: In oleo sancto meo
linui eum. Item psalmigraphus ad ipsum filium Dei loquitur dicens:
30]
Uncxit te Deus Deus tuus oleo laetitiae prae participibus tuis.
10. Haec itaque quae superius de Constantinopoleos situ et conditione
nec non et de ilia rotunda eclesia in qua salutare lignum reconditum habetur
et cetera ab ore sancti sacerdotis Arculfi intente dedicimus qui in eadem
primaria Romani imperii ciuitate a pascali sollemnitate usque ad Dominicum
35] {Geyer ed page 296}
permansit natalicium, postea exinde Romam appetens enauigauit.