A. D. 1077.
Frotho, aliter Frotheus, rex Danorum 3. post acquisitionem Britannie venit in Hiberniam et interfecit O Carvell, capitaneum Hibernicorum bellantium, et recepit fratrem capitanei hujusmodi in suam protectionem; et circa hoc tempus Hibernici bellaverunt ex parte Grifitz filii Conan apud montes Carmoon in Wallia contra Trahaern ap Caradoc, ubi victoriam obtinuerunt famosam.