Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 43

Cogad Gaedel re Gallaib

{MS folio 309a} BUÍ dochraiti mór for feraib Herend co forlethan ó Lochlannaib & o Danaraib dulgib dúrchridechaib fri ré cían & fri amsir fota .i. fri deich mbliadna & oct fichit. da cet mbliadan iar{MS folio 309a 5} fairind .i. ó Artrí co Brian mac Cennetig. i Cassiul. ó reimes Aeda
39325] meic Néill Frossaig. i Temraig .i. se ríg déc risin résain i Cassiul. Da rig déc im i Temraig risin ré cetne. Mór de dod. & d'imned. de{MS folio 309a 10} thár & de tharcassul ra fulngetar fir Herend ri remes na rígsain o Lochlannaib & o Danaraib.


39330] I rremes Aeda meic Néill ríg Herend. & Artri meic Cathail rig Cassil. Ra thindscansat Gaill indriud Herend ar tus. a Cammus Hua Fathaid Tire .i. fichi ar chét long & ra indretar in tír uili. Ra{MS folio 309a 15} airged & ra losced leo Inis Labraind & Darinis. Tucsat Eoganacht Locha Léin cath dóib & ro marbad se fir dec ar .cccc. dina Gallaib
39335] in bliadain sin ar marbad Diman Arad & indara bliadain rigi Fedilmid meic Crimthainn .i. in dechmad bliadain re n-éc Artri. Tanic dano longes aili ar sain coro innretar Corcaig. & Inis Temli{MS folio 309a 20} & Becherinn & Cluain Úama. & Ros Níallain. Et Scelic Míchil Et rucsat Etgal in Scelic leo. i mbrait. conid tre mírbail atrulla úadib. & ba marb de gortai & d'íttaid occo hé.
39340]

Tanic longes aili i tuasciurt nHerend .i. in cethramad bliadain ar n-éc Aeda ríg Herend. Et ra argsetsaide Bendchor Ulad & ra{MS folio 309a 25} brissetar scrín Chomgaill. Ra marbsat epscop in bali & a ecnaidi & a sruthi. Ra airgset Mag mBili.


39345] Tanic dano longes aili i nHuib Cendselaig. & ra argset Tech Munnu & Tech Mo Lling. & Inis Teoc. Tancatar ar sain i nOssairge.{MS folio 309a 30} & ra hindred in tír leo. & tucsat Ossairge cath dóib. & torchratar .clxx. dina Gallaib. Ra airgset & ra loiscset Less Mór. & Cell Mo Lassi & Cluain Aird Mo Béccóc Ra toglad leo Dún Dermaigi & Inis
39350] Eoganáin. Et Disiurt Tipraiti. Ra gab rempo fathuaid iar tain co {MS folio 309a 35} Snám Aignech. Coro millset Land Leri & Cell Sleibi. Atuaid arísi doib coro airgset Sord Coluim Cille & Dam Liac Cianain. & Sláni


p.1320

{MS folio 309a} & Cell Ausailli. Et Glenn da Locha. & Cluainn Uama & Mungarit & urmór cell Herend uile.


39355] Tanic longes aile i cuan Lumnig. Et ra hindrit Corco Bascind {MS folio 309a 40} uathusaide. Et Tratraigi & Hui Chonaill Gabra. Acht tucsat Hui Chonaill cath dóib la Dondchad rí Hua Conaill in tansa. & Domnall mac Cindfaelad ri hua Cairpri. & ni fess ca lín dorochair and.

Tancatar ar sain ríglonges adbulmór la Tuirgéis i tuasciurt
39360] nHerend. Ra gab in Tuirges rigi Gall Herend. Ra hindred tuascert {MS folio 309a 45} nHerend leo. Et ra scailset fo Leth Cuind. Ra gab longes dib for Loch Echach. Ra gab longes aile i lLugmud. Longes aili for Loch Rí. Ra hindred dano Ard Macha fo thrí sinn óenmiss leo. & ro gab {MS folio 309a 50} Turgeis féin adbaine Aird Macha. Et ra innarb ass Foranann abbaid Aird Macha. co rrócht Mumain' & scrín Patraic leiss. Et baí
39365] Forannán cethri bliadna i mMumain. Et Turgeis i nArd Macha & nert tuascirt Herend aice.

Is andsin ra comallad fastini Berchain. in phrimfadai .i.

    1. Ticfait genti dar muir mall

      39370] {MS folio 309a 55} mescfait for ferand Herend
      bid uadib abb for cach cill
      bid uadib nert for Herind
    2. {MS folio 309b}Secht mbliadna doib ni feidm fand
      i n-ardrigi na Herend

      39375] i nn-abdaini cacha cilli
      do geintib duin Dublinni
    3. Biaid abbaid form chillse de.
      ni thacera d'iarmerge.
      can phatir can chreda

      39380] can Latin acht Gallberla.

