Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 42

{MS folio 294b 25} Incipit Bórama

ARdrí ro gab for Hérind .i. Túathal Techtmar mac Fiachach
37640] Findolaid meic Feradaig Findfechtnaig. Is é in Tuathalsain {MS folio 294b 30} ro gab Herind ar écin. Is leis ro marbad Ellim mac Conrach i cath Aichle i taeb Themrach. & ro bris cóic catha fichet for Ultaib. & a cóic fichet aile for Laigniu. & a .xxu. for firu Muman. & a. xxu. for Connachta. I ndígail sain marbtha a athar & a senatharsain
37645] {MS folio 294b 35} ro marbsat athechthúatha Herend. As is for athechthuathaib Herend ro bris Tuathal Techtmar na cathasa uile. Co ndessid i Temraig iar tain. & co ndernad feiss Temrach leis. Co tancatar fir Herend chucai feraib mnáib sceo maccaib & ingenaib.{MS folio 294b 40} & co tartsat ráth fris na n-uile ndúl. Na cossentaís ríge nHerend
37650] fris nach fria síl co brath. It íat inso ríg na cóiced batar acond feissin .i. Fergus Febail rí Ulad. Eogan mac Ailella Érand ri choicid Chon Rui. Eocho mac{MS folio 294b 45} Dáire rí chóicid Echach meic Luctai. Conrach mac Deirg rí Connacht. Eochu mac Echach Domlén for Lagnib.
37655] Bátar dano dá ingin gradacha la Túathal .i. Fithir & Dairine a n-anmand. Co tarat Eochu mac Echach Domlén rí Lagen in n-ingin{MS folio 294b 50} ba siniu .i. Fithir. ar níba gnáth sósar d'feiss i fiadnaisi sinsir in{MS folio 295a} tansin i nHerind. Dosrat iarum Eochu a mnaí leis co Ráith Immil i lLagnib. Dalta dil im do ríg Connacht ind ingensin Tuathail.
37606] Atbertatar im Lagin friss is ferr ind ingen ro fácbais. Conid iar sain {MS folio 295a 5} dochúaidsium fothúaid aridisi co Temraig co n-erbairt fri Tuathal. Marb ar se ind ingen rucusa lem. & ba hail lem th' ingensu aile do thabairt. Atrubairt im Tuathal da mbeth ar se ingen ar choícait acum doberthá duitsiu co tormalta ben díb.
37665] {MS folio 295a 10} Tucad dó iar sin ind ingen aile .i. Dárine. Dalta side dano do ríg Ulad. & dosrat leis co Ráith Immil áit i mbaí ind ingen aile ara cind. Amal atchondairc im Fithir Dárine atbail Fithir le náre fo chetóir. Amal atchondaircside éc a sethar atbail de chumaid.{MS folio 295a 15} Doringned iar sain a tanach na da ingen. Co n-aprad cách is garb
37670] in tonachsa. Conid aire rátir Garbthanach.


p.1269

{MS folio 295a} Ránic iar sain firindi in scéoilsin co Temraig co Tuathal. Rucad fiss{MS folio 295a 20} iar tain o Thuathal co ríg Connacht .i. co haite Fithirni. & co ríg Ulad .i. co haite IDáirine. Ra thinolsatsaide a slúagu leo co áit i mbaí Tuathal Tectmar. Ora chomraic im dóib i n-oeninud atbert
37675] Tuathal. Is mór ar se in t-écht doringni rí Lagen. bás mo dam ingen {MS folio 295a 25} do thuidecht trina cheilg. Is amlaid ra boí 'ca rád & doringni laíd.

    1. Fithir is Dáirine
      da ingin Tuathail turaig.
      marb Fithir do nárine

      37680] marb Dárine dá cumaid
    2. At aidbli na hécóra
      atberim ropa détla.
      at tromma na tuicthena.

      37685] a tabairt i ndáil n-éca.
    3. {MS folio 295a 30} D'oenlámnad ructhasom.
      da ingin Tuathail trétaig.
      at tréna na tuicthena
      in n-úair aile la hécaib.

    4. 37690] Fithir álaind inmálla
      ingen ardríg na Temra;
      rob í a tochmarc dingbála
      in ben dorat rí Berba.
    5. Má dorochair Dárine

      37695] ac rig Lagen do línib.
      {MS folio 295a 35} atbiursa ní máigine.
      is dimsa tic a dígail.
    6. Ma ra thuit m'ingenrad
      rádim rib ni rád clithi;

      37700] digéltar ar Lagnechaib
      arna laechaib a lLifi. F.


p.1270

{MS folio 295a} Iss ed trá ro ráidset Connachta na gébtais o Lagnib cen chath.{MS folio 295a 40} Iss ed a cétna ro ráidsetar Ulaid. Atrubairt im rí Herend ní laind lemsa ar se cath do thabairt do Laignib, & cid ed mad hí bar
37705] comairlisi téiged cách na chomair chucu. Ba hé im a llín uile .xxii. mili. Ro gabsat trá cóiced Connacht{MS folio 295a 45} rempu dar Gúalu co Nás co rragbaiset longphort and. Atraach- tatar im slúaig Tomrach im ríg nHerend dar Grafrend. dar Buaidgein. dar Rige. dar Mag Núadat co Nás. co ragbaiset longphort
37710] {MS folio 295a 50} and. Atraachtatar dano Ulaid dar Ésa. dar Odba dar Fithairt. {MS folio 295b } dar Foendruim co Lethduma & ro gabsat longphort and. Cengait im Lagin ina ndáil. Co fersat cath fri hUltu Co torchair and Fergus Febail rí Ulad & borbraige Ulad archena. Atraachtatar{MS folio 295b 5} na slúaig archena. & ra loscset Nás & Alind. Maistin & Raírind. &
37715] ro múrsetar Báirc mBresail. Báirc side feda nemchrínda doringned {MS folio 295b 10} ic Bresal Brathirchend ic ardríg in domain. Focengat Lagin ina ndáil .ix. mili a llín Lagen. Coro chuirset cath oc Ráith Immil frisi n-apar in Garbthanach indiu. Ro ferad cath fíchda amnas eturru. co rróemid for Lagnib uair niro damad fír comlaind dóib.{MS folio 295b 15} Ro marbad tra Eochu mac Echach Domlen ri Lagen 'sin chathsin.
37720] & fichi ríg. malle ris O thati fogmair co tati Samna do Leith Chuind ac indriud Lagen. Co ndernsat Lagin síd fa deóid ra Túathal .i. eraic a ingen{MS folio 295b 20} dó & ro fácaib rígi Lagen oc Erc mac Echach Domlén. Is í seo im inn éraic .i. tri choicait cét bó tri.l. c. mucc. Trí
37725] .l. c. lendbratt. Tri .l. c. slabrad argit. Tri .l. c. molt. Tri. l. c. coire uma. Cóire mór uma i téigtís da muic déc & dá ag dec i tech{MS folio 295b 25} Temrach fein. Tricha bó find óiderg co llóegaib a comdatha & co nascaib créduma & co mbuargib créduma & cona cóidib creduma
37730] fairsin anuas. Is desin ro cet.

