Briathra Moraind in so sís oc tecosc Fheradaig Find Fhechtnaig diaro fhóid Morand a dalta chuce .i. Nere.
Abbair ris ri cach m-brethir ar Morand. InNis dó ri cach m-brethir. Brig dó rí cach m-brethir.
Mórad fírinne. nommorfa.
Nertad firinne. nonertfa.
Cometad represents fírinne.f. nocometfa.
Tocbad .f. notoceba.
Seiched .f. nosseichfe.
Cipé chometas .f. ni esseba nach maith aire. Nochon airchiure flaith.
Ar is tre fír flathemon mortlada tromlige do dóinib dingbatar.
Is tre fhír flathemon at márchatha de chrichaib cunámat curethar.
Is tre fír. flathemon cach ana lán cach lestar lán imma fhlaith.
Is tre fír flathemon soss. slante. síd. suba. soad. same. sadaile.
slánchride cach comarbae cona chlí in cháinchomarbai clannas.
Is tre fír flathemon mesrada móra at manna milsi blaissetar.,
{folio 346b} Is tre fír flathemon tra libarna lána lanamna (bana). barc i cind cetre.
Is tre fír tocbait dúsi ili órda airgdide.
Is tre fír docuredar muir ildelba míl mina mór for tractaih dergetar.
Is tre fír aibne usci iasc a tonnaib de snamaib snegtar.
Is tre fír sína caíne cach tremsi techtaide dudecat .i. Gaim cáin cuisnech. Errach tírim gaithach. Sam tur frossach. Fogomur tromdruchtach torthech.
Gó flathemon dobeir sína saíba. & mortlada.
& gallra. ancessa for tuatha.
IS. tre fír cacha cethri i crichaib cach fhlathemon fireóin cen tedma cen ances foraib.
IS tre fír cech suth soínmech. cach doth torthech. cech lamnad lanchóir.
Is f. ni fhuiglid nach fuigled manip co fasaigib firinne fogabthar ar it fasaig & roscaid berthe bretha. Ni brithem lasna furecar.
Abbair ris tra nirip diumsach. diupartach doguittech. doitgi.
Dligidir cech duigthech dígi.
Dligid cech diumsach tairniud.
Dligid cech airrechtach atháini.
Dligid cech dothenga miscais.
Dligid cech gubrithem duaidid & gairsechla
Abbair ris nirip rannaire ruamna goa. Ar ni cumgat baa goa i cathróib.
Abbair ris nip fuilech. nip cuilech. nip croda a acnam.
Abbair ris ni fhuigbe co n-gói cathrói ar ní frith ni fuigebthar brithem bas fhiriu cathroi.
Abbair ris ni lua uarlommand for úarmirend croda for feola fine ar etarbai n-indeirb n-incliss immorro tír caich ar n-uair.
Abbair ris cóich rabúi. nó cóich bias in bithsa. Fingal mairg forndoirtither.
Mairg doda-foír. .i. mairg forndóirter do-fechar co nomaid nó. Is ole foferthar.
Marnas merthir. Gonas gentair.
Finit amen finit.,