Corpus of Electronic Texts Edition
Book of Leinster, formerly Lebar na Núachongbála (Author: [unknown])

p.1327

section 1

Lagin

{folio 311a}

Can as roetattar Lagin ainmnigud? Ní. Lagin quasi Lagain óna lagnib nominantur .i. dona laignib doradsatar leo dar muir anall dia lotar la Labraid Longsech Moen co Slébe Elpa sair. Amal tancatar aridisi dochum nh-Érenn ba h-ingnad la Firu h-Erenn a n-errid & a n-airm .i. lagni mara do-bertatar ina lamaib conid díb ro ainmnigthe Lagin. Unde poeta.

    1. Moen .i. Labraid doen o ba noed .i. noidin     ni bud noos .i. nirbo mo
      [gap: extent: 3 letters]
      ardrig ardrig.
      ort .i.
      [gap: extent: 3 letters]
      marb. rígu. roud ropuath án    h-úa Luirc .i. mac Ailella Ane Lóegaire Luirc h-é.
      Láithe gaile Galion     gabsat inna lámaib laigne.
      Lagin de sin is de sin asberar Lagin.     slog Galian glonnach
      Glinnis .i. gniset catha cocthe     cota ler .i. co immel mara lerga iath h-Erimoin
      iarna .i. is ar lebor in oll longsi atrubrad Labraid Longsech de longais lochet fiann     flaith Gaedel gabsais.
      Griph .i. ar graine no gribdai indrith iath n-aneóil     .h. Luirc Loegaire.

Galion tra & Domnand anmand sin do Lagnib amal dorimther i Táin Bó Cualngi. Dolluid fianlag do Gallaib la n-dalta la Labraid Longsech dochum nh-Erenn coro ortatar Dind Ríg .&cetera. inde nominati sunt Galion quasi Gallion. Ocus ro mairset a clann céin máir isin tír. ut est Dún n-Galion la Dal Mesi Corb.

Coic rig trichat ro falnatar h-Erinn do Lagnib óta Labraid Longsech conige Nad Buidb mc Eirc Buadaig de h-Úi Dega amal demniges in prímfhili h-Erenn Ladcend mc Baircheda de Dál Araide ubi cecinit:

p.1328

    1. Nidu dír do dermat &c.

Labraid Longsech Moen oenmc Ailella Ane m Loegaire Luirc m Úgaine Máir m Echach Buadaig m. Duach Ladcra m. Fiachach Tolgraig m. Muredaig Bolcgraig m. Simoin Bricc m Aedain Glais m Nuadat Find Fail m Giallchada m Ailella Olchain m Sirnai m. Déin m. Rothechtada m. Moin m. Oengusa Olmugaeda m. Fhiachach Labrinne m. Smirguill m. Enbotha m Tigernmais m Fhallaig m. Ethriuil m. Iriail Fatha m h-Erimoin m Miled Espane.

{folio 311ab}

IT e inso sis anmand na ríg sin ro gabsat h-Erinn.

  1. Labraid Longsech.
  2. Oengus Ollam Amalgaid
  3. Bresal Bregamos
  4. Fedlimid Fortren
  5. Feradach Febda
  6. Crimthann Coscrach.
  7. Mog Airt.
  8. Art Aldóit
  9. Nuadu Fuldón
  10. Feradach Án.
  11. Ailill Glas
  12. Fiachu Fobrecc.
  13. Lugaid Lóthfhind
  14. Bresal Brecc
  15. Setna Sithbacc
  16. Nuadu Necht.
  17. Fergus Faircce.
  18. Ros Ruad.
  19. Find File.
  20. Ailill mc Rosa
  21. Corpre Nia Fer
  22. Conchobor Abratrúad
  23. Mug Corb.
  24. Cú Corb.
  25. Nia Corb.
  26. Cormac Gelta Gaeth.
  27. Feidlimid Fer Aurglas
  28. Cathair Már.
  29. Fiachu Baccid.
  30. Bresal Belach
  31. Muridach Snithi
  32. Nad Buidb.

{folio 311b}

Gabais iarum Labraid Longsech ríge nh-Erenn amal nos-rime Find mc Rossa isin fhursunnud. Gabais ríge n-Alban iar sin & dobert ingen rig Fer Morca. amal asbert Ferchertni.

p.1329

    1. Ni ceilt ceis ceol de chruitt Chraptini
      co corostar for sluagu suanbas.
      consert coibnius eter sceo Máin
      Moriath macdacht Morca
      mó cech luág Labraid.

Gabais dí Labraid Longsech ríge Gall & Gaedel & luid co Slebe Elpa. Unde Find cecinit.

  1. Domnais .i. cenglais giallu Gall
    co coic asa .i. benna Alpion.
    Airbri .i. immad folaig fichi long legión .i. xii. .m.

