1. Arculfus sepe memoratus ab Alexandria reuersus per aliquot dies {Geyer ed page 284}
in Creta hospitatus insula et ab ea nauigans Constantinopolim appetiuit,
in qua per aliquot demoratus est menses. 2. Quae proculdubio Romani
est metropolis imperii, undique mari circumdata excepta aquilonali
parte illius, quod mare lx milibus passum a mari magno erumpens ad
15]
murum usque ciuitatis extenditur. 3. A muro uero Constantinopoleos
usque ad hostia Danuuii fluminis xl milibus hoc idem protenditur mare.
4. Haec itaque imperatoria ciuitas non paruo murorum ambitu per
duodecim milia passum circumcincta angulos iuxta situm maris habens
per maritimam, ut Alaxandria siue Kartago, constructos oram et ad Tiri
20]
similitudinem crebris insuper turribus commonitos muros, domus intra
ciuitatis moenia numerosas, ex quibus plurimae mirae magnitudinis
lapideae instar Romae habitaculorum fabricatae consurgunt.