Eber a quo dicitur Hibernia ut alii putant quinque filios habuit. Sed nullus ex eis prolem habuit nisi unus tantum .i. Conmael. Hi autem sunt qui non habuerunt prolem .i. Aer. Orba. Feron. Fergna. Et isti tres regnum Hiberniae per dimedium anni tantum tenuerunt.
Ingen Miled a m-mathair .i. Díl is í ro báded oc tuidecht dóib i nh-Erinn.
Conmael immorro is é ro marb Éthriel ríg nh-Erenn ro bói féin .xxx. m-bl- i r-rige h-Erenn co torchair la Tigernmas. Conmael dí cétri h-Erenn a m-Mumain. Mc dósaide Eocho Faeborglass. issé ro marb Chermna na dún. Da mc la Eochaid Faeborglas .i. Nuadu Declam. & Ma Femis. Ó Nuadait atát Síl Ebir uile. Ma Femis mc dóside Eocho Múmo a quo dicitur Mumu. Eocho Garb .i. Eocho Mumo.
Mugaeth Mórólach mc Ma Femis. Is é ropo mó ól do lind ro bói ina amsir. Is dó ropo ingen ben Fhiachach Labrainne mathair Oengusa Ólmugaetha.
Enna Airgdech mc Echach Mumo. ní h-irdairc a chland má foracaib. Cland Nuadat .i. na ríg ro gabsat h-Erinn a Mumain. Et is dia claind na h-Eoganachta uile.
Aildergdóit mc Munemoin mc Cais Chlothaig mc Airair Ardda mc Rothechta mc Rosa mc Glais mc Nuadat mc Echach Faeburglais mc Conmael.
Aildergdóit. Is leis doronta failge im dóitib ar tús i nh-Erinn. Munemon is leis ro tinscanad múin óir fo bragtib.
Tricha ríg do Shíl Ebir for h-Erinn ria Mog Nuadat. It e inso a n-anmand.
Duach Dalta Dedad mc Sin {folio 319ab} do Ernaib Muman dorochair la Fachtna Fathach de Ultaib. O dorochair Duach la Ultu. Ro fhirmiset Ernai & Síl h-Erimoin for Echaid Fermi mc Duach .i. fer forfuirmed. Ro gabstat Ernai nert for Síl Ebir coro gab Iair mc Dedad ríge & a brathair Dári. Et Binni. & Ros. & Forói & Glass. & Conganchnes. &rl.
Ro innarbtha cland Duach i n-iarthur Muman. Gabais Dari mc Dedad rígi co n-erbailt dia ruc a ingen in mc .i. Noine. Ar atrubairt in drúi ris in tan noberad a ingen mc iss and atbelad. Corrabi comet aice furri. Araide ros-torrchestar Mc {folio 319b} ind Óc scilicet quidam diabolus dia luid ind ingen tria mesca assin dún.
Co r-ragbatar na druid fora broind co cend .ix. m-bl- .i. nói mis fá nói. Co rucad in mc .i. Noidiu Nóibrethach .i. nóe m-bretha ruc iarna gein fochetóir. Is amlaid ro genair co trilis fot da lám fair. & co cassulcha. Marb tra Dáre mc Dedad in tan rucad Noinne. Gabais Eogan mc Iair rige co torchair la Énna Munchain mc Loich mc Ma Femis. Gabais Enna ríge co rod-marb Cú Rúi ut alii dicunt.
Na cuicedaig iar tain.
Eterscél Mór i Temraig. Conaire Mór i m-Mumain. Et dorochair leis Nuadu Necht Lagnech. Ba rí dano Cairpre mc Conaire. Ba rí dano Dáre Dornmar. Et ba rí Corpre Cromchend a mc. Na cuicedaig iar sain .i. Forbri mc Fini i m-Mumain & Lugaid Alladach. Sanb mc Ceit i Connachtaib. Ellim mc Conrach i n-Ultaib. Eocho Anchend i l-Lagnib. Ba rí Eocho Ilchrothach .i. Mug Láma. Ic tárcud usci ro bái dar lama ríg Lagen. Ba rí Srobcend co toracht Dergthene mc Ennai
Is de búi dosom Mog Nuadat .i. ara bith dalta do Nuadait mc Darine mc Barraig. dia m-bái oc denam a ratha. Is and ro gaired deseom Mug. Eogan Taidlech ainm aile. amal ro scribsamar i Tochmarc Momera ingine ríg Espaine. Ailill Ólom a mc. Is é ro gab Áne ingen Fhir h-Í mc Eogabail coro ben a chluais de. Unde dicitur Ólom.
