Corpus of Electronic Texts Edition
Annales Breves Hiberniae (Author: Thaddeus Dowling)

annal 590

590.0

A.D. 590.

590.1

Gurmundus principalis eorundem Norwegianorum archipirata (sic etiam Caradocus) Affricanus natione, de Norwegianis acquisivit Hiberniam pro parte, et se regem Hibernie nominandum; edificavit Gormagston, et constituit filium suum et heredem, nomine Burchardum, aliter Burchardum

p.4

Gurmondi, ducem Lagenie, cujus successor communiter vocabatur ab Hibernicis Gormagheyn, dux montis Onergi, sed ut alii volunt, ducem Lagenie et baronem le Margee. Hic Gurmundus fuit qui de Norwegianis primo invasit Hiberniam, et viam primo aperuit hominibus sue patrie in Hibernico Mari; et ulterius, D. Powell et Lanquet et Gualter Oxonie et Caradocus habent in cronicis, quod iste Gurmundus in anno 590 existens archipirata, Norwegiorum capitaneus, rex esset Hibernie, et post conquestum Hibernie accersitus per Saxones contra Carecticum Britannorum regem, vicit (potius fugavit) Carecticum in bello, et prosequebatur Britannos ultra rivos de Severne et Dee.

590.2

Et dedit Lloegriam Saxonibus et ibidem edificavit Gurmondcestriam, et postea, secundum historiam Hibernie, transfretavit in Galliam ad conquerendum et cetera, ubi moriebatur, sed Hibernici antiquarii negant eum fuisse monarcham Hibernie, quia non subjugavit preter Lageniam et Midiam quod pro conquestu non reputarunt.

590.3

Burchardus Gurmundi, qui vulgariter nominatur O Gormagheyn, dux (ut asseritur) Lagenie, edificasse dicitur Gurmundi grangiam, et palatium suum in Monte Margeo cum aliis memorabilibus pro se et suis, et fundasse matricem seu prioratum veteris Leighlen, sed potius eam dotavit tempore sancti Eubani Lenie patroni; sed quidam nomine Lazerianus, episcopus et confessor, pro fundatione et erectione ecclesie cathedralis ibidem anno domini 651 fuit procurator. Vide record Leiglen. In eadem ecclesia fertur ille dux esse sepultus ex parte boreali in muro summo chori juxta stallum thesaurarii ecclesie sub lapide marmoreo habens ipsius ducis nomen desuper. Wittnesses lyvinge 1589 Karolus Rowac alias Makeyigan clerk, Donagh Mc Gilpatrik, and Gilleranoy carpenters saw the tumbe with their eyes, and Thady Dowling cancellar: ecclesie found his epitaph in simple verse as followeth:

  1. Hic jacet humatus dux fundator Leniae, id est Leghleniae.
    En Gormondi Burchardus vir gratus ecclesie.
Extant etiam adhuc alia testimonia circa hanc villam; scilicet nomina quorundam locorum ut Gormondus Grove et Gormondes Foord et cetera.