    1. Tuathal Techtmar techta in talman
      {MS folio 295b 30} tictís co Tuathal dia thaig;
      deich cét do chathaib ro chuibsig
      cóic achaid Uisnig ro air.

    2. 37735] Is é Tuathal tall a cinnu
      dena cóicedaib cen chleith;
      is é doringne flesc láma
      {MS folio 295b 35} tinne dána tána eich.

    3. p.1271

    4. {MS folio 295b} Da ingin ac Tuathal Tectmar

      37740] cumma cenco ructaís lib;
      siniu a meicc 'nat a méra
      giliu 'nát néla do nim.
    5. Fithir is Dárine dondgel
      inniasat dúib immar bías.

      37745] da ingin ac Tuathal Tectmar
      {MS folio 295b 40} ba holc dúachad debtha in dias.
    6. Fithir fúair tochmarc i Temraig
      tennáil tigi Rossa Rúaid;
      Eochu mac Echach a hAlind

      37759] ba trebthach a ainim d'úail.
    7. Álaind in ben ben meic Echach
      {MS folio 295b 45} ingen Tuathail Taulcha Glaiss.
      curu briss a céile a connáil
      far sub Slébe Collain cais.

    8. 37755] Gebidsium remi cu Temraig
      taebgel Trusten nirba thúr.
      anaidsi thess ar Maig Mugna
      budiu na mess cumra a cúl.
    9. {MS folio 295b 50} O rosiacht in fersain Temraig.

      37700] {MS folio 296a} tilach i tomled mid medb.
      innisid a mnaí do mochéc
      ra boí for drochsét co derb.
    10. Ros frecair fírflaith fer funid
      atrubairt i Ráith Móir.

      37765] rot fia Dárine ni daidbir
      cu lámire d'falgib óir
    11. Tug leis a mnaí co Mastin
      máethnaediu Themra Da Thí;
      fuair sidéic a síair i slánti

      37770] do chriaid fir na báirci hí

    12. p.1272

    13. {MS folio 296a 5} Rop olc le sárgud a sethar
      imma céile niro cheil.
      Atbail noedenán de náire
      cóegeran oc Sláne sein.

    14. 37775] Mar atbath Dárine dondgel
      do décsin ar Fithir find.
      is dia cumaid is marb Fithir.
      uch ropo rithir in raind.
    15. {MS folio 296a 10} Nostic in sruithsain ria samain

      37780] sruth mná Nechtain cussin neim.
      ro bóe longphort accu i nAlmain
      cu taite samraid iar sain.
    16. Sirset in cóiced im Charman.
      o Charmun co Commur cass;

      37785] ní hénairt immar doringned
      ruc héraic a ingen ass.
    17. {MS folio 296a 15} Adbol inn eraic ra hérim
      innises fer brec nach beo.
      tri .l. cét bó cach bliadna

      37790] ba garit lán Liamna leo.
    18. Tri .l. c. slabrad n-argait
      álaind ro thaitnítis thall.
      is adbal & ni sáebgo
      slabrad cacha oenbó and.

    19. 37795] Tri .l.c. mucc no méttais
      i mmórchailtib i mbít luin.
      {MS folio 296a 20} tri .l.c. moltrad mongach
      nucun olc in chongab chruid.
    20. Tri .l. c. lendbratt Liffi

      37800] ligda lettais dara lár.
      tri .l. c. n-anart n-imda
      co ndath n-adarc mirrda mán.

    21. p.1273

    22. {MS folio 296a} Tri .l. c. core n-uma
      i mberbthea mid Maige Móein;

      37805] {MS folio 296a 25} molt ris mbenad ucht araile
      ba hé lucht in choire chóeim.
    23. Coire uma dib i Temraig
      dá muicc déc and sís 'ma sech.
      in da muicc déc nucu dírad

      37810] iss ed ro línad a leth.
    24. Cert comlin na mucsain d'aigib
      {MS folio 296a 30} iss ed nos tailled aice thall.
      is desin ba lán in caire
      docurthea ár aige and.

    25. 37815] O ré Thuathail dóib cá toboch.
      co ré Fínnachta na forc.
      da fichet ríg do chlaind Tuathail
      ros ben a bruachaib Bríg Molt. T.

{MS folio 296a 35} Dorochair tra Tuathal iar sain i nDál Araide i mMónai in
37820] Chathala Mál mac Rochride. iar forbu .x. mbliadan ar chet. & tricha bliadan díb dó i rríge nHerend.

Ro gab iar sain Mál mac Rochride ríge nHerend. & ruc in mboroma.{MS folio 296a 40} Rosfuc iar sain Feidlimid Rechtaid ó Choin Chorbb & ro marbad Cu Chorb la Feidlimid i cath.


37825] Rosfuc dano Cond mac Feidlimtheo iar n-ilchathaib.

Rosfuc Conaire cliamain Cuind.

{MS folio 296a 45} Rogab tra Art ríge nHerend & baí oc iarraid na borama & nis fuair cen chatha.

Rosfac Fergus Dubdétach oenbliadain.


37830] Rosfuc Cormac mac Airt.

Iar sain gabais Corpre Liphechair & ro boí ic tobuch na borroma for Lagnib. Iss ed im ro ráid Bressal Belach mac Fiachach Baccid nach tibred cen chath. Doringned íarum lerthinol Lethi Cuind{MS folio 296b 50} la Cairpre Liphechair. co Cnamross. i lLaignib.


p.1274


37835] {MS folio 296b} Ra tinólait dano Lagin connici in Garbthonaig. & ro iarfaig Bressal díb cinnaís dobéram in cath. & doringni laid.

    1. Denaid dún bar comairli
      a lucht in chóicid chnedaig.
      {MS folio 296b 5} apraid rind a roLagniu

      37840] in síd is lib vel in debaid.
    2. Nim chomlín in cathasa
      d'feraib na Herend uile.
      atmaim dúib in fathsa
      noco chelim ar duine.

    3. 37845] Sóid goí ar uathad sochaide
      acna feraib a Fanait.
      is nám i tuind rothuile
      {MS folio 296b 10} ríge neich ica namait.
    4. Is úanne na hécóra

      37850] is sind ro briss in cóemna;
      is aire 'sam etána.
      ni fess nach form bus ráena.
    5. A n-as ferr dot chomairlib
      a meicc Fiachach na tána.