Ni rabi tra do rígaib h-Erenn ra sossed in chumachta ro siacht Labraid Longsech. Unde poeta cecinit.

    1. Lug .i. laech sceith     scal find
      fo nimib. ni rabe     bed mac n-Áne aidblither.
      airddiu deib dóen .i. duni     dron .i. dangen daurgrane .i. grane darach
      glan gablach     h-úa Luirc Loegaire.

Bressal Brecc trá da mc leiss .i. Condla senathair Ossairgi. Et Lugaid senathair Lagen. Mc didiu don Lugaid-sin in Setna Sithbacc.

Cethri mc la Setna ut Senchan cecinit.

    1. Cethri meic la Setna Sithbacc
      suabais n-aithmet imbid argg .i. anrath.
      Oengus Uchae Art Mis Delmond.
      Nuadu. Augen. Urgnaid ard.

Oengus Aucae dia tá Dún Ucae do-rodíbdáe a chland.

Mes Delmond cethri mc leis: Mes Gegra & Mes Roida & Mes Dana & Mes Domnand. Is leis con-rotacht .i. ro gniad mur n-Alinni quae postea fuit regalis ciuitas. Unde Briccini mc Brigni cecinit.

    1. Mál .i. ri adrualaid .i. ro a
      [gap: extent: 3 letters]
      nig láthu már     mac saer Sétnai
      selaig .i. ro snaid vel nó ro
      [gap: extent: 3 letters]
      nasc srathu Fomoire     for doine domnaib
      di ochtur Alinni     ort triunu talman
      treband tren tuathmar     Artt Mis Delmond Domnand.

Dibaid dano insin.

p.1330

Augen Urgnaid in tres mc Setnai Sithbaicc .xiii. mc lais-side .i. Eocho Fergen a quo Tír Fergen. Finteng a quo Dún Finteng. Aucha a quo Cenel n-Ucha. Eru. Orb. Alb. a quo Mag Albe. Rogen Ruad. Donndelg. a quo Dún Donndelg. Dáne. Nár. Nue. a quo Rath Núi i l-Laigis & i nh-Úib Garrchon. Ladru a quo Ard Ladrand. Lergnaid. Luad Cuar a quo Dun Cuair. Cáinmasc a quo Dún Masc. Do-rodibdatar mc Augein uile acht Ucha Urgnaid tantum a quo Cenel Ucha. .i. h-Úi Fidchellaich h-Úi Maele Derir h-Úi Baetain Bic h-Úi Broscae h-Úi Fhualaing h-Úi Fhithrichain.

Item Find Fili mc Rosa cecinit de mcaib Ailb mc Augein

    1. Baeth. bude.     Banan .i.
      [gap: extent: 3 letters]
      dron .i. daingen
      danae dilmain     maicne Ailb airme
      acher buri     bru di deirg.
      Dondobur doel. Gabrón. ginne. fur. Findubur.

Nuada Necht tra in cethramad mc Setnai Sithbaicc {folio 311c} is úad atá bunad Lagen & ba ríg Temrach h-é. & is leis do-cer Eterscela Mor mc Eogain rí Muman .i. ar Lugaid Reo n-Derg do-ringni Nuadu in gnim-sin.

Et is iar sin ro gab Lugaid rígi nh-Erenn. Et is ua do Nuadait Necht Find h-ua Baiscni. Et Cailte ut Senchan Torpeist cecinit isin Cocangaib .i. isin coc
[gap: extent: 3 letters]
mair:

    1. Find Taulcha     tuath curi Cailte
      crothsait cres m-bodbae     bárcaib di thonnaib.
      tri h-Úi Baiscni .i. Find & Oisin m. F. & Cailte     buadach cuitechta
      conda ferta     filset .i. co filet a macca tri h-úi Nuadat Necht.

Find didiu m Cumaill m Trenmóir m Suaelt m Eltain m Baiscni m Nuadat Necht.

Fergus Fairge .i. for fairge rucad h-e dano mc Nuadat Necht. Mc dóside Ross Ruad. issesede arranic cuibdius i n-deud na n-dúan.

TRí mc la Ross Ruad .i. Find File. Ailill mc Matae .i. mur
[gap: extent: 3 letters]
. Corpre Nia Fer. quidam addunt quartum {folio 311cb} filium .i. Cathbath drui athair Conchobuir.

p.1331

Ailill tra mc Rosa & Mata Murisc a mathair do Fheraib Ólnecmact. dib-side con-gairther Connacta indiu. Ro-ngabsat i r-ríge ara mathre. .i. Do-lluid Medb Chruachna ingen Echach Feidlig co Feraib Olnecmacht impi i crich Lagen co m-bertatar Ailill leo [gap: extent: 3 letters]cc[gap: extent: 3 letters] do rígu Connacht daig ba dib a máthair tre do dénam óentad eter na da coiced. (&) do chocad fri Conchobor & fri coiced n-Ulad.

