1. De situ Hierusalem nunc quaedam scribenda sunt pauca ex his
quae mihi sanctus dictauit Arculfus; ea uero quae in aliorum libris de
5]
eiusdem ciuitatis positione repperiuntur a nobis pretermittenda sunt.
2. In cuius magno murorum ambitu idem Arculfus lxxxiiii numerauit
turres et portas bis ternas, quarum per circuitum ciuitatis ordo sic
ponitur: 3. Porta Dauid ad occidentalem montis Sion partem prima
numeratur. Secunda porta uillae fullonis. Tertia porta sancti Stephani.
10]
Quarta porta Beniamin. Quinta portula, hoc est paruula porta; ab hac
per grados ad uallem Iosafat discenditur. Sexta porta Tecuitis. 4. Hic
itaque ordo per earundem portarum et turrium intercapidines a porta
Dauid supra memorata per circuitum septemtrionem uersus et exinde
ad orientem dirigitur. 5. Sed quamlibet sex portae in muris numerentur
15]
celebriores tamen ex eis (tres) portarum introitus frequentantur, unus
ab occidentali, alter a septemtrionali, tertius ab orientali parte. 6. Ea
uero pars murorum cum interpositis turribus quae a supra descripta
Dauid porta per aquilonale montis Sion supercilium, quod a meridie
supereminet ciuitati, usque ad eam eiusdem montis frontem diregitur
quae praerupta rupe orientalem respicit plagam nullas habere portas
20]
conprobatur.
7. Sed et hoc etiam non esse praetereundum uidetur quod nobis
sanctus Arculfus de huius ciuitatis in Christo honorificantia profatus
narrauit inquiens: 8. Diuersarum gentium undique prope innumera
25]
multitudo duodecimo die mensis Septembris anniuersario more in
Hierusolimis conuenire solet ad commercia motuis uenditionibus et
emtionibus peragenda. 9. Unde fieri necesse est ut per aliquot dies in
eadem hospita ciuitate diuersorum hospitentur turbae populorum;
quorum plurima camelorum et equorum asinorumque numerositas nec
30]
non et boum masculorum, diuersarum uectores rerum, per illas politanas
plateas stercorum abhominationes propriorum passim sternit,
quorum nidor herentum non mediocriter ciuibus inuehit molestiam,
quae et ambulandi inpeditionem praebent. 10. Mirum dictu, post diem
supra memoratarum recessionis cum diuersis turmarum iumentis nocte
35]
subsequente inmensa pluuiarum copia de nubibus effusa super eandem
discendit ciuitatem, quae totas abstergens abhominabiles de plateis
sordes ablutam ab inmunditiis fieri facit earn, 11. Nam Hierusolimitanus
ipse situs a supercilio aquilonali montis Sion incipiens ita est molli a
13. Hinc ergo non neglegenter annotandum est quanti uel qualis
10]
honoris haec electa et praedicabilis ciuitas in conspectu aeterni genitoris
habeatur, qui earn sordidatam diutius remanere non patitur, sed ob eius
unigeniti honorificantiam citius earn emundat, qui intra murorum eius
ambitum sanctae crucis et resurrectionis ipsius loca habet honorifica.
14. Ceterum in illo famoso loco ubi quondam templum magnifice
15]
constructum fuerat in uicinia muri ab oriente locatum nunc Saracini
quadrangulam orationis domum, quam subrectis tabulis et magnis
trabibus super quasdam ruinarum reliquias construentes uili fabricati{Geyer ed page 227}
sunt opere, ipsi frequentant; quae utique domus tria hominum milia,
ut fertur, capere potest.