      37855] airisem ri roLagnib.
      fiss úait co Find inn ága.
    6. {MS folio 296b 15} Fíanna Find co faebraige
      tinóil a meic na flatha;
      bít acut i n-oenbaile

      37860] remut i cend catha.
    7. Find fer álaind uirnide.
      isat ilerda a scéla;
      da tora Find Almaine
      armslaide ár sain dena. D.


p.1275

{MS folio 296b 20} Tiagar trá úait a Bresail ar mathi in cóicid d'indsaigid Find
37865] meic Cumaill. Niba nech aile ar Bressal acht me féin & bár mathisi lemm. Tanic iarom reme fodess co rRind Descirt. risi n-apar Rind Dubain Ailithir indiu. Áitt is rabi Find mac Cumaill. Ra fóchtait scéla
37870] {MS folio 296b 25} do ríg Lagen i tíg rígfenneda Herend .i. Find meic Cumaill. Ro innis iar sain in rí a ecomnarta. & ro ráid ni duthchu ar se dontí thicfa do dichur in chísa dochraidse de chóiciud Lagen. & is amlaid ro bai ca rád & doringni laid.

    1. A Find in n-érgi ri báig.

      37875] in bia & Lagin d'oenláim.
      {MS folio 296b 30} ma thici erig fer chath,
      ra primthuathaib na Temrach.
    2. In cualadais in cáin truimm;
      berair úain i lLeth Cuind;

      37880] trícha bó nór mile
      do búaib cáema comdine.
    3. In cualadaisiu Lagin.
      do thuttim i n-oenmagin
      nó'n cualadais fichit ríg

      37885] do thuttim trísin migním.
    4. {MS folio 296b 35} Or memais mo chride cain.
      acht mani diglorsa m'athair;
      mani imriu a úabur ard
      ar Corpriu Liphi lángarg

    5. 37890] Mairg triallas cen luing dar ler.
      mairg triallas a hard i n-isel;
      mairg bale bís ar da raind.
      mairg dobeir sar for saerchlaind.
    6. {MS folio 296b 40} A meic Cumaill aidble glond

      37895] geib immot is imthigeom;
      gebid bar n-armu co grind
      & éirgid a fían Find. A Find.


p.1276

{MS folio 296b} Ro erig iar sin Find & a fíann malle ris. & ro gabsat rompo & a llám chle ra Berbai co rRind Roiss Bruicc ós Berbai. Ro suid in
37900] {MS folio 296b 45} rígfénnid for drummain uasin russ. Atchonnaic sluag sírechtach sémide ina mbuidnib súas dochum nime & anuas. Cia sluag sút bar ind fían. Angil sin bar Find .i. teglach ríg nime & talman. & talcind ticfat i fus áit i failet na hangil út.{MS folio 296b 50} Batar im tri derbchomaltai d'Find issin baile .i. trí meicc
37905] {MS folio 297a} Fíacha meic Conga. Ba híat a n-anmandside .i. Mo Lling Lúath. Cellach Máel. & Bráen. Nirbo chían dóib and sin co faccatar chucu Mo Lling Lúath. Ica facsin do Find is and doringne in laíd seo

    1. {MS folio 297a 5} Mo Lling Lúath Cellach Bróen bil.
      tri meic Fiacha cosin neim.

      37910] Druim nDubglaisse i failet airm.
      níba úadib ainm fair sein.
    2. Doragat sunda dá n-éis.
      bid glan a séis immon ross.
      bo chichlet angil ó Día

      37915] niba lía dulli for doss.
    3. {MS folio 297a 10} Brénaind Birra Brenaind fáid.
      níba tláith ticfait in ross.
      daraga na ndíaid don glind.
      Mo Lling fáid co cétaib cros.

    4. 37920] Dia dom dítin Dia dom fis.
      Dia dom chomét d'iplib doss.
      co ragba ra hanmain Find
      tairngires Mo Lling sin ross.
    5. {MS folio 297a 15} Tellach Brenaind sin Druim.

      37925] in tellachsa tellach Find.
      in tres tellach as dech lem.
      tellach as ferr Teg Mo Lling. M.

Iar sain iarfaigis Mo Lling Lúath cid 'ma táncabair ille. Is and atbert Find. Ri Lagen tánic d'accaíne a imnid & a foréicne frind.
37930] {MS folio 297a 20} .i. Fir Herend im Charpre Liphechair do fúacra chatha fair vel do brith na bórrama. Is adlaic linni tochta i mbáig Laigen. Iss ed im ro ráid Mo Lling ra Find can tocht úaithed i cend ríg Herend co feraib{MS folio 297a 25} Herend imme. Is é im lín ro boí Find and sin coic cet déc rígféinned


p.1277

{MS folio 297a} & dechenbor ar fichet cach rígfenneda díbside. Ro ráid im Mo Lling
37935] Lúath ra Find. Airis acainni innocht & fogeba airigthi imda ced fata etar na hinadaib asa faeigbiter dobertar i n-oenbaile.

{MS folio 297a 30} Is amlaid ra boí ca acallaim & doringni laid.

    1. Rot fíasu i mBroccross
      a Find inn ága.
      mónaind na móna
      saill muicce Slánga.
    2. Dercain a dithruib

      37940] stáec thuirc na tuinne.
      {MS folio 297a 35} eóin Airir Lemna.
      iaich Berba bruinne.
    3. Fulocht Chind Tíre.
      íasc Inbir Feile.
      féoil daim Chnuicc Cláre.
      saill bruicc a Bérre.
    4. Cnoi a lLettraig Faelchon
      a Fid Daruba.
      sméra gne

      37945] Sléibe da Duma.
    5. Na hubla álli
      a fedaib Cua.
      {MS folio 297a 40} na háirni a hÉblind
      fid foenglind Fua.
    6. Suba a Sléib Bairchi
      rot bía co hálgen.
      léeig beca ar beraib.
      a fedaib Cáibden.
    7. Cóic cét rigfer

      37950] atát fót ríagail.
      tricha fer fálid
      cach oenfir d'fiannaib.
    8. Pill coilcthi clúime
      dúib cen choll ngeisse.
      {MS folio 297a 45} brothracha beca
      lepa cach deisse.
    9. Lepaid ard aíbind
      ratfiusa féine;
      comól ra slánte

      37955] fálte ra féile.
    10. Airis rit muntir
      a meic na flatha;
      ní maith rí úathed
      oc tabairt chatha.
    11. {MS folio 297a 50} Is comrac bidbad
      slúag Breg is Berba.
      atrochair thb athair
      ra cathaib Temra.

