Da mc Fhiatach Find rig h-Erenn .i. Sirchass & Ogman. Is leis arrobad for sídib .i. Sid m-Bresse. Síd Nenta. Sid Femin. Sid Culind quod dicitur Tech Cermnai i Sléib Chulind.
Cóic mc Imchada mc Finchada mc Fogamoin .i. Fergus Foltlebor. Et Fergus Teni fo Brega. & Fergus Dubdétach et Oengus Foscriche. Is é in Fergus Dubdetach ro fhich cath Samna i torchair Cian mc Ailella Oloimm & cath Ferta i torchair Eocho Toebfhota mc Ailella Oloimm. Conid iarum gabais Fergus flaith h-Erenn ar ropdar ríg h-Erenn in días dorochratar lais secundum quosdam. Co torchairsium iarum la Tadg mc Céin & la Cormac .h. Cuind i m-Brega .i. i cath Chrinna.
Tri mc Dubthaig mc Miannaig mc Lugdach .i. Aed. Daig. Dallan. Aed dibaidsede. Is é immorro Daig gabas ríge nh-Erenn far tain ut praedictum est. Is de atá Carn Dega & a quo .h. Dega. A quo etiam Epscop Oengus i r-Ráith na n-Epscop.
Da mc immorro Dalláin .i. Forg & Oengus. Mc dond Oengussin Eocho Rígéices qui hospitatus apud Daimine. & qui sepultus est i n-Domnuch Culind.
Forg mc Dallain immorro da mc déc leis .i. Murbran isseside ro recc in flaith fri sosar na clainne .i. fri Muridach mc Forgo. iarna timna dó.
Muridach Munderg quem benedixit Patricius ut alii dicunt in regnum Hiberniae.
{folio 330c}Cóic mc Muridaig Mundeirg .i. Cairell. Eocho. Brenaind a quo Cenel m-Brenaind. Eogan Merchrom a quo Cenel Merchroim. Maelodor a quo Cenel Maelodir.
Secht mc Eogain Mérchruim .i. Congal. Blaithmac. Subni. Finan. Ronán. Érnine. Cummine.
Secht mc Conaill Chostodaig ar ba flaithside fon oenchumma. Bassí a raind. Ochtar Cuillche nó Cholland i n-Drumnib Breg. Iss inti randsat mc Muridaig nó Cairill a n-orbba.
Cablin a quo Cenel Caiblin. Ainmeri. Cormac. Fandleni. Bruit Bualid. Ginfhiach a quo Cenel n-Geno.
Baetán mc Cairill rí h-Erenn a quo Cu Gabraige. mc Flaind mc Fergaile mc Fergaile mc Dairchello mc Baetain mc Cairill.
Demmán a quo Cenel Demmain. Is é in Demmansa alta la Domangart mc Predae & fichetar leis .h. Echach i cath Dromma Clethi i torchratar secht mc Fhergaile .h. Ibdaig ríg Ulad. Hinc ipse regnauit statim. & genus eius usque hodie regnat.
Cóic mc Demmain .i. Fingen a quo Cenel Fingin. Glassan. Guare. Colman. clerech sithe. Fiachna mcside Demmain mc Garbae ingine Nelline do Cheniul. Cethri mc Fiachnai .i. Dunchad & Mael Duin. Da mc Cumne Duibni ingine Furudrain mc Duib Turtri in sin quae prius peperit filios Baetain mc Cairill. Is é in Mael Dúin ro gáet i n-Oenuch Descirt Maige la Murchad. Is é dano ro ort mccu Baetain mc Cairill & mccu a brathar i n-Dún Mugnae a quo Cenel Murchada.
Demman mc Conroch mc Congaile Cendfhotai mc Dunchada mc Fiachnai.
Dub Lacha dano ingen Fhiachnai mc {folio 330d} Demmain & Cumne Dub ben Mongain mc Fhiachnai mathair Cholgan & Conaill da mc Mongain.
Intan condiacht fer cerdda bratt co Mongan. Asbertsom fri Duib Lacha. Na tiag do eipirt sanaise itau. a n-asbermaisiu matáu ara-mbé do menmainsiu.
Suibne dano & Mael Coba da derbrathair .i. mc Fhiachnae & Cumne Finne ingine Baetain mc Echach.
- A faile im menmainse
ara-mbé do menmainsiu.
Dered anma .i. Cumne Dub do mathar
tossach .i. brat dub th 'anmasu .i. assin derthaig thucad