    1. Item Colum Cille
      {MS folio 309b 5} In longessain Locho Ri.
      maith do morad gallgenti
      bid uadib abb Aird Macha.

      39385] bid ollomnacht anflatha.


p.1321

    1. {MS folio 309b} Item Bec mac De.
      Dar ben chloc i Taltin te.
      Ciaran sen saidbir saig.
      ro gell d'Herind co fa thri

      39390] dama Danar dublongsi.

{MS folio 309b 10} .i. Dam i n-inad innarba Coluim Cille dar muir & dam i n-inad saraigthi Ciarain fein i Taltin. & dam i n-inad troiscthi naem Herend i Temraig ar Diarmait mac Cerbaill.

Tanic iar sain Turges for Loch Rí. & ra indred Midi uad ass & Connachta. Et ra hindred leiss Cluain mac Nois & Cluain Ferta
39395] Brenaind. & Lothra & Tír da Glas. & Inis Celtra. & cella Dergdeirc {MS folio 309b 15} archena. Tuc Cluain mac Nois da mnaí. Is and rabered a frecartha d'althoir in tempoil móir. Otta ainm mnaa Turgeis. Tucsat Connachta cath dó. i torchair Mael Dúin mac Murgiusa rigdomna Connnacht.


39400] Tancatar iar sain cóic longa & tri fichit co Dublind Atha Cliath. {MS folio 309b 20} & ra hindrit Lagin co Margi leo. & Mag m Breg. Tucsat Dál Riatai cath don longissein Uair rachuatar lám chlé ri Herend fathúaid ar milliud Lagen & Breg. Ra marbad sin chathsin Eoganán mac Oengusa rí Dáil Riatai.


39405] Tanic tóla murbruchta móir do Gallaib i Mumain conna rabi aird {MS folio 309b 25} inti can longis. Ra gab longes díb i Ciarraigi Luachra. & ra hindretar co Cill Íti & co Cill Eimni. Ra hindretar daex longes Lumnig Marthin Muman & rucsat Forannan comarba Patraic. ó Chlúin Comarda leo co Lumnech. & ra brississet scrín Patraic. Is híseo bliadain ra {MS folio 309b 30} gabad Tuirgeis la Mael Sechnaill. Ro báided ar sain hé i lLoch
39410] Úir .i. bliadain re mbádud Neill Caille sain. & indara bliadain re n-éc Feidilmid meic Crimthainn. Ar marbad Turgéis dolluid Forannán assin Mumain co hArd Macha. & ra lessaiged scrín Patraic.


39415] Tancatar dano Gaill co Ross Cré sin bliadainseo. láe feili Poil & {MS folio 309b 35} Petuir & in t-oenach innillti and. & tucad cath dóib & ro maid forsna Gallaib tre rath Póil & Petair & ro marbad co diarmidi. & ra bualad Onphile iarla and de chloich coro marb é de. Ba grema d'feraib Muman in troscud daronsat ra Pól is ra Petar in n-aidche
39420] reime. Is mór d'ulc & d'imned fríth uatha & fuaratarsom ó chách.
39420] {MS folio 309b 40} do neoch nach scríbthar sund.

Tancatar iar sain longes adbulmór de Northmannaib for Boind. Ra hindred Brega & Mide.

Tanic longes aile corra gaib for Loch nEchach. Ra hindred


p.1322

{MS folio 309b} leosaide co hArd Macha & ra locset Ard Macha féin & ra hairged
39425]

{MS folio 309b 45} Tanic dano longes aile co Ath Cliath. & ra hindred leosaide Mag Lagen & Mag mBreg. etar thuatha & cella.

Tanic dano longes ba liu andásaide co Ath Cliath béus. Ra hindred leosaide urmór Herend uili. Ra hindred leo dano hÍ Coluim Cille. Ra hindred leo Inis Muiridaig & Daminis. & Glenn da Locha & Lagin
39430] {MS folio 309b 50} uili co Archad Úr. & co hAchad mBó & co Liath Mo Chaemóc & co Daire Mór & co Cluain Mo Lua. & co Ross Cré & co Lothra. coro brissiset scrín Ruadain. & co Cluain mac Nois & co Saigir. & co Dirmag.


39435] Tanic longes o Lumniuch i ndescert nHerend. & inriset Scelec Michil & Inis Fathlind. & Disiurt Donnain & Cluain Mór. Coro {MS folio 309b 55} marbsat Rudgaile mac Trebthaidi. & Cormac mac Selbaig anchora. is desside ra hoslaic angel fo di & ros cenglaitis na Gaill cach n-uairi.