    12. p.1278

    13. {MS folio 297a} Na cethri chóicid

      37960] la Corpre núachar.
      {MS folio 297b} mairg bís cen brathair
      sóid goí for uathad.
    14. Dárine is Fithirt
      má fríth mór n-imned;
      is fuilled n-ága
      dála in da ingen.
    15. Eocho mac Echach.
      co cétaib dethach.
      {MS folio 297b 5} rab é in bidc rúanaid.

      37965] gním n-uabair nEchach.
    16. Tánic ra hEchaid
      a bith co húathad.
      trochair Eochaid
      sin chath ac Tuathal.
    17. Rici a less muntir
      sin maig immárach.
      da tí in Corpre
      bid é in gorgne glámach.
    18. {MS folio 297b 10} Airis ra Lagnib

      37970] ra láechraid mBerba.
      ná digis t'oenur
      i cend ríg Temra.
    19. Na bít it écmais
      t'fían álaind amra;
      nar thuitti i tétnais
      ac rígaib Banba.
    20. Fir Herend uile
      atát i n-óenmaig.
      is lór do chrúaidneim

      37975] aiged ra faebraib.
    21. {MS folio 297b 15} Fiss uait co Fíaca
      co fer na neme.
      fiss uait co hAgrúan
      co harmrúad nEne.
    22. Fiss uait co Díccoll
      co Druim de Chonar;
      fis úait i nAdar
      co Dond mac nDogar.
    23. Fiss úait co Cémán

      37980] co Crottaib Áne.
      {MS folio 297b 20} fiss co hAed mBoinne.
      fiss uait co Slánge.
    24. Is and atá Duban
      ac Druim Dóele.
      da mathib na féne
      Lugaid is Gáene.
    25. Is and ata Idland
      i nDún ós Leitter.
      is and atá Garad

      37985] isin glind i Cepten.

    26. p.1279

    27. {MS folio 297b} Bressal hua Baiscne
      do brathair féne.
      {MS folio 297b 25} Crimthand ard armrúad
      dithrabach déine.
    28. Mael Cruind a Cremchaill
      Máel Augra inn astair
      Flaithchius in gascid
      Cuán in chascair.
    29. Inmain ém sessiur

      37990] Garbdaire Daelgus.
      Miledán Úarguss
      Ethladán Óengus.
    30. {MS folio 297b 30} Gatal a Gatlaig.
      Bran o Thul Tuinne.
      Gúaire na háebe
      Dub Daele Duinne.
    31. Ferscar is Cara
      ticfait dot chobair.
      Ferdomon failech.

      37995] Cellach Cind Magair.
    32. Cúanu ó Chreicc Escne
      Fer úaine a hAidne.
      Dubróit Dubdola
      Fer Aba a hAilbe.
    33. {MS folio 297b 35} Imcían is Rúadchú.
      Nertach is Lía.
      triar tend dorat roa
      is ferr rot fia. Rot fiasu.


38000] Ra chomérig iar sain ind fian & ro léicsed da conaib. Dercais in {MS folio 297b 40} rígfennid fora chonaib & fora slúag & iss and atbert. Is conair chúan innocht Ross mBrocc. & dorigni in laid.

    1. Ross mBrocc indiu is conair chúan.
      romuir rúad etar da hall.

      38005] cian garit ticfait naím ind.
      bid Teg Mo Lling a hamm.
    2. Báethlaig mera nach mín céim.
      {MS folio 297b 45} cailig feda 'man fid ngluair.
      giugraind gergga cocrait gáir.

      38010] sám ra brocnait beith na úaim.
    3. Uanbach tond tarclaim ra hor.
      condál con fa chétaib cúan.
      rosbía talcind dar lind láin.
      focerdfet imme ar n-úair.

    4. p.1280


    5. 38015] {MS folio 297b 50} Gáir na Gairbe clithar fid.
      {MS folio 298a} maigre na srib súas do ráith.
      allgaire cúach mellach lind
      eicet cor find foscod tráid.
    6. Taídiu gríanach géntar leis.

      38020] beith ara greiss bid maith lem;
      cian garit ticfat naím ínn.
      Mo Ling ainm intí 's a cell.
    7. {MS folio 298a 5} Ar cúl ra doithnennán dían.
      ar n-aiged ra Slíab da Róen.

      38025] arráir dúin i Sléib dá Thorc.
      innocht co Ross mBrocc na mbróen.
    8. Foimsid a Núado dubnóin duind.
      dar tuind sruthra sále sing.
      i fíad Femin. i Fid Crott

      38030] {MS folio 298a 10} fácaib Ross mBrocc ná bí ind.
    9. Ébind lem réclam daim dein.
      resin féin i Fid da Dall.
      rémteán tuinne dar taíb cúain
      fogur essa uair ra hall.

    10. 38035] Ille alle da cét náem.
      doria don ráen co Ross mBrocc.
      {MS folio 298a 15} .lx. bliadan cethri chét
      co torset in port.
    11. Niba sind

      38040] dobéra in císsa co grind.
      níba cath níba crech.
      niba nech acht mad Mo Lling.
    12. Dofáeith lind.
      Fathaid tualaing comól grind

      38045] i ndígail meic Bresail báin.
      {MS folio 298a 20} dofaethsat flaithe Fáil find.

    13. p.1281

    14. {MS folio 298a} Glórach for Dubglaiss innocht.
      feraid folc Fid da Brón.
      nocon hi cheiles a tairm

      38050] sniges risin Gairb a glór.
    15. Glór na gáethi tresin sín.
      mar is déoin ra ríg na mbreth.
      in t-usce sís ina rám.
      {MS folio 298a 25} in sále anís immasech.

    16. 38055] Snigid snechta do cech róen.
      d'indaib cráeb a caillid cúan;
      atracht snechta d'ianaib Fáil.
      is ard gáir in mara múad.
    17. Enguba essa ra hail.

      38060] fuaim crotti Brain broscor niad.
      {MS folio 298a 30} caísecha Duib Dithruib déin.
      fodorddán Céin meic da rían.
    18. Comnuall na n-ela don tuind.
      esnad daim duind digrais band.

      38065] fodord féne ra fúaim sreb
      éngair ra gren gním nad gand.
    19. Bid adba caingen can chacht.
      {MS folio 298a 35} bid adba anngel 'man port.
      adba íath adba én mbec.

      38070] adba lecc ngér Ross na mBrocc. R.

Ro gabsat do rígbruidin Mo Lling lúaith. Ra córgit cách díb ar{MS folio 298a 40} míadaib & ar honórib. Ro cachainté ceóil corba chairchi ciúil uile in tegsain ón chúil co araile.

Bátar triar óclách i fiadnaise ind fenneda. ba ssed a n-anmand.
38075] Miledán. & Ethladán & Enan na húarbothi. Enán na húarbothi i mmedon eturru.

