1. Plurimarum peragrator regionum noster Arculfus etiam Tirum{Geyer ed page 277}
Fenicis prouinciae metropolim introiit, quae Ebreico et Siro sermone
10]
Soar appellatur. 2. Quae nullum habuisse de terra introitum in Grecis
barbarisque historiis legitur, sed postea a Nabocodonosor rege Caldeorum
iactos esse aggeres nonnulli adfirmant et oppugnationi iaculis et arietibus
locum fuisse praeparatum ac deinde insolam factam esse campi planitiem.
3. Haec pulchra et nobilis ualde erat, quae non inmerito Latine interpretatur
15]
angustia; nam eandem terrae demensionem angusta habet
insula et ciuitas haec in terra Chanan possita, de qua mulier Chananea
siue Tirofenissa in euangelio fuerat commemorata.
4. Notandum itaque est quod sancti Arculfi de situ Tiri relatio per
omnia concordet cum his quae ipsi superius de sancti Hieronimi
20]
commentariis excerpta detulimus; similiter et ea quae supra de montis
Thabor situ et forma iuxta sancti Arculfi narrationem discripsimus nullo
discrepant modo ab his quae de situ eiusdem montis et mira rotunditate
sanctus Hieronimus narrat. A quo uidelicet Thabor monte usque ad
Damascum iter septem dierum Arculfus habuit.