1. Noster sepe memoratus sanctus Arculfus mare Galileae, quod et
10]
lacus Cinereth et mare Tiberiadis nominatur, ex maiore circumiit parte,
cui magnae finitimae adherent siluae. 2. Lacus ipsius ueluti quodam
maris ambitu amplissimus (sinus) in longitudinem cxl stadia extenditur,
latitudine xl difunditur; 3. cuius aquae dulces et ad potandum habiles,
siquidem nec palustris uliginis crassum aliquid aut turbidum recipit,
15]
quia harenoso undique litore circumuenitur, unde et purior austus eius
ac mollior est ad usum. 4. Genera quoque piscium gustu et speciae
nusquam in alio lacu prestantiora repperiri possunt.
5. Haec breuia de Iordanis exordio et lacu Cinereth partim de tertio
Iudaicae captiuitatis libro partim de sancti Arculfi experientia excerpta
20]
detulimus, qui, ut ipse indubitanter refert, ab eo loco quo de faucibus
maris Galileae Iordanis egreditur usque ad eum locum ubi in mare
mortuum intrat octo dierum itiner habuit; quod scilicet idem mare
salsissimum et de montis Oliueti specula sepius, sicuti ipse narrat,
sanctus prospexit Arculfus.