Corpus of Electronic Texts Edition
Adamnan's De Locis Sanctis (Author: Adamnan of Iona)
Chapter/toc 6
DE BASILICA QUAM CONSTANTINUS UICINAM
SUPRADICTAE ECLESIAE IN EODEM FABRICAUIT LOCO
UBI CRUX DOMINI RUINIS SUPERATA POST MULTA
30]
TEMPORA REFOSA INUENTA EST TERRA
1. Huic eclesiae in loco Caluariae quadrangulata fabricatae structura{Geyer ed page 234}
lapidea ilia uicina orientali in parte coheret basilica magno cultu a rege
p.50
Constantino constructa, quae et martirium appellatur, in eo, ut fertur,
fabricatum loco ubi crux Domini cum aliis latronum binis crucibus sub
terra abscondita post ducentorum triginta trium ciclos annorum ipso
Domino donante reperta est. 2. Inter has itaque duales eclesias ille
5]
famosus occurrit locus in quo Abraham patriarcha altare conposuit,
super illud inponens lignorum struem, et ut Isaac suum immolaret
filium euaginatum arripuit gladium; ubi nunc mensa habetur lignea non
parua, super quam pauperum elimosinae a populo offeruntur.
3. Sed et hoc mihi diligentius interroganti sanctus addidit Arculfus
10]
inquiens: Inter anastassim, hoc est illam sepe supra memoratam
rotundam eclesiam, et basilicam Constantini quaedam patet plateola
usque ad eclesiam Golgothanam; in qua uidelicet plateola die et nocte
semper lampades ardent.