1336.
Die Jovis, iii. Idus Aprilis, occiditur magister Howelus de Bathe, archidiaconus Ossorie (vir literatus et largus), cum Andrea Avenel, et Adam de Bathe, per O'Bryinys de Duffyr, circa defensionem bonorum ecclesie, et parochie sue.
Item, tercio die Junii, dominus Jacobus comes Ermonie contulit Fratribus Minoribus castrum suum et locum de Carrig.
Item, die Sabbati, in vigilia beati Johannis Baptiste, Brien O'Bryn combussit villam et ecclesiam de Tyberary, cum hominibus et mulieribus.
Item, die Sabbati in festo apostolorum Petri et Pauli, ingressus fratrum primus in locum de Carrig; fratre Stephano de Barry ministro; fratre Willelmo Nasse custode, et fratre Clyn, primo tunc gardiano.
Item, in estate illa fuit guerra inter dominum Fulconem de la Frene, tenentem et foventem partem Anglicorum Ossorie, et Leysaght O'Morthe; que ortum habuit ex morte domini Remundi Lercedekne et suorum; nam idem O'Morthe omnes Hibernicos communiter totius Momonie et Lagenie, suasionibus, promissionibus et muneribus alexit ad guerram; solum autem Scanlan Mc Gilpatricke et Herry O'Ryan partem tenebant Anglicorum et pacis.
Item, eadem estate in vigilia beati Jacobi appostoli occiditur dominus Mathias filius Henrici, et alii de comitatu Weysefordie fideles, circiter cc. per Mc Morcada, et O'Brynns.
Item, die Lune in crastino nativitatis Marie, fuit bellum et duellum assignatum, inter cognatos domini Johannis de Sancto Albino, et filios Walteri de Sancto Albino; nam ambe partes domino Justiciario manuceperunt ipso die pugnare; sed filii Walteri finem et exitum prodicionis sue timentes et vincdictam, pugnare renuerunt.
Item, xiiii, Kal: Decembris, Walterus Oge de Sancto Albino, per Johannem de Recheford interficitur, et filios ejus.
Item, in vigilia vigilie beati Andree
appostoli, occiduntur Johannes Cumcy et
Thomas de
Item, die Lune in festo Fabiani et Sebastiani, Jacobus le Botiller apud Roscre fecit Johannem de Recheford et Galfridum Schorthalis milites.