The following poem is below cols. d-e.
- Secht meic áille Oengusa
lotar co íath nh-Erenn
Mo Thrianoc is Itharnaisc
Eoganan aille remend.- Mo Thrianoc i r-Ruscachaib.
la .h. Fálge ro faemad:
Cend Leccaig im Eoganan.
Itharnaisc án i Cloenad.- In cethrur for-fhacabsat
luidset dar farge fostán
Torannan is Agatan.
[gap: illegible/extent: 10 letters]
Mu Chullian- is Troscan.- Troscan tren tarrasair.
i n-Ard Breccain co m-binni.
Torannan in tairbertach
os toraib Tulcha Tinni.- Mo chuille in D
or i nD
resnatha.
Fothart Fea feidm n-ualle.
Agatan 'na disiurtan
ar bru na Ethni uaire.- Uais itge cond-rancatar
forind ardríg find fethal.
combad oenláe a n-estechtsum
'n a cure comlan cethrar.
- I Prid noin Iuin etamuin.
luidset a bethaid brethglain.
di deoin Meic Dé da
[gap: illegible/extent: ? letters]
ail
'n a curi comlan cethrair.- INd lecc fora tancatar
dar tríathmuir trethnaig.
Agatan a sosarsum
ros-fuc a crandcor cethruir.- Na manistri fuaratar
i n-dernatar a ferta.
is la .h. Neill Noigiallaig
co r-rath in Spirta sechta.S.
- Brathir Fursu cóir a rad.
Mo Choe nach daimend acrad.
Epscop Mac Erca glan gne
o Domnuch Mor in Maige.- Colman Mulind .i. o Daire Chaechain i n-Dal Riatae mór a rath.
domunim o ra noemad:
Colman Comraire co l-lí.
Manchan di Liath Ligi.- Ba h-ísin a siur uile.
Damnat beoda in dune.
Et ba langart lanech
Damnat chonnalb Chonaillech.- Ba d'Úib Laga na l-lend.
in sesiur dorurmisem:
& Damnat ní gó dam
cona sessiur derbbrathar.B.
- Ingen Milcon miad cen on
a m-mathair a m-morfessiur.
is Milcon miad cen raind
ropo mug maith Meic Albraind.B.,