Corpus of Electronic Texts Edition
Adamnan's De Locis Sanctis (Author: Adamnan of Iona)
Chapter/toc 24
{Geyer ed page 273}DE ILLO LOCO IN QUO SALUATOR QUINQUE
30]
PANES ET DUOS PISCES BENEDIXIT
1. Ad quem locum noster sepe memoratus peruenit Arculfus, cuius
herbosus et planus campus ex qua die in eo Saluator quinque milia
p.94
quinque panibus et duobus piscibus saturauit numquam aratus est.
2. In quo nulla cernuntur edificia; quasdam solummodo columnas
paucas Arculfus aspexit lapideas super marginem illius fonticuli iacentes
de quo illi eadem biberunt, ut fertur, die qua Dominus esurientes eos
5]
tali refectione recreauit. 3. Qui uidelicet locus citra mare Galileae est,
respiciens ciuitatem Tiberiadem ab australi plaga sibi occurrentem.