{MS folio 310a} Ra hinnred leo dano Corcaig. & ro losced Ros Ailithri & Cind Mara. & Achad & Árd Feradaig Tugsat dano descert Herend cath
39440] dóib. & darochair Clochna rig Corca ac & Dondchad mac Amalgada {MS folio 310a 5} ríg Eoganacht ua Neit ac Corcaig ro marbad.

Ra hindred Cill Dara & Cluain Eidnech & Cend Ettig. & Cell Ached la longes Atha Cliath & ro toglad Dun Masc. dú inro marbad Aed mac Duib da Crích Fintaind. Rucsat leo i mMumain. & ra
39445] pianad [...] do iarraid fuaslaicthi fair. & iss ed nach fuair.

{MS folio 310a 10} Ra hindred dano Cenannas la longes Atha Cliath & Manistir Buti & Damliac Cianain & Sord Coluim Cille. & Findglas Cannig. Ra losced sin uile leo & ra hindrit.

Tancatar iar sin dubgenti Danarda {MS folio 310a 15} & ro laesat fo Herind. & ro
39450] batar oc dichor na findgenti a Herind. & ro marbsat cóic mili dona {MS folio 310a 15} findgentib oc Snam Aignech. Tanic dano longes aile cora gaib i Ciarraigi. & ra hinnred leo co Lumnech. Ra hindred leo Cell Ita. & Imlech Ibair & Cassel na Rig. & Aired Cechtraige. & Líath Mo Chaemóc. I n-amsir Fedilmid meic Crimthainn darónad na huilcsin.
39455]

Ro brissetar forro oc Ess Ruaid. Ra brissetar dano cath forru {MS folio 310a 20} for Dergdeirc. Ra brissetar dano Dál Caiss cath forru for Dergdeirc. Ra brissetar dano Hú Neill cath aile forro oc Ard Breccain. Ra marbsat dano Hui Cholgan Saxalb iarla. Tuc dano Olchubar mac Cineda rig Cassil á forru. & Lorcan ri Lagen cath
39460] doib ac Sciath Nechtain dú i torchair tanaisi ríg Lochlann & da cet de maithib Lochlann inti.

{MS folio 310a 25} Ra thogaib dano in [...] Rigna forro Ra briss dano Mael


p.1323

{MS folio 310a} Sechnaill ri Temrach cath Caistail Glinne forro du i torchair secht cet. Ra briss dano Tigernach cath forro oc Daire Disirt da Chonna i
39465] torchair da fichet déc.

Ra briss dano Olchobor & Eoganacht cath forro ac Dun Maeli {MS folio 310a 30} Tuile dú i torchair cóic cét. Darochratar dano .ccclxuiii. la Hú Fidgenti. Darochratar dano .ccc. la Ciannacht beus i cind mis iar sain oc
39470] Raith Aldain

{MS folio 310a 35} Ra briss dano Mael Sechnaill cath forro oc Ráith Chomair Ra brissitar Ciarraige Luachra cath forro

Tanic ar sain Amlaib mac ríg Lochlann & longes gall Herend lanmor leis .i. sin dechmad bliadain re n-éc Mael Sechnaill. cora
39475] gaib rigi gall Herend & is leiss ra baded Conchobor mac Dondchada rigdomna Temrach. Is lesin longessain ra memaid cath Cluana {MS folio 310a 40} Daim forsna Desib. dú i torchair mathi na nDési uili. Is leo ra marbad mac Cindfaelad ri Muscraigi Bregoin. Et ra muchad Muchthigern mac Rechtabrad i n-uaim. Is leo ro marbad Mael Guala mac Dondgaile ri Casil {MS folio 310a 45} .i. a druim do brissed im chloich. Torcratar tra torcratar na sochaidesin ra firu Herend. & na toisigseo .i. Scolph & Ona & Tomrair & Turgeis. &c.


39485] Tanic iar sain Oisli mac rig Lochlann .i. longes lanmor aile & ra millesetsaide urmor Herend. Darochratar sain dano la feraib Herend. Darochair em Oisli & ui cetless la feraib i Mumain Iss isein {MS folio 310a 50} bliadain i torchair Colphin & longes Duni Medoin ac Cind Currig. ro bas ica marbad ac Cind Curraig.

O Cind Curraig co Less Mor & dorochadar [...] im Rechtabrat
39490] mac mBrain. Rachúaid dano Baethbarr iarla & sochaide de lucht in madma leis oc Ath Cliath iar sin. & ro baded ic Ath Cliath tre {MS folio 310a 55} mirbuili Ciaran & Aeda Scannail forsara batar i forbaisi.