{MS folio 298a 45} Fís Enain sund for bóromai. Ba sed atchonnairc clerich ac affriund na fiadnaise co n-etaigib srebnaide sróldái impu & hé fein eturru ac denam ind affrind léo. Ba híat clerig batar and. Mo Lling{MS folio 298a 50} cona muntir iar tain. Ra érig iar sain Enan & ra fég imme in slúag.
38080]


p.1282

& bá hingnad leiss in slúag atchonnairc andside. Et doringne laíd.{MS folio 298b 50} & ro thairchan co ticfaitís clerig.

    1. Ross mBruicc bale buredach
      os tuind Berba bánglaine.

      38085] Talcind ina tromdámaib
      {MS folio 298b 5} contrebfat re thaíb;
      Bid é in t-inad ardúasal
      bid cend uide ailithrech
      i n-amsir na náem.

    2. 38090] Aille uathmar eidnenach
      inad na n-oss n-altaide
      ros bia Brénaind borrfadach
      atchonnarc im súan.
      gáir na Gairbe gainmige

      38095] ra tul tunne tulgurme
      {MS folio 298b 10} glend ailenach úar.
    3. Taidiu corach camlintech
      ba hur cairrggi cráebglassi
      doroset sund sochaide

      38100] da himthecht ar Día.
      da cét náem co nárglaine
      munter Comded cumachtaig
      Mo Lling lúam na fírinne
      cid fota daría.

    4. 38105] {MS folio 298b 15} Atchuala na haiffrenna
      atchondarc na saltracha
      na sreith táeb ra táeb.
      cromcind ataconnacsa
      cona crannaib cromcenna.

      38110] atchonnac na Talcenna
      taidbsiu na náeb.

    5. p.1283

    6. {MS folio 298b} Mo Lling luam na fírinne
      fáid Meic Maire mórglonnaig.
      {MS folio 298b 20} misse fora chomairge

      38115] co bráth o 'ndiu immach.
      beit clerig na comnaide
      úas altorib anglide.
      doraga fer foluamnach
      atúaid a mMaig Rath.

    7. 38120] Taige ardda airerda
      cruaidi & comnarta
      filet sund innocht.
      epscuip & ancharait
      uasail. & ailethraig

      38125] {MS folio 298b 25} dá n-éis i rRoss mBrocc. R.

Trí laa & tri aidchi d'Find cona féin isind inudsain. Co torachtatar fianna Herend as cech aird chuice. Tancatar uile rempo iar tain co Ráith Immil. risi n-apar in Garbthonach indiu.

{MS folio 298b 30} Is andsin ro iarfaig in rígfennid Find mac Cumail. Cáit sund ar
38130] se rapsat mairb na hingena triasa mberar in císsa a Laignib. Ro múnad dó iar sain in t-inad. Et dessid Find isind inudsin & doringne laid.

    1. Mor in gním daringned sund.
      {MS folio 298b 35} ma fuaratar fir forlund.

      38135] da ingin ríg Temrach túaid
      ropsat mairb and fri oenuair.
    2. Eocho mac Echach na nath.
      ranic reme tech Temrach;
      ropa chliamain ro baí than

      38140] do ríg Themra do Thuathal.
    3. Da ingin ic Tuathal trén.
      Fithirt is Dáirine atér;
      {MS folio 298b 40} Dárine is Fithirt cen ail.
      da ingin Tuathail Techtmair.

    4. p.1284


    5. 38145] {MS folio 298b} Tucad d'Eochaid Fithirt find.
      i Temraig os raenaib rind.
      ba roga nuachair cen ach
      ingen Tuathail na Temrach.
    6. Ceisid in rí ar Fithirt find.

      38150] ropa gním ecóir imgrind.
      nó co tuc Dárine lais.
      anall o Themraig thaebglais.
    7. {MS folio 298b 45} Mar dorocht Dárine dond.
      rop adbol in t-anforlond;

      38155] marb Fithirt de náre de.
      marb do chumaid Darine,
    8. Danither tanach co trén.
      i tig meic Echach Domlén.
      d'ingenaib in ríg co rath.

      38160] conid de atá Garbthonach.
    9. Rasoich Temraig fis in scéoil.
      ropa gním áigsech acbéoil.
      {MS folio 298b 50} tricha ar tri coícdaib ammaig.
      marba do mnáib da cumaid.

    10. 38165] {MS folio 299a} Ergit slúaig Ulad inn áig.
      & a n-ardrí d'óenláim;
      érgit slúaig Temrach na tlacht.
      & sluaig cóicid Connacht.
    11. Conrach mac Deirg ba trén smacht.

      38170] is é ropa ri Connacht;
      Fergus Febail fáth co ngail,
      is é ropo rí d'Ultaib.
    12. {MS folio 299a 5} Dalta ríg Connacht na cath
      rop hí Fithirt na primrath;

      38175] dalta ríg Ulad na n-ech.
      rop hi Dárine dondgel.

    13. p.1285

    14. {MS folio 299a} Rí Temrach dá mile déc.
      iss ed tanic sund ar sét;
      sé míle d'Ultaib cen ach.

      38180] se mile do sluag Connacht
    15. Comraicit i Temraig tréin
      immon ngním n-aigsech n-acbeil;
      {MS folio 299a 10} daniat comairle co mblad.
      la rig Temra la Tuathal.

    16. 38185] Is ferr lemsa na cath.
      atubairt rí na Temrach;
      ní háil dam cath co crúadi.
      do slúag Berba brattúani.
    17. Atubairt rí na Cruachna.

      38190] a aithesc febda fuachda;
      niba coma acht cath mór mer.
      gebat o rígraid Lagen.
    18. {MS folio 299a 15} Atrubairt rí na hEmna.
      a athesc fuachda febda;

      38195] conna gébad acht mad cath
      o Lagnib arna barach.
    19. Ro raid rí Temrach cen tár.
      athesc allata imlán.
      táet cach úaib ina chomair.

      38200] fo Lagnib in laechdolaid.
    20. Ro gabsat sluaig na Cruachna.
      {MS folio 299a 20} dar Gualu ba gnim fúachda.
      ráncatar Nás línaib nath

      38205] sin matain arna bárach.
    21. Ro gabsat sluaig na Temrach.
      dar Grafrend ba gním febda;
      dar Mag Múagend lith nad lac.
      dar sruth Rige dar Mag Nuadat.

    22. p.1286

    23. {MS folio 299a} Ro gabsat sluaig Ulad ré cách

      38210] dar Esa dar Odba ngnáth.
      dar Fithart cusna fonna
      dar faenlergaib Faendromma.
    24. {MS folio 299a 25} Cengait Lagin ina ndail.
      fó chomrepind fo chombáig;

      38215] coro thuitt Fergus fath nguba.
      arin leirg ós Lethduma.
    25. Innister do ríg Themra.
      mar dorochair rí Emna;
      iss ed atrubairt rí Breg.