Corpre didiu h-i Temraig. Find Fili i n-Alind. Ailill i Cruachain. Unde Senchan cecinit.

    1. Tri meic Ruaid     ruirig .i. fori flaind .i. faebair no obraidib iat.
      fiangal Find     Ailill acher .i. garg caem Car
      [gap: extent: 3 letters and 1 line]

      Ailend chruind     Cruachu Temair
      [gap: extent: 8 letters]

Cairpre Nia Fer tra is uad do-gairther coiced Corpri. Is í a chland Chorpri .i. Eocho Immete mc Corpri. Et mc do-side Corpre Athem dia ta Cenel Athemna Serthenna. oc Fid Chuilend. dia ta Beoan mc Nesain et cent[gap: extent: 2 letters] Criathar .i. [gap: illegible gloss] andes.

Conall mc Echach Immete dano senathair h-Úa n-Garchon. Is dia chlaind h-Úi Siláin o Thig Thin[gap: extent: 4 letters] & h-Úi Choibdelaig a Ochtar Fhine. Et .uii n-epscoip o Druim [gap: extent: 5 letters] .i. .uii. mc Conaill m. Echach Immeti. Et Fine Cilli Bicsige .i. h-Úi Baethgalaig et h-Úi Brittain la Sil Maela[gap: extent: ? letters] Et h-Úi Draignen i Fabur. Et h-Úi Sellaig. Et h-Úi Forca i m-Maig Letan et h-Úi Immete i Conulvel . Et Cenel [gap: extent: 4 letters] i m-Maig Ailbe ic Cill Eogain. [gap: extent: 2 letters] leo [gap: extent: 10 letters].

Find Fili trá in tres mc Rosa Ruaid is é senathair Lagen. [gap: extent: ? letters]. Mac dó in Conchobor Abratruad. Mc dó-side in Cú Chorbb.

IT e cethri mc Con Corbb. Nia Corb. Cormac Losc. Messi Corb. Carpre [gap: extent: ? letters].

{folio 312a}

It é tra cethri primshlonti Lagen insin .i. Dál Niad Corp dia tat ríg Lagen .i. Clanna Cathair & ind ríg olchena. Ar batar iat da mc Fheidlimid Fhir Aurglais mc Cormaic Gelta Gaith mc Niod Corp mc Con Corb .i. Mane Mál mc Feidlimid. Et Cathair Mar mc Feidlimid. Ór derg díre eneclainne in cheniuil-sin uile.

Dál Messi Corbb in primslonnad tanaise. Errid .i. trenfhir & tánaise ríg ind fhir-sin. Arggat brunti diri a n-eneclainne.

Dál Cormaic .i. Luisc in tres primslonnad. Errid cid in sin.

p.1332

IT é a n-aicmi-side .i. h-Úi Labrada h-Úi Gabla h-Úi Chulind. Et Cuthraige. Argget mar bess eneclann in chiniuda-sin.

Dál Corpri Longsech Bec in cethramad primshlonnad la h-Arada Cliach.

Eithni ingen Oengusa Músc a máthair Messi Coirbb & Corpri Bic. Errid chatha sin. Arggat a n-eneclann. Et issí ind Ethni-sin mathair in Chormaic & ind Niod Cuirb.

Da primfhorslonnad Lagen Fothairt & Laiges. Fothairt chetus Cenel Echach Find Fuath Airt mc Feidlimid Rechtada. Laiges immorro Cenel Conaill Cernaig mc Amairgin. Créduma a n-eneclann dib linaib.

Corpre Cluchechair. Eithni Sithbacc ingen Oengusa Múisc a mathair. Bert chethri maccu do Choin Corb ut diximus.

Nos-beir iarum Laider .i.
[gap: extent: ? letters]
da Tail
[gap: extent: ? letters]
arae Con Corbb siar ind Eithni-sin iar marbad Con Corbb co m-bert .iiii. maccu dó. Luid iarum in Corpre siar iar tain do chungid cobra coa shenathair co Oengus Músc. Ar ní búi ferand iar n-éc a athar lia brathrea. Nis-tarlaic iarum Oengus aniar & do-bert ferand dó quia poeta erat.

IT é dano cethri mc ruc Eithni do Laider .i. Toeccae. Et Ennae & Dila. & Árte.

Do-bert iarum Oengus ferand do mccaib a ingine. et do-breth leth do Chorpriu mc Con Corb fri cethri mccaib ind arad. & do-breth flaithemnas do.