1. De alia celebriore eclesia ad australem Bethaniae partem in eo
montis Oliueti loco fundata in quo Dominus ad discipulos suos habuisse
5]
sermonem dicitur breuiter scribendum arbitramur. 2. Hinc non neglegenter
inquirendum est qualem sermonem et quo tempore uel ad quas
speciales personas discipulorum Dominus sit loquutus. 3. Quae tria,
si trium euangelia scriptorum aperire uoluerimus, Matheum Marcum
Lucam, nobis manifeste clarebunt. 4. Qui de sermonis qualitate concinnentes
10] {Geyer ed page 252}
loquntur; de loco ipsius conuentionis nemo dubitare poterit et
de sermonis styma qui Mathei euangelium legit, ubi de Domino ipse
commemorat euangelista dicens: Sedente autem eo super montem Oliueti
accesserunt ad eum discipuli secreto dicentes: 'Dic nobis quando haec erunt
et quod signum aduentus tui et consummationis saeculi;' 5. de personis
15]
interrogantium hic Matheus tacuit, sed Marcus non tacet, qui ita scribit
dicens: Interrogabant eum separatim Petrus et Iacobus et Iohannes et
Andreas, qui interrogantibus respondens qualitatem habeti sermonis
iuxta tres supra memoratos euangelistas ostendit ita dicendo: Uidete
ne quis uos seducat. Multi enim uenient in nomine meo dicentes quia ego sum
20]
et cetera sequentia de nouissimis temporibus et saeculi consummatione;
6. quae Matheus prolixo sermone prosequitur usque ad locum quo et
de tempore huius protracti sermonis manifeste idem euangelista ex
uerbis Domini ostendit ita scribens: Et factum est cum consummasset
Iesus sermones hos omnes dixit discipulis suis: 'Scitis quia post biduum
25]
pascha fiet et filius hominis tradetur ut crucifigatur,' et cetera. 7. Aperte
ergo ostenditur Dominum in die quartae feriae biduo restante usque ad
primam azimorum, quae dicitur Pascha, supra commemoratum prolixum
sermonem ad interrogantes fuisse loquutum .iiii. supradictos discipulos.
8. In loco itaque habiti illius sermonis superius memorata ob recordationem
30]
fundata eclesia in magna habetur honorificentia.
9. Hucusque de locis sanctis Hierusolimitanae ciuitatis et montis
Sion, montis quoque Oliueti et uallis Iosaphat interiacentis iuxta sancti
Arculfi eorundem frequentatoris locorum certam narrationem sufficiat
discripsisse.