Anno Domini mcccxix.
Dominus Rogerus de Mortuomari de Anglia rediit, et fit Justiciarius Hibernie. Eodem anno, ad festum Omnium Sanctorum, venit bulla de Papa ad excommunicandum Robertum de Brus, Regem Scotie, ter ad quamlibet Missam.
Item, villa de Athisell et magna pars patrie per Dominum Johannem Filium Thome, germanum Domini Mauricii Filii Thome, comburitur.
Isto anno, predictus Johannes Bermyngham factus est Comes Louth.
Item, pons lapideus de Kilcolyn construitur per Magistrum Mauritium Jak, Canonicum ecclesie cathedralis Kildarie.