Corpus of Electronic Texts Edition
Annalium Hiberniae Chronicon ad annum MCCCXLIX (Author: Friar John Clyn)

annal 1316

1316.0

1316.

1316.1

Dominus Johannes filius Thome, et Arnaldus le Poer, ad Edwardum 5, in Angliam se transtulerunt, dantes obsides de fide et fidelitate servanda; et rex dedit Johanni filio Thome comitatum Kildarie, Arnaldo alias terras, pro garisona.

1316.2

Item, dominus Willelmus Comyn cum duobus fratribus suis occiditur, circa festum Baptiste.

1316.3

Item, occiditur dominus Henricus Crok.

1316.4

Item, Johannes de Dene, Patricius Lercedekne, circa idem tempus.

1316.5

Item, eodem anno et tempore, scilicet circa octavas Baptiste, fit magna strages Hibernicorum juxta abbaciam de Balkynglas; ubi circiter 300 occiduntur.

1316.6

Item, ex Scotis interficiuntur circiter 300 in Ultonia per Anglicos patrie.

1316.7

1316. Magna caristia salis in Hibernia, sic quod unus cranocus communiter vendebatur pro xl. solidis; in aliquibus locis pro 4 marcis et ultra.

1316.8

Hoc anno omnes Hibernici fidem fedissime et fidelitatem deserentes, ut communiter se ad guerram posuerunt.

1316.9

Item, eodem anno, in festo beati Laurencii martyris bellum de Ahtnery in Connaccia; ubi interficiuntur de Hybernicis per Ricardum de Brimegham, dominum Willelmum de Burgo et ceteros Anglicos, multi reguli et nobiles, secundum communem relatum summa totalis, v [...] 1 M. in universo, numerus capitum abscisorum mille quingenta capita.

1316.10

Item, eodem anno circa natale Domini, intravit dominus Robertus le Brus, qui se gessit pro rege Scotorum, Hyberniam transiens per totam terram de Ultonia, ubi applicuit, usque fere Lymericum; comburendo, occidendo, depredando, spoliando villas, castra et etiam ecclesias, eundo et redeundo.


p.13