- Brocsech. Sanctbroc. Cumman. Caimell.
Fannchi. Findbarr. Feidelm.
Secht n-ingena sain adrímmem
do Dallbronuch adfédem.,
Ro genatar nóeb & nóeboga imda on mórfessiursa tra.
Ro genair chetus Brigit o Brócsig.
Oen aile dib Cumman. Dosrala do acallaim Patric. & si thorrach fora céttorrches co tarat Patric crois dia bachaill dara broinn. Et is í gein bói ina broinn in tansin epscop Mane & ro báe in chrossin ina etun chéin ropo beo. Et atbert Patric icá sénad co n-genfitis nóeb & noebóga imda uadi. Conid far sin genatar uadi morfesiur ar dib fictib do noebaib. Acht Tuathal Maelgarb a oenur. Et Ailill mc Mochta. Is uadi ém ro genair Mo Ninne Slebe Culind. Et da mc Comgaill i m-Maig Coraind. Et epscop Mane Echenaig i Tír .h. n-Ailella. Et epscop Roin i Cill Epscuip Roin i Cairpri Móir. Et Muridach i Cill Alaid i Tír .h. n-Amalgada. Et Cammini Insi Celtra.
- Cros Chammin afar m'irlabra
do bennachad mo laide.
m Colmain mc Comarbaig
m Insain is mc Aine.- Aliter
Cammin caem inar cangnim
mc Dimmae de roLagnib:
a Fothartaib Fea fuarus tair.
is ass iar fír dia athair.- nó Camin Insi Celtra cain
mc Dimmae mc Feidlimid.
m Fhlaind luchair lathair n-glain
d'Uib Briuin Ratha a Conactaib.,
Et Senan Insi Cathaig. Et Riaguil Muccinsi la Dal Cais. Et Senan Lathraig Briuin. Et Eirne Cluana Raigech i m-Mide. Et .uii. n-epscuip Cluana Emain ar brú Sinna. Et Loeban & Fortchern i nOidim i Ceru i Partraigi. Et Grellan Craibige i n-airthiur Maige Luirg. Et Sciri o Chill Sciri. Et Corcair Chet di ingin Eogain. Et .uii. n-ingena Cathbath i Cill Chomlach i m-Maig Luirg. Et Lomman Locha Gille eter Chairpre & Brefni. Et Midu Midbrisi mc Factna ic Slicig. Et Mell Chraibdech ic Beluch Gabrain. & ic Daire Melle. Et Osnat o Criched i n-Glind Dallain i Cairpri Mór. Et Dabríg Cluana Lochain. Et Dar Filed Indsi Cethig i n-Irrus Domnand. Et .uii. n-ingena Caechain i Tír .h. Fiachrach Adni. Et Miadaine Ratha Arad.
{folio 354e}Et Brig Cochlach a Crích Cairpri. Et Tuathal Maelgarb rí h-Erenn. Et Ailill mc Mochta brathair Dommai.
Et condrancatar immorro acallaim uile in buidenseo i Carn Tracta Eothaile & doringset oentaid. Et asbertatar nech conscerad i talmain a n-oentaid na ricfa a anim nem. Et na biad a athgabal i talmain. Et in carnsa i n-rachomrachomraicsem co tí muir dar róe .h. Fiachrach na ticfad tairis. Et asbert Epscop Mane.
- Nech conscera oentaid ár noeb
sech bid clóen bid mer
ni aittrebba talmain tind.
ni ria a anim for nem.
Feidelm ingen Dallbronaig mathair Ite Cluain Dedad. Sanctbróc ingen Dalbronaig & Fedbair ingen Dalbronaig i m-Bothaib Ech Roichnig. Cul Ugaine ainm a cille i m-Maig Luigne.