1. Arculfus sepe memoratus quendam in deserto lucidum aspexit
15]
fonticulum, de quo, quemadmodum traditur, sanctus Iohannis bibebat
babtizator, lapideo protectum tecto calce perlito.
(XXIII.) 2. De eodem namque Iohanne euangelistae scribunt: Esca
autem eius erat locustae et mel siluestre. Idem noster Arculfus in ilia
solitudine ubi Iohannis inhabitabat quoddam locustarum uidit minimum
20]
genus, quarum corpuscula in modum digiti manus exilia et breuia sunt;
et quod eorum breuis ualde uolatus, similis leuium saltibus ranarum,
facile in herbis capiuntur. Coctae per oleum pauperem praebent uictum.
3. De melle uero siluestri hanc ab Arculfo experientiam didicimus
ita dicente: In eodem deserto quasdam uideram arbores quarum folia
25]
lata et rotunda sunt lactei coloris et saporis mellei; quorum utique
foliorum natura fragilis ualde est, et qui ea in escam sumere cupiunt
primum manibus confricant deinde comedunt. Et hoc est siluestre
mel in siluis sic repertum.