1. In latere montis Oliueti quaedam inest spelunca haut procul ab
5] {Geyer ed page 242}
eclesia sanctae Mariae in eminentiore loco posita contra uallem Iosafat;
in qua duo profundissimi habentur putei, quorum unus sub monte in
altum infinita profunditate productus extenditur, alter uero in speluncae
pauimento, cuius uastissima, ut fertur, cauitas in profundum dimersa
discendens recto tractu diregitur; qui duo putei semper supercluduntur.
10]
2. In eadem ergo spelunca iiii insunt lapideae mensae, quarum una est
iuxta introitum speluncae ab intus sita Domini Iesu, cui proculdubio
mensulae sedes ipsius adheret, ubi cum dudenis apostolis simul ad alias
mensas ibidem habetas sedentibus et ipse conuiua aliquando recumbere
sepe solitus erat. 3. Illius putei os conclusum, quem in pauimento
15]
speluncae inesse supra describsimus, apostolorum mensis propius
haberi monstratur. Huius speluncae portula ligneo, ut refert sanctus
Arculfus, concluditur hostio, qui eandem Domini speluncam sepius
frequentauit.