1170.
Henricus primogenitus Henrici 2, coronatur Londini a Roberto archiepiscopo Eboracensi et sex aliis episcopis.
Contra inhibicionem Alexandri pape iiii.ti et contra inhibitionem Sancti Thome. Ex hac consecratione venit episcoporum anathematizatio a sede Apostolica.
Inter patrem et filium consecratum dira rebellio. Thome occisio. Eodem anno scilicet 1170, in estate precedente Thome martirizationem, venerunt Anglici primo in Hiberniam. Versus:
- Anno mileno centeno septuageno,
Anglorum primas corruit ense Thomas;
Pro Christi sponsa, Christi sub tempore, Christi
In templo, Christi verus amator obit.