1. Sed inter haec de illo supra memorato lapide qui ad hostium {Geyer ed page 232}
monumenti Dominici post ipsius Domini sepultionem crucifixi multis
trudentibus uiris aduolutus est breuiter intimandum esse uidetur; quem
Arculfus intercisum et in duas diuisum partes refert, cuius pars minor
ferramentis dolata quadratum altare in rotunda supra descripta eclesia
30]
ante hostium sepe illius memorati tegorii, hoc est Dominici monumenti,
stans constitutum cernitur, maior uero illius lapidis pars aeque circumdolata
in orientali eiusdem eclesiae loco quadrangulum aliud altare sub
linteaminibus stabilitum exstat.
2. De illius ergo petrae coloribus in qua illud sepe dictum tegoriolum
dolatorum ferramentis interius cauatum habetur Dominicumque
35]
sepulchrum in aquilonali loco ipsius habens de una eademque petra