1. Alia uero pergrandis eclesia orientem uersus in illo fabricata loco
qui Ebraicae Golgotha uocitatur; cuius in superioribus grandis quaedam
aerea cum lampadibus rota in funibus pendit, infra quam magna argentea
20]
crux infixa statuta est eodem in loco ubi quondam lignea crux in qua
passus est humani generis Saluator infixa stetit.
2. In eadem uero eclesia quaedam in petra habetur excisa spelunca
infra locum Dominicae crucis, ubi super altare pro quorundam honoratorum
animabus sacrificium offertur; quorum corpora interim in platea
25]
iacentia ponuntur ante ianuam eiusdem Golgothanae eclesiae usquequo
finiantur ilia pro ipsis defunctis sacrosancta misteria.