1. Mons Thabor in Galilea tribus milibus a lacu Cinereth distat, mira
rotunditate ex omni collectus parte, a plaga boreali respiciens supra
dictum stagnum, herbosus ualde et floridus; in cuius amoena summitate
ampla planities silua pergrandi circumcincta habetur, cuius in medio
campo monachorum inest grande monasterium et plurimae eorundem
10]
cellolae. 2. Nam illius montis campestris uertex non in angustum
coartatur cacumen sed in latitudinem dilatatur stadiorum xxiii; altitudo
autem eius xxx stadiis sublimatur. 3. In eadem quoque superiore
planitie non parui edificii ternae sunt fundatae celebres eclesiae iuxta
illorum tabernaculorum numerum de quibus in eodem sancto monte
15]
Petrus caelesti laetificatus uisione et ualde pauefactus ad Dominum
locutus ait: Bonum est nobis hie esse et faciamus tria tabernacula, unum
tibi et unum Moysi et unum Heliae. 4. Itaque supra memorata monasterii
et trium eclesiarum edificia cum cellulis monachorum lapideo omnia
circumueniuntur muro. 5. Ubi sanctus Arculfus una hospitatus est
20] {Geyer ed page 276}
nocte in eiusdem sancti montis celsitudine; nam Petrus Burgunnio
Christicola in illis terris semitarum eius ductor non ipsum sinebat in
uno eodemque hospitio diutius inmorari festinationis intuitu. 6. Sed
inter haec et hoc etiam notandum quod illius famosi montis nomen
Grecis litteris sic oporteat scribi, per Θ et Ω longum ΘΑΒΩΡ, Latinis
uero litterulis cum aspiratione Thabor, producta o littera. Huius
ortagrafia uocabuli in libris Grecitatis est reperta.