1. Arculfus de sepulchro Dauid regis a me interrogatus hoc nobis
responsum dedit inquiens: 2. Sepulchrum Dauid regis in terra humati
ego ipse non neglegenter inquirens frequentabam; 3. quod in parte
media pauimenti eclesiae sine aliquo habetur superposito ornamento,
humilem lapideam habens piramidem illud supra circumdantem lampademque
20]
semper superpositam clare lucentem. 4. Haec ergo eclesia
extra ciuitatis murum in ualle contigua est fundata, quae Bethlemitico
in parte aquilonali monticulo coheret.