1337.
Dominica de passione, scilicet viij. Idus Aprilis, consecratur Mauricius de Rocheford episcopus Lymerici, apud Lymericum.
Item, die Lune in crastino beati Lawrencii, miles efficitur Henricus de Valle per Pincernam in expedicione super O'Brynnis, apud Arclo.
Item, die Martis in festo Kalixti pape, applicuit Dublinie dominus Johannes Scharlyngton justiciarius Hibernie, cum germano suo, domino Thoma Herefordensi episcopo, cancellario, et Wallicis circiter cc. sagittariis.
Item, eodem anno, obiit apud Baligaveran, dominus Jacobus le Botiller, primus comes Hermonie; vir liberalis et amicabilis, facetus et decorus, in flore juventutis flos emarcuit xii. Kal: Marcii, die Martis in sero.