Is h-í trá Cland Ebir fo h-Erinn .i. Dál Caiss. & Dal Céin & Delmna & Dése in tuascirt & Dál Mos Corb ut quidam putant. Et Dal Mathra. Et .h. Derduib & Cathrae& h-Éli. Et Tuath Turbi. Et Eoganacht Áne. Et Eoganacht Locha Léin. Et Eoganacht Cassil & Eoganacht Rathlind. Et Eoganacht Glennamnach. Et Eoganacht Arand. & Eoganacht Ruis Argit.
Da mc foracaib Mug Nuadat .i. Ailill Olom et Lugaid Lága. Nói mc déc Ailella .i. Eogan Mór. Cian. Cormac Cas. Tidell Glasscatha. Dichorp. Dubmercon. Mac Corp. Conall. Croichni.
H-i sunt .ix. filii Sadbae ingine Cuind. Corba. Mac Malleoin. Mac Coll. Mathreth. Tigernach. Uillend. cethri Echdaig. Eocho Taebfhota.
{folio 319c}Eocho Freithirind. Eocho Orige. Eocho Dímóna.
Dibaide i cath Múcrima. Crínais a chland uile acht triar .i. Eogan Mór a quo Eoganachta. Cían a quo Ciannachta. Cormac Cass a quo Dál Caiss .i. in Déis.
Eogan Mór oénmc leis .i. Fiacha Mullethan. Da mc la Fiachaig .i. Ailill Fland Mór. & Ailill Fland Bec. Ambrit Ailill Fland Mór.
Ailill Fland Bec dá mc .i. Lugaid & Dáre Cerba.
Dáre Cebra .uii. mc aice .i. Fiacha Fidgenid a quo h. Fidgenti. Eocho Liathán a quo h. Liathain. Fidach a quo Crimthand Mór mc Fidaig & ba rí h-Erenn & Alban h-eside. Dedaid a quo .h. Dedaid .i. h. Braccain & h. Ailella i n-airthur Eoganachta Cassil. Dau. & Der. Lugdech immorro tri mc aciside .i. Da mc Dúile ingine Fiachach ríg Éli .i. Lugaid a quo .h. Lugdech Éli. Cathbath a quo .h. Cathbath
Cethri mc dano Aebinne ingine Oengusa Builc ríg Corco Láigde. Nad Fraich a quo Eoganacht Cassil. & Eoganacht Áne. & Eoganacht Glennamnach. et Eoganacht Durlais Airthir Chliach. Mac Cass dano a quo .h. Echach. Mac Brocc a quo .h. Trena. Mac Iair a quo h. Meic Iair. Sessed Mac Cuirc .i. Daig a quo .h. Muridaig &rl. Secht mc Cruith- ó ta Eoganacht Maige Gergind. i n-Alpae.
Is í ind Oebennsa atchonairc in aislinge in chetaidche ra fhói lassin ríg i Cassiul .i. cethri culeóin do lamnad di. Fothraic in cétna culén i fín .i. Nad Fraich. Forfhothraic in tanaise i corcair .i. Mac Cass. Forfhothraic in tres i l-lemnacht .i. Mac Brocc. Forfhothraic in cethramad i n-usciu .i. Mac Iair. Tarraid cuiced cuilén chuice dianechtair ina l-lige. & ro fothraicside i fuil ipse est Corpre & Cruthnechan. & atconnairc immorro éside do ithi a cíche da bruinne. &rl.
Nath Fraich dí da mc aice .i. Oengus & Ailill. Ailill a quo Eoganacht Áne. Oengus immorro .xxiiii. mc aice. IAr tiactain immorro do Patric adropart da mc déc & da ingin déc do Dia. qui omnes sancti & sanctae sunt. It é immorro inso a n-anmand in da mc déc shaegulla. Feidlimid. Dub Gilcach a quo Fíngin & Falbe. Eochaid a quo Cathal mc Finguine. Bresal a quo Cormac mc Cuilennan. Senach a quo dicitur oengres i n-gabair lasin ríg. cuius hereditatem Enna possidet. AEd Caech. Tri mc Eithne Uaithche a quo Cenel n-Eithne. Mac Carthind a quo Dubi & Dub Conaind & Dub Derir. Et Aed Colpthai. Nath Fraich a quo Gruifne. Aed. Feidlimid.
{folio 320a}Loscan. Nad Geid quorum trium genera i tírib .h. n-Dúach sunt. Et alia pars de genere Niad Gein isna Désib. Lugaid. Nad Geid. Nath I.
Da mc dond Oengus .i. Colmán Mór mc Daráne cuius reliquiae sunt i n-Daire Mór. Et Lugaid cuius reliquae i n-Druim Inasclaind.
Cúic mc Crimthainn mc Echach mc Oengusa mc Nad Fraich .i. Aed Crón. Feradach. Corpre. Feidlimid. Fiachra. Sithbacc. Uii. mc Corpri mc Crimthaind Sreim .i. da Aed. dá mc Cumini. Diarmait Find. Feidlimid Ulethan. Ailill Dub. Cormac Srubbán. Cormac Cáel.