Tossach augrai athchosan.
T. ethig arlicud.
T. écnaig airbire
T. eolais imchomarc
T. ordain enecland.
T. súthi sochoisce
T. tocaid trebaire.
T. féli forsinge.
T. crabaid cosmaili
T. ecnai algine
T. uilc uaborbriathar
T. córai cáinepert
T. dóire drochlepaid.
T. crine gallraige
T. tróge toirsige
T. Iubra lén.
T. cutma guforgell.
T. sodchaid dagben.
T. dodchaid drochben.
T. miarli malartcha
Arráli maith mesrugud.
.Fithal.
Atchota sochell roda-biatha.
A. duthracht dorota.
A. ciall cáinchruth.
A. báes burba.
A. fascre rofhascre
A. miscais airbire
A. druis digna
A. lesci fatsine
A. becdatu cáinbude
A. diummus dimda
A. coirm clotha.
A. fergach frithorgain
A. flaith labrai
A. etla utmailli
A. accobur feidli
A. gaís airmitiu
A. báis bága.
A. brugas bronnud
A. bríg baraind.
A. biltenga brath
{folio 345c}A. miltenga brithemnacht.
A. áne erlabra.
A. daidbre dochraite
A. brón debthaige.
A. cath cóiniud.
A. sochlach cocorus
A. imresain imned.
A. immad díchoilad
A. terca leire-
A. soíre soigthige
A. doíre cumga.
A. borb gnimcha.
.Fithal.
Bat fattech arnabat fiachach.
B. trebar arnabat gabalach
B. eslabar corbot erdairc
B. gartaid corbat sochraid.
B. buidech corbat írach
B. umal corbot uasal.
Ferr dán orbba.
F. ledb luge
F. dál debech
F. doairm diairm
F. moín immatreb.
F. mog marbad
F. mag mórsliab
F. tigba torud. in another hand tigba cach n-dedenach. amal bid
ed atberad is ferr
[gap: illegible/extent: ? letters]
dedenach quam a
[gap: illegible/extent: ? letters]
F. tuath tinnscra
F. teiched tairisem
F. trumma dinnimi.
F. tairisiu tairngire
F. sobarthain suithe
F. senfhiach senecraite
F. síd sochocad.
F. soben sochenel
F. cride gialla.
F. cara coirm.
F. ciall cáinchruth
F. colud cuma.
F. coma coimtid
F. athe opad
F. aire iarraid.
F. atitiu acsin.
F. ana fognam
F. astúd amaires
F. rend repind.
F. rath riarugud
F. ré rathaib
F. rous ruath
or ruathur
F. gart grísad
F. grés soos
F. gáis gasced
F. gaire immad
F. gremm grefel
F. luathi digairsi
F. lubair áine
F. léire lamide
F. bó bliadain
F. búane ane.
{folio 345d}F. bríg bágaib
F. bás bithanim
F. bude digbail
F. bec éra.
F. drochdán dilmaine.
.Fithal.
Dligid ecna airmitin
D. fír fortacht
D. gó cairigud
D. clóine cundrech.-
D. ugra etargaire
D. rath riara.
D. aite a shochraite
D. naidm nascar
D. rath a imdegail
D. fiadnaise a fugell.
D. fudir fritholta
D. maith mórad
D. díbe dimmolud
D. dall dítin.
D. erdál erfhócra
D. óc eladain
D. altram imfhochaid
D. magister sogaire.
D. foindelach fuacra
D. coibche certugud.
D. athair sogaire
D. mathair míne
D. mer múnud.
D. othur iarfaigid.
D. eitge amsir.
D. tairec tunide
D. aí astud.
Gáeth cach co r-reic a fhorbbai
Baeth cách co l-luaig tíri.
Rectaid cách co lenbo.
Ferach cach co crésíni
Sochla .c. co áir
Brugaid .c. co éthech
Fénnid .c. co trebar
Amus .c. co forus
Sochond .c. co mesca
Codnach .c. co feirg.
Sognaid .c. co fuacht
Sobraig .c. co h-altram
Rúnid .c. co ugra.
Fálid .c. co dona
Dana .c. co ethech
Erra .c. co fogail.
