<h4>Corpus of Electronic Texts Edition</h4>
<h1>Annalium Hiberniae Chronicon ad annum MCCCXLIX</h1>
<h2>Author: Friar John Clyn</h2>
<hr>
<b>[<a href="#H">H</a>] </b>Incipit cathologus sive cronice. Item secundum <b>Orosium</b> ab orbe primo condito usque ad urbem <b>Romam</b> conditam anni quatuor milia cccc octuaginta quatuor anni. Et ab urbe condita usque nativitatem Christi 715 anni, et sic colliguntur ab origine 5199.
Dominus noster <b>Jhesus Christus</b> primus et summus pontifex fuit, et sedit in hoc mundo annis 32 et 3 mensibus. Juxta illud ewangelii, Jhesus erat quasi incipiens annorum 30, id est, tricesimum inceperat, 13 diebus tantum ejusdem anni peractis, quia eadem die anno revoluto convertit aquam in vinum; et in sequenti Pascha, id est, anni 33 incarceratus est Baptista; et in alio Pascha sequenti decollatus, et in
tertio Pascha, id est, 33 anni passus est Dominus, et ita vixit 32 annis integre; et de 33 anno quantum est temporis a Natali usque ad Pascham, pro anno dimidio computatur. Dominus noster <i>natus est</i> sub <b>Augusto</b> Cessare, id est, <b>Octaviano</b>, qui imperavit ante nativitatem <b>Christi</b> annis 42, et nato Domino 13 annis. Iste totum <i>mundum</i> redegit in unam Monarchiam. <b>Tiberius</b> tempore
Christi, annis 18.
<p>Versus:
<blockquote><ol>
<ol>
<li>Anni bis centum minus uno millia quinque:
<br>Sunt ab <b>Adam</b> primo numerantibus usque secundum.</li></ol>
</ol></blockquote>
alius Versus:
<blockquote><ol>
<ol>
<li>Annis nongentis decies, iterumque ducentis
<br>Unus defuerat quo Deus ortus erat.
<br>Quater millenis tercentis iiii.or annis
<br>Nexus in inferno fuit <b>Adam</b> crimine primo.</li></ol>
</ol></blockquote></p>
<p>In ortu <b>Christi</b> tria miracula apparuerunt. Templum <b>Romae</b> corruit; fons olei erupit trans <b>Tiberim de Taberna</b>;
circulus ad speciem archus celestis circa solem eo die apparuit. Nova stella orta fuit. <b>Octavianus</b> precepit ne quis eum Dominum vocaret; ut captivi omnes liberentur; et hereditas sua cuilibet redderetur. Pax summa ubique fuit. Hic mundum totum regebat, et habuit 44 legiones militum.</p>
<h3 align="center"><a href="../L100011.html">The complete text for non-framing browsers</a></h3>