      38220] is ascult ríg a munter.
    26. Loiscther Nás is Ailend án.
      loscther Maistiu milib dál;
      {MS folio 299a 30} loscther Roíriu ba rúad d'fuil.
      & múrther Barc Bresail.

    27. 38225] Gabsatar na sluaig iar sain.
      co ráncatar Ráith Immil;
      slúaig na Temra tolaib tlacht.
      & sluaig cóicid Connacht.
    28. Cengait Lagin ina ndáil.

      38230] da ríg Temra ba trénbáig;
      coro fersatar cath crúaid.
      ra Ráith nImmil anairtúaid.
    29. {MS folio 299a 35} Tinól Lagen lathar nglé
      coic mile is cethri mile;

      38235] .xii. mile mor ind neim.
      is .ui. mile na n-aigid.
    30. Brister ar Laignib na llong.
      úair fuaratar ecomlond;
      marbthair rí Lagen sin chath.

      38240] & térnaid ri Temrach.

    31. p.1287

    32. {MS folio 299a} Impáid rí Temrach fathúaid.
      co riacht Temraig in tromslúaig;
      iar marbad in fichet ríg.
      {MS folio 299a 40} ruc leis éraic cen imsním.

    33. 38245] Trícha bó findfergga.
      bat imlána oídergga;
      noí míle bó do ríg Breg
      i n-eraicc a da ingen.
    34. A trian isin Temuir truim.

      38250] is amlaid rainnit Leth Cuind;
      a trian i nEmain cen acht.
      a trían i Cruachain Connacht.
    35. {MS folio 299a 45} Mór de rígaib tiar & tair.
      ras teclaim co Temraig;

      38255] in tsechtmad bliadain ba brón
      is and berair in chain mór. M.

Bátar iarum ind fían in n-aidchisin ocin Garbthonaig. Ra eirgiset i mmucha arnabárach i comdail ríg Lagen. Tancatar trá tromlach{MS folio 299b 50} na féinne & tromlach cuicid Galián & tucsat a n-aigid i n-óenfecht
38260] for Leth Cuind. Is and im bátarside oc Cnamross. Ro cuired cáth crúaid combágach comramach eturru leith for leth. Araísin niro{MS folio 299b 5} fulangair do Leith Cuind co roemid forru. & coro marbait noí mile díb im thrí maccu Cairpri Liphecair .i. Eochaid & Eochaid Domlén & Fiachu Roptene. Dia n-ebrad.

    1. In cath ac Cnámros ni chelam

      38265] coscrad síde.
      {MS folio 299a 10} im thrí rígu docerddatar and
      tri trí míle.

Ni rucad tra in bóroma iar sain a lLaignib. Coro marbait in trícha rígingen & cet n-ingen im cach n-óeningin i Temraig la Dunlang mac Ennai Níad. dia mbaí in Chloenferta i Temraig. Coro
38270] {MS folio 299a 15} athsnaidmed in bórama doridisi for Lagnib.

Is mór cath tra ro fersat Lagin o sein mán mbóroma coro gab Laegaire mac Néil ríge nHerend. & it é inso na cathasin. & na échta{MS folio 299a 20} .i. Cath Maige Nuadatr ia mBresal mBélach béus Cath Cruachain


p.1288

{MS folio 299b} Chloenta ria Labraid for Eochaid Mugmedoin. Da chath déc ro
38275] bris Enna for Niall Noígiallach. Marbad dano Néill Noígiallaig ac Muir nIcht la Eochaid mac Ennai.{MS folio 299b 25} Gabais iar sain Loegaire mac Néill ríge nHerend. & tinolis Leth Cuind leis do thobuch na bóroma. & tic ar sluagud i lLaignib. Is é ba rí Lagen in tansin Enna Cendselach mac Labrada meic
38280] Bresail Belaig. Tinolait iarum Lagin im Enna. & toberat cath do {MS folio 299b 30} Loegaire .i. cath Atha Dara for Berba. Maidid and for Loegaire & mairbthair dergár Leithe Cuind and & tinoaliter a cind co ndernad carn díb ar brú na Berba i mMaig Ailbe.{MS folio 299b 35} Irgabthair dano Loegaire mac Neill féin and. Ro gell dano na
38285] tobechad tri bithu in mborama & a anacul. Dorat iarum ráthachas na ndúl dara chend na ticfad da toboch tria bithu i lLaigniu. amp iss ed ón nara chomaill. Uair thanicsium i cind da bliadan co lleith{MS folio 299b 40} coro gab bú oc Síd Nechtain. Conid airesin tucsat na dúle dáil báis do Loegaire i taeb Chasse. .i. talam da slucud & grian da loscud
38390] & gaeth do dula uad. Is desin rátir.

    1. Atbath Loegaire mac Neil
      i taeb Chaisse glass a tír
      {MS folio 299b 45} dúle Dé dars tanic dáil
      rucsat dáil báis forsin ríg.


38295] Ro gab Ailill Molt mac Da Thí rígi nHerend iar sain & tobgid in mbórama. It iatso dano na catha ro brissiset Lagin for Ailill Molt{MS folio 299b 50} & forsna rigaib aile ro gab i ndegaid Ailella Muilt co Aed mac{MS folio 300a} Ainmerech. Cath Luachra Breg. Cath Dumai Achir. Cath Ocha. for Ailill Molt in sin. Isin chath dedenach dorochair Ailill Molt la
38300] Crimthand mac Ennai. Cath Granni. Cath Tortan. Cath Dromma {MS folio 300a 5} Ladgaind. Cath Breg Ele. Cath Fremand Mide. re Falge Rot mac Cathair. Oct catha fichet re mac nDunlainge tre brethir mBrigte. Cath Maige Ochtair for Lugaid mac Loegairi. Cath Dromma da Maige.
38305] {MS folio 300a 10} Cath Dúin Másc. Cath Ocha ala chath. Cath Slabri. Cath Chind Srathi. Cath Findabrach ria nAilill mac nDunlainge. Cath ria corp Illadan. Cath Dromma Loegaire ria nOengus & Fergus dá mac Crimthaind meic Ennai for Diarmait mac Cerbaill.{MS folio 300a 15} Cia no thobgítis tra na ríg no gebtís Themraig in mborama is
38310] sochaide díb nach bered cen chath.