Traigthech .c. co cairpdech
Caíd cach ceól co cruit
Sochraid .c. sona
Dochraid cech n-dona
Milsem cach lochta a airigid
Milsem cech céol ceól ind orcín.
Milsem cecha corma a cétdeog.,
{folio 345e} Sé comartha déc drochthacrai .i. frithchathugud fessa.
Attach drochberla
Ilar n-athise.
Cathigud cen chomartha.
Rigne labartha
A molad fadesin
Failte fri tuisel tacrai
Tomus fri arddu.
Folabrad n-insci.
IMtholta n-gáisi.
Derbad n-inderb
Dínsem lebor.
Soud fri noise
Airdde n-gotha.
Utmaille tacrai.
Tacra fergach.
Spcad sochaide
Cátingud cáich.,
Is áil damsa co fessur cinnas beo eter baethu & gaethu & gnathchib & ingnathchib eter senaib & ocaib & ecnaidib & anecnaidib ar a mc fri Fithal. .Ní. ar Fithal.
Nirbat rogáeth
Nirbat robaeth
N. rouallach-
N. dimbrigach
N. romorda.
N. robecda
N. rolabar
N. rothó
N. rochruaid
N. rothim.
Diambat rogaeth frithot-sailfaider
Diambat robaeth not-togaibfaider
D. rouallach not-dimdaigfaider
D. robecda bat digráid.
D. rolabar bat dergna.
D. rothó nit-suilfither
D. rochuaid fordit-brisfider
D. rothim not-dr[gap: illegible through rubbing/extent: 2 letters]fider.
{folio 346a} Ceist Cinnas rombeo. Ní.
Bat gaeth fri gáis arna rot-togaitha nech i n-gáis
Bat uallach fri uaill arna tucthar crich fort.
Bat becda fri becdataid i n-dentar do thol
Bat labor fri labra inotagar cath.
Bat tó fri tó i n-étsider aisneis.
Bat cruaid fri cruas arnachat-tarda [gap: illegible/extent: 1 letter]sech i n-éisleis.
Bat moeth fri maethi arnadot-rocra cach.
{folio 346ab}Cid immangéb trebad ol a mac fri Fithal.
Ni. ol Fithal IM indeoin.
Cade ind indeoin trebtha ol in mc.
Ní. ben maith ol Fithal.
Cinnas atgniusa in degmnai ar in mc.
Ní. asa deilb & asa costud ar Fithal .i.
Ni thuca in cail n-garit ossí chamfhinnach.
Ni thuca in remair n-garit.
Ni thuca in faind fatai.
Ni thuca in dupai n-dochoisc
Ni thuca in n-udir n-abbuidi.
Ni thuca in duib temlidi
Ni thuca in cenaind n-gairectaig.
N. in cáil clandmair is í druthethaind.
N. in miarlig miepertaig cecha tuca.
Ceist cia ben dobér ol in mc .Ní. ol Fithal. Matchotai na finna forsiunga. Na bána gela cenduba.
Cid as dech ban. Ní. Ben nad fetatar fir remut acht (matchathar)
{folio 346a} Iarmotha sin ni gabtha friu ara n-aicenta. Et nidat follaigthe ar richtain a lessa.,
Cid dogen friu ol in mc .A n-gabail dara n-anmi cipsi chruth beithi ol Fithal. ar noco derglastar eter díb meni gabtar dara n-ainme.
Cid as messo ban. Ní. Bé chairn.
Cid as messom andaside. Ní fer doda-beir i cormthech coa chen[gap: illegible as writing from obverse side shows through/extent: ? letters]
Perhaps chenel. chend Facsimile.
Cid as messo andate diblínaib. Ní. Mc berar etarru. Nin-aile. nin-turcaba. Ní mora ar ni bia cen n-ethig & cen mebail.,
Dán ecna dogni rig do bocht.
Dogní anrath do essirt.
D. sochenel do docheniul
D. gaeth do baeth.
Maith a thossach.
Ferr a dered.
Airmitnech issin chentur.
Logmar issind altur.
Ni dercointech fri dered .i. fri tabairt nime dó.
Dolig dán laechdacht.
Ni erdairc. & is dergna a dúi
Gnimuch duthain a súi.
It etradaig a bí. It iffernaig a m-mairb.
Nir thimna athair da mac.
Mairg dianid dan laechdacht.,