1. Nunc de Mambre colle. Mambre collis mille passibus a monumentis
supra discriptis ad boream separatus distat, herbosus ualde et
floribus, respiciens Chebron ab Affrico sibi occurrentem. 2. Idem itaque
5]
monticellus Mambre nominatus habet in cacumine campestrem planitiem
ubi ad aquilonalem eiusdem cacuminis partem lapidea magna fundata
est eclesia; in cuius dextrali parte inter duos grandis eiusdem bascilicae
parietes, mirum dictu, quercus Mambre exstat in terra radicata, quae
et quercus Abraham dictur eo quod sub ea quondam angelos hospitio
10] {Geyer ed page 262}
reciperit. 3. Quam sanctus Hieronimus alibi narrat ab exordio mundi
usque ad Constantini regis imperium permansisse, et fortassis ideo non
dixit pentius defecisse quia eadem aetate quamuis non tota illa sicut
prius fuerat grandissima quercus monstrabatur, tamen alique pars eius
permansit in suo stabilita loco. 4. Ex qua, ut sanctus refert Arculfus,
15]
qui eam propriis conspexit oculis, adhuc quoddam truncatum remanet
spurium radicatum in terra sub eclesiae protectum tegmine, mensuram
quasi duum longitudinis uirorum habens; 5. de quo uidelicet conroso
spurio et ex omni parte securibus circumciso astellarum ad diuersas
obis prouincias particulae asportantur ob eiusdem quercus ueneratione
20]
et recordationem, sub qua, ut superius commemoratum est, angelorum
quondam conuentio ad Abraham patriarcham famosa et praedicabilis
fuerat condonata. 6. In circuitu eiusdem eclesiae, quae ibidem ob loci
illius honorificantiam constructa habetur, pauca quaedam relegiosarum
habitacula fabricata monstrantur. Sed de his ista sufficiant dixisse; ad
25]
alia pergamus.