Rechtabra mc Aeda m. Olcan mc Subne m Fiachnai mc Demmain.
Mael Coba immorro occidit filium patris sui .i. Dunchad et postea Congal Cendfhota mc Dunchada occidit Mael Coba ut cecinit Dub Doid.
- Cichis Congal Cendfhotá
im Mael Coba cassil chró.
bid cosmail a dath
fri bratt ra ros do Dunchad.
Cethri mc Mael Choba nó da mc .i. Oengus & Blaimac. .i. Brandub mc ingine Duib Dibrama. Aed Rón is é orta i Fochaird Is fris atrubairt a chliamain .i. Mael Cáich mc Scanláin.
- Ni thíag isna dirthaige
cotam-assaich Aed Róin de
rirse mo chairpten h-i fat
atchiu cella nin-anget.
Oengus in tres mc a quo Cenel n-Oengussa. Blaimac in cethramad. Secht mc aice .i. Messchar. Rectabra. Causantin. Fland Furtrí. Dunchad. Inrechtach. Becc Bairche.
Da mc déc la Béc Bairche .i. Dub Da Braine. Dubthach. Eterscél. Aed Róin. Cellach. Conchobor. Oengus.
Secht mc Congaine na rígna sain. Cú Rúi immorro Cacht ingen Mele Fuataig a mathairside. Cernach dano Rímid da mc Lethainne in sin. Duos autem alios filios habuit quorum nomina scripta non repperi.
{folio 331a}Sicut alii dicunt .u. filii Fiatach .i. Findchad. Trechen. Eochaid. Conall. Brian.
Cethri mc Feic mc Imchada mc Bresail mc Sirchada mc Fiatach Find a quo Dál Fiatach .i. Trichem a quo .h. Thrichem. Trian a quo .h. Trena. Brian a quo .h. Briuin.
Eochaid Gunnat cuius mathair Mathair Chaem uocabatur a quo .h. Echach na h-Ardda.
Findbarr .i. Finnia Maige Bile mc Corpri mc Ailella mc Trichim cuius filius Dichu.
Cumman ingen Allelláin mc Aeda mc Baetan mc Echdach Gunnat.
Eocho Gunnat immorro ba rí h-Erenn ut periti dicunt. Et is lais forfodalta Conaille fo h-Erinn. Fo daig mc h-i Lága ro h-ort secht rigu do rígaib h-Erenn im Art n-Oenfher. Unde Cormac h. Cuind cecinit.
- Ni chel a h-adde for Laga ro bí ríga.
daig secht m-buinne óir imma dóit.