p.1289

{MS folio 300a} Gabais Aed mac Ainmerech rígi nHerend. It íat so meic Aeda. .i. Domnall & Mael Coba clerech. Gabrán & Cummascach. Tánic in Cummascachsin d'acallaim a athar. & iss ed ro ráde fris. Ba{MS folio 300a 20} hadlaic damsa saerchuairt maccáemnachta Herend do denam. &
38315] biaid ben cach ríg i nHerind aidche acum. Tanic iarum Cummascach reme for saerchuairt na Herend co toracht dar Rige anall ar ammus{MS folio 300a 25} Lagen cethri catha a lín. Is é ba rí Lagen in tansin Brandub mac Echach meic Muridaig meic Oengusa Brugaig meic Feidlimtheo meic Ennai Chendselaig. Ra innised iarum do Brandub mac ríg
38320] Herend da innaigid ar saerchúairt. Atbert Brandub tiagar ar se na {MS folio 300a 30} n-agid & apar friu cona filimse and. acht dochúadus i mBretnaib do thobuch císa & cána. Acus dentar a coindmed ó Boind co hIndeoin & marbad cách a chonnim. & ticed Cummascach féin chucumsa co{MS folio 300a 35} tri chet mac ríg imme. & dobérsa mo mnaí dó amal doratsat ríg
38325] na cóiced archena. Doringned tra in condmed. & doriacht in cethramad cath díb co tech mBranduib co Belach nDubthaire risi n-apar Belach Conglais{MS folio 300a 40} indiu. Dessid iarum Cummascach for erlaind in baile. Tancas da frestul. & doratait íat uile i n-oentech. Isind lósin tánic M'Oedóc hua Dunlainge d'indsaigid Branduib &
38330] {MS folio 300a 45} aisceda leis .i. aél. & coire. & scíath. & claidem. Baí aca tespénad don ríg. & doringni laíd mbic.

    1. Failet sund aisceda ríg.
      a meic Echach cen imsním;

      38335] aél co mbennaib braine.
      sciath is chlaidem. is chaire.
    2. In t-aél a llus in bíd.
      iss ed as chubaid ra hardríg.
      {MS folio 300a 50} in coire do bruith na n-om.

      38340] ra orddaig Crist in comgor.
    3. {MS folio 300b} In sciath ra hucht in chatha.
      i n-agid na n-anflatha.
      in claideb do chlód na cath.
      bíd acut a meic Echach.

    4. 38345] Condlaíd cerd Brigti ní chel.
      is é doringni in n-aél.
      Grésach doringne in caire
      do mac Néill do Láegaire

    5. p.1290

    6. {MS folio 300b 5} Claideb Crimthaind scíath Ennai.

      38350] is uaimse darogébai
      aél meic ind éicis find.
      Coire Dubthaig ó Duiblind.
    7. Dorat Laegaire na lend
      do Dubthach d'ollom Herend.

      38355] Dorat Dubthach dían a gal.
      d'Fíac do mac a sethar.
    8. {MS folio 300b 10} Tuc Fíac do Dunlang don reimm.
      dorat Dunlang é do Ailill.
      Dorat Ailill damsa iar sain

      38360] dosbiurtsa duitsiu a Branduib.
    9. Mathi na cruid beri latt.
      aél is chore comnart;
      claideb Crimthaind arnat chuir.
      {MS folio 300b 15} scíath Ennai is comderg ra fuil.

    10. 38365] Is messi M'Aedóc na mmed.
      tussu Brandub rí Lagen;
      missi ac crábud 'sa comaid.
      tussu ic éirge ra folaid. F.

Timnais M'Aedóc celebrad iar tain do Brandub. & daní na briathra
38370] becasa.

    1. {MS folio 300b 20} M'aél trébend torcbálach.
      tucad lem do Brandub borbdálach.
      mo chore dron dergdualach.
      tucad uaim do mac Echlach ardbuadach.

      38375] cet tinne rofíala.
      talla and fri béim n-aéla. M.

Imthigis M'Aedóc iar tain.

{MS folio 300b 25} Ro gab dano Brandub étach mogad imme. & ro gairm Oengus mac Airmedaig ríg Hua Falge chuce. & atbert fris. Érgem ar se &
38380] cuirem in coire út bar tenid & línam é do muccaib & do martaib. {MS folio 300b 30} Ra tócbad leó iarum in core for tenid & ro linad do thorcaib & do martaib hé Ro hatád torc trichemrúad mórtheined imme coro mberbastar.


p.1291

{MS folio 300b} Ba handsin ro ráid mac ríg Herend. Cáit ar se atá ben Branduib.
38385] {MS folio 300b 35} Docúas ar cend na rígna úad. Tanic in rigan da acallaim & ra fer falti ri mac ríg Herend. Tabair ar si ascid damsa úait. Cia ascid connaigi ar mac ríg Herend. Ni handsa ar si. Dál damsa ar si cen m'astúd co táir dom raind don tsluag & coro chennagur m'einech{MS folio 300b 40} úadib. Doratad ém disi inn ascidsin. & ro imthig rempe iar sain co
38390] rránic clithar díamair Dúne Buchet. & facbais in mbale uile. Ba handsin tánic Glasdám cáinte meic ríg Herend cona nónbor{MS folio 300b 45} cáinte imme. d'iarraid airigthi barsna luchtairib. Atbert Brandub ris in tú féin dobéra béim n-aéoil dait no in messi. Iss ed atbert in cáinte tabairsiu ar se. Dorat im Brandub in n-aél sin coire & dobert{MS folio 300b 50} noí n-aisle d'óenbéimmum anís. Atnaig in cáinte. ica fégad. Dar
38395] {MS folio 301a} a brethir ar se bar in cáinte ní tidnacul mogad acht tidnacul ríg. & ruc leis co rici in tech i rrabi mac in ríg. & iss ed a cétna ro ráidside. Iss in tansin atbert Brandub ra Óengus mac nAirmedaig. líntar{MS folio 301a 5} ar se bara acaind & berar do mac ríg Herend. Daringned trá
38400] amlaidsin. & ra thócbatar na da ríg forru in bara. .i. Brandub & Oengus. & dosberat sláet de i fiadnaisse meic ríg Herend. & tancatar{MS folio 301a 10} rempo immach & ro iadsatar in rígcomlai móir in rigthaigi dara n-éisi. Uair baí nert nónbair in cach fir díb. Doratait cethri tenti iar sain sin teg .i. tene cacha slessa. Ocus
38405] is andsin ro ráid Cummascach. Cia gabas in teg foraind. Messe ar Brandub. Ba handsin atrubairt Glasdám cáinte. na déntar mebul{MS folio 301a 15} formsa ar se uair ro chathius do bíad. Ni dingentar ar Brandub. Dring risin tech ar se & ling dar féice in tige & ling dar barr na lasrach immach. & bid slán duit úainne. Atchluiniu sút a Chummascaig ar{MS folio 301a 20} in cáinte. Geib m'étachsa immut ar in cáinte & eirc immach.
38110] Rachuaid iarum Cummascach fón innassain immach. & ro brissed co mór. Ro gab reme iar tain co hanfand co Mónaid Cummascaig i cind faichte Chilli Rannairech. Ba hand sin dorala chuice Lóchine{MS folio 301a 25} Lond sen Hua Lonáin airchinnech Cille Rannairech. & benais a
38415] chend de iarna slonnud dó & ruc leis in cend co airm i mbaí Brandub & ro thaspén dó in cend. Conid airesin doratad saíre do Chill Rannairech. Iss in tansin tánic epscop Áedain da n-insaigid .i. epscop Glinni{MS folio 301a 30} da Locha. Ba mac mátharsede do Áed mac Ainmerech. Iss ed ro
38420] ráid in clérech. At móra ar se na hechtaso doringsid. Cia forsa


p.1292

{MS folio 301a} ndígéltar iat ar Brandub. Ro recart in clerech is cet lim ar se cid for mac mo mathar .i. for Aed mac Ainmerech. & doringni laid.

