Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 41

GENELACH CLAINDE CONCHOBUIR CORRAIG

Cummascach & Buachail da mc Conchobuir Chorraig. Sé mc Cummascaig .i. Fland Rói isse ro greis na gagru asa charput coro ralad a comarbus Patric. Et Bec dia rabi Cinaed mc Muridaig. Et Aed Lagen a quo .h. Erodain. Et Mael Duin o rabi Cinaed mc Congalaig. Et Mael Bresail a quo [gap: illegible/extent: ? letters]h. Longáin. & dia rabi Mac Cellaig mc Domnaill.

Colla Uais tra da mc mathe lads .i. Erc ri sliab atuaid a quo .h. Meic Cairthinn Locha Febail .& h. Fhiachrach Ardda Sratha. Fiachra Tort ri sliab anes a quo .h. Turtri .& Fir Li & h. Meic Uais.

Is lesiden cetna rónas tortgabail Conaille Murthemni. Sicut quidam cecinit.

    1. Da mac mathe Colla Uais
      cenmotha aní as olc.
      Erc shléib fothúaid.
      o shléib fodess Fiacra Tort.

Erc tri mc leis. Sicut quidam cecinit.

    1. Tri meic mathe la h-Erc.
      dia do gluair. do gamanraid co n-glandbuaid:
      Cairthend is Fiachra co n-gail.
      iss int anrath Amalgaid.

Fiachra Tort secht mc leis. Sicut quidam cecinit.

    1. Echen. Mane. Loegaire.
      Oengus. Nath Í co l-lín olc:
      Cormac is Muridach Brocc
      at e .uii. meic Fiachrach Tort.
nó tri mc Echach mc Colla Uais .i. Erc. Fiachra. Brian. Cormac mc Briuin a quo .h. Cormaic. Dáre mc Eirc a quo .h. Dáre. Sírlam mc Fiachrach mc Eirc a quo Cenel Sirlaim. Echen mc Fiachrach Tort. .uii. mc leis. Sicut quidam cecinit.

p.1458

    1. Secht meic maithe ic Echen.
      Feidlimid. Bran fri feithem.
      dar Carthend. Echaid. Dallán
      .uii. meic forranaig Echen.
    2. Secht ríg do chlaind Chuanaig caiss
      ro gabsat ond ráith roglaiss.
      don gargdíne ón tuile thiar.
      ardrige uile Airgiall.
    3. Becc. Furudran. Suibne saer.
      Mael Dúin na certhern comcháem.
      Fergus. Maelgarb glan a graig.
      Muridach mc Inrechtaig.

Cethri mc Cúanach .i. Becc rí Airgiall a quo Cenel m-Becce. Baetan a quo Cenel m-Baetain. De quibus Munter Diucaire. Diarmait mc Cuanach i Cill Maelan Maige na Selga. Lurech mc Cuanach o Raith Lurig.

Trí mc Becce mc Cuanach .i. Suibne. Ronan. Furudran. a quo Síl Cathasaig. & Síl Duib Uaille. Et rigrad Fernmaige. Ronán a quo Munter Thamlachtan Loeg .i. h. Goerain & h. Duib Daire. De quibus .h. Bresail indiu. Suibne a quo Cenel m-Becce mc Melodrain mc Becc mc Cuanach mc Daire mc Feidlimthe mc Echin mc Colla Uais.

Feidlimid mc Echin a quo Cenel m-Becci & Cenel m-Baetain & Síl Cathasaig. & h-Ó Dacennan .i. Sil Aeda mc Bic. {folio 334a} [gap: illegible/extent: 1 letter]Echen mc Echin a quo Meic Carthind nó .h. Chonaig. & Cenel n-Echin. Carthend mc Echin a quo .h. Meic Carthind Locha Febail.