IS fat so in cethrur at fhichet baser i n-urd la Patric .i. Sechnall a epscop. Mochta a shacart Epscop Erc a brithem. Epscop Mac Cairthind a trenfher. Benen a shalmchetlaid. Coeman Cilli Riatai a maccoem. Sinell Cille Aires a astiri. Athgin Bothi Domnaig a choic. Crumthir Mescan o Domnuch Mescan a chirbsiri. Crumthir m-Bescnai o Domnuch Dula a shacart mése.
A thrí gobaind o Domnuch Arnnó moin & Loibán & Fortchern. A trí cerdda. Essiu. & Biti. & Tassach. A tri drunecha. Lupait & Erc ingen Dáre. & Crumthiris. Odrán i n-Disiurt Odrain i n.h. Falgi a ara. Crumthir Cathan .i. o Thalmachtain Ardda & Crumthir Brocan a da fhoss. Crumthir Manach a fher denma connaid. Roddan a buachaill.
Do mcaib Israhel immorro co fír do Patric. Acht dia ro esróided mne Israhel o Thit & o Uespasian fo chethair aird in domain fo daere i n-digail fola Crist is and doriacht a bunud co Bretnu. Is ar bunad Patric do mccaib Israhel dorat Dia tigernus basti & cretmi in h-Erinn & innarbba demna.
Oenfhiacail immorro la Patric in tan luid a Cruachan. Et la epscop oc Achud Fhobair ro facbad ind fhiacailsin .i. fer[gap: erased/extent: 1/2 letters] h-á[gap: erased/extent: 1 letter] ut Patricius dixit.
- A fhir á
facus mennutan i m-bá;
nocotfhacca cosindiu
o tú i m-biu a fhir á.
- Ón aidchi condranac frim
atberim fiad Rig na rend:
ni dechaid feoil tarut sis
ní thanic góu anís dart' chend.- IN Fiada find fil for nim
co n-ecnu co n-armitin
domícc fo bathis báin bil.
nomléic fo bathis oenfhir.A.
- Saegul Mo Chaemóc Leith
nocho chelat tuir na tréith
da secht m-bliadan cethri cét
ní iarmar ní immarbr
[gap: illegible/extent: 2 letters]
éc