1. Chebron, quae et Mambre, olim Filistinorum metropolis et
habitaculum gigantum fuerat, et in qua Dauid septem regnauit annis;
nunc, sicut sanctus refert Arculfus, murorum non habet ambitum,
quaedam solummodo dirutae olim ciuitatis in reliquis uestigia ostendit
ruinarum. 2. Uicos tamen quosdam uili opere constructos et uillas, alios
30]
intra et alios extra illas muralium reliquias distructionum per campestrem
habet collocatos planitiem; in quibus uidelicet uicis et uillis multitudo
populi inhabitat.