Iss isin bliadain i torchair Tomrair iarla la Brenain Cluana Ferta. i cind tri la ar n-argain Cluana Ferta do Ra briss dano Aed
39495] {MS folio 310b} Findliath mac Neill cath forro du i torchair da fichet & ruc Aed a n-uili indmas & mathius.

Ra hindred dano Lagin & fir Muman la longes meic Amlaib iar tain {MS folio 310b 5} co rrochtatar Ciarraig conna fargsat uaim can telud. & ni farcsat ni o Lumneich co Corcaig can indriud. & ra locset Imlec hIbair. & ra
39500]


p.1324

{MS folio 310b} indredset na Desi descirt de muir. Ra indretar in lucht cetna Midi & Connacht co rancatar Corca mRuad & Leim Con Culaind. {MS folio 310b 10} Darochratar sain uile beos la feraib Herend. Ra cuired a n-ár dano oc Ath Cliath la Aed Findliath mac Neill acin fleid daringned la Aed da mac Ragnaill. i nAth Cliath. Ra chuirset féin dano cath
39505] {MS folio 310b 15} eturru .i. Findgenti & Dubgenti .i. Barith & mac Ragnaill. dú i torchair mac Ragnaill & sochaide imme. Ra gonad Barith and & ba baccach riam iar sain hé.

Ra hindarbait dano Dubgenti a Herind ar sain. & dochuatar i n-Albain. & ro brississet cath for feraib Alban. du i torchair
39510] Constantin mac Cinaeda ardri Alban & sochaide mor malle riss. {MS folio 310b 20} Is andsain ra maid in talam fo feraib Alban.

Bui im araile cumsanad d'feraib Herend fri .xvel. mbliadan can indred Gall .i. o ré Mael Sechnaill mac Mael Ruanaid cosin mbliadan re n-ec Flaind meic Mael Sechnaill & co gabail rigi do Niall Glundub
39515] Isin andsain ra maid in talam for feraib Alban.

{MS folio 310b 25} Tanic tra and longes lá Acond & la Cossa Nára co rragbaiset for Loch da Chaech co hindred Muma leo. Ra brissetar dano Ciarraige cath forro. dú i torchair Tomas Cin Grete. Ra brissetar dano Hu Fathaid {MS folio 310b 30} & Hú Oengusa cath aili forro. Ra brissitar dano Ciarraige &
39520] Eoganacht & Corco Duibni cath forro oc Lemain. du i torchair Roalt Putrall & .ccc. immi. & Smurull.

Tanic iar sain longess adbulmór clainne Ímair i nAth Cliath. Et ra hindred aurmór Herend leo. Ra milled ém leo Ard Macha Et ra brissetar cath for Fland mac Mael Sechnaill. dú i torchratar
39525] {MS folio 310b 35} Aed mac Conchobuir Et Lergus mac Crundmael epscop Cilli Dara. Et Dondchad Máel abb Delgga. in bliadain rapo marb Mael Sechnaill sain. Ra hairged dano & ra losced Less Mór sin bliadain chétna.

Ra harged Cluain Uama. Et ra marbad Fergal mac Finnachta {MS folio 310b 40} epscop & abb Cluana Úama. & Uanan Cerín in secnabb. Sin
39530] bliadainsin ro marbad Donnchad mac Duib da Bairend ri Cassil. Et Siugraid mac Imair ri Gall. Mór trá d'ulc daronsat Gaill i nHerind sin bliadainsin.

Tanic morchoblach la Ragnall mac Imair. & la hOttir iarla. co {MS folio 310b 45} rraigbaiset for Loch da Chaech. Ra marbad leo Domnall mac
39535] Dunchada rigdomna Casil. Et ra raindset & ra hindriset Hu Chairpri & Muscraigi eturru.


p.1325

{MS folio 310b} Ra scailset iar sain .i. a trian i Corcaig. Et a trian i nInis na hEidnigi. Et a trian for Glaslind. Ra hindred in Mumain lasin {MS folio 310b 50} longessin cona raba tene o Luí fodess. Is lasin longissin ra marbad
39540] Gebennach mac Aeda ri Hua Conaill Gabra & rucsat a chend leo. Unde

    1. Mór scel a De do nim
      a beith oc Thomair.

      39545] fégaid cend rig Gabra
      mind amra iarthair domain.

{MS folio 310b 55} Is leosom ro marbad Anle mac Cathain ri Uaithni Fidbaig amp Longsech mac Setna

Rachuatar i nAlbain iar tain. Et tucsat fir Alban cath dóib. & ra marbad and .i. Ragnall & Oittir
39550]