Corpus of Electronic Texts Edition
De controversia Paschali (Author: Cummianus Hibernus)

paragraph 14

Anno igitur, ut predixi, emenso, iuxta Deuteronomium, interrogaui patres
260] meos [ut] annuntiarent [michi,] maiores [meos ut] dicerent’’

Deut. 32:7

 michi, successores uidelicet nostrorum patrum priorum Ailbei episcopi, Querani Coloniensis, Brendini, Nessani, Lugidi quid sentirent de excommunicatione nostra, a supradictis sedibus apostolicis facta. At illi congregati in unum, alius per se, alius per legatum suum uice suo missum, in Campo Lene sancxerunt et
265] dixerunt: Decessores nostri mandauerunt per idoneos testes, alios uiuentes, alios in pace dormientes, ut meliora et potiora probata a fonte

p.92

baptismi nostri et sapientiae et successoribus apostolorum Domini delata, sine scrupulo humiliter sumeremus. Post in commone surrexerunt, et super hoc, orationem, ut moris est nobis, celebrauerunt ut pascha cum uniuersali
270] aecclesia in futuro anno celebrarent. Sea non post multum, surrexit quidam paries dealbatus, traditionem seniorum seruare’’

Acts 23:3; Matt. 23:27; Marc. 7:3-4

 se simulans, qui utraque non fecit unum, sed diuisit et irritum ex parte fecit quod promissum est; quem Dominus, [ut spero,] percutiet’’

Acts 23:3

 quoquo modo uoluerit. Deinde uisum est senioribus nostris iuxta mandatum, ut si diuersitas oborta fuerit inter causam
275] et causam, et uariauerit iudicium inter lepram et non lepram, [irent] ad locum quem elegit Dominus;’’

Deut. 17:8

 ut si causae fuerint maiores, [iuxta decretum sinodicum] ad capud urbium sint referendae.’’

Coll. canon. Hibernensis 20, De prouincia (Wasserschleben, p. 61 n. e)

 Inde misimus quos nouimus sapientes et humiles esse, uelut natos ad matrem, et prosperum iter in uoluntate Dei habentes,’’

Rom. 1:10

 et ad Romam urbem aliqui ex eis uenientes, tertio
280] anno ad nos usque peruenerunt. Et sic omnia uiderunt sicut audierunt, sed

p.94

et ualde certiora utpote uisa quam audita inuenerunt. Et in uno hospicio cum Greco et Hebreo, Scitha et Aegiptiaco in aecclesia sancti Petri simul in pascha, in quo mense integro disiuncti sumus, fuerunt. Et ante sancta sic testati sunt nostris, dicentes: Per totum orbem terrarum hoc pascha, ut
285] scimus, celebratur.’’

Et nos in reliquiis sanctorum martyrum et scripturis quas attulerunt probauimus inesse uirtutem Dei. Uidimus oculis nostris puellam caecam omnino ad has reliquias oculos aperientem, et paraliticum ambulantem, et multa demonia eiecta.