  1. Guidim Comdid cumachtach
    comsid Cille Rannairech. &c.


38425] {MS folio 301a 35} alibi in hoc libro scripsimus. Iss ed ro ráid epscop Aedain ra Brandub. Tiagar úait co hAilech co tech Aeda meic Ainmerech & innister dó a mac do marbad. Conid and atbert Brandub. Cuirfiter ar se. & doringni laid.

    1. Tiagat techta úain co hAilech

      38430] co rig nHerend n-irradach;
      {MS folio 301a 40} inniset do ríg in tochair
      mar dorochair Cummascach.
    2. Rop í in choinnem nemnech námat
      mac in dagríg deoradaig;

      38435] is ed tánic ar sét
      tri .xx. cét d'Eoganchaib.
    3. Doberthe chuice na lepaid
      do mac ríg na Samúaire;
      ben cach ardríg fúair i nHére

      38440] do ríg Erne aduaire.
    4. {MS folio 301a 45} Téiged Munchorach is Murchad
      co teg Aeda degfledaig;
      teiged Cíar Caille & Daelgus
      is Oengus mac Airmedaig.

    5. 38445] Inniset ar colbo Ailig
      in dáil imma tíagatsom;
      & na léicet sech láim
      in mbáig imma tiagatsom. T.

{MS folio 301a 50} Dollotar iarum na techta fothúaid co ráncatar Ailech. Ro iarfaig{MS folio 301b} rí Herend scéla díb. Iss amlaid ro baí in rí & corn na laim ac ól
38450] meda. Iss ed ro raidset na techta. na scéla filet acaind ní innisfem


p.1293

{MS folio 301b} íat cen lóg. Ac seo in cornso dúib bar Áed. Conid desin atá Corn{MS folio 301b 5} Lagen i nAiliuch. Ro innisetar a scéla íar sain. Ro marbad ar síat do macsu & ár a muntire acaind. Atchualamarni chena na scélasin.
38455] & araí rosessidsi imslán. & daroisemni inbar ndegaidsi ar se atchichisti.{MS folio 301b 10} Tancatar na techtai rempo atuaid iar sain co torachtatar bail i rraba Brandub. & ro innisetar dó dál ríg Herend i lLaigniu do dígail a meic.
38460] Doringned tra lerthinol Lethi Cuind la Aed mac Ainmerech. & {MS folio 301b 15} tancatar rempo co Rigi. Ra innised do Brandub fir Herend do bith ac Rige. Is and dano baí Brandub in tansin ac Scadairc i ndesciurt Hua Cendselaig. & tanic reime fathúaid dar Muntech dar Munichin{MS folio 301b 20} dar Dáimne. dar Etar dar Ardchaillid dar Ard mBresta dar Slampaaline
38465] dar Fé i mBelach nDubthaire. risi n-apar Belach Conglaise. coa dún féin. Is andsin tánic epscop Aedáin d'innsaigid Branduib. Scéla lat a chlerig ar Brandub. Leth Cuind ic Baeth Eba ic Dún Búacci ar{MS folio 301b 25} epscop Aedáin ar ngabáil dúnaid & longphuirt leo and.
38470] Imthigsiu a chlérig ar se Brandub do insaigid meic do máthar .i co Áed mac Ainmerech. & íarr fossad fair dún. co toirset ar slóig cucuind. & fogeba síd vel debaid iar sain.{MS folio 301b 30} Rochúaid in clerech reime iar sain co pupaill ríg Herend. & ro ferad failte friss. Ro iarfaigit scéla de. Iss ed ro ráid in clerech.
38475] Brandub do bith ac Ráith Branduib forin tSláne. {MS folio 301b 35} Cid 'ma tacsu ar Aed. Do chungid fossaid fortsu ra síd vel ra debaid ar in clerech. Ni fuigbesu in fossadsin ar Áed coro benta do láim dona trí ballaib filet acut da ndéine do chlaind. Oclaigthir in clerech andside & atbert maram fitirsea Día ar se
38480] {MS folio 301b 40} co tuca sod meic thíre na trí baill filet acutsu conice in taulaig út tall. & ba fír ón. Conid desin dogairther Tréball o Sein ille. Ra érig iar sain rí Herend & ro gab recht hé & ra érgiset fir Herend.{MS folio 301b 45} & tancatar rempo. & epscop Áedáin léo. Rancatar iar sain co Belach Dúin Bolg. Ro iarfaig in rí ca ainm in belaigsea. Belach Dúin
38485] {MS folio 301b 50} Bolg sain. Ciata builg itir ón ar in rí Boilg lóin fer nHerend faicfiter and innocht ac Laignib ar in clerech.{MS folio 302a} Ráncatar iar sain conici in Licc. Ro iarfaig in rí ca hainm na glasslicci móri seo. Lecc Commairt Chnáma sin ar in clerech. Cáta cnáma itir ón ar in rí Uair is furri brisfiter do chnámasu &
38490] {MS folio 302a 5} benfaider do chend ditsu innocht ar in clerech. Rancatar rempo co Bernaid na Scíath. Cia hainm na bernadsa ar


p.1294

{MS folio 302a} in rí Berna na Scíath sain ar in clerech. Cáta scéith itir ón ar in rí Scéith Conaill & Eogain faicebtair and innocht.{MS folio 302a 10} Luidset fir Herend darin mbernaidsin. & gabsatar fir Herend
38495] dúnad & longphort andsin. Gabais epscop Aedáin remi co dú i mbaí Brandub. Ro iarfacht Brandub scéla dó Atbert in clerech fir Herend do gabail longphuirt ac Cill Bélat. & ro ráid na fúair féin honóir.{MS folio 302a 15} Is and atbert Brandub. Cade do chomairli dún a chlerig. Ni
38300] handsa, ar epscop Aedáin. Tuimther rigcaindell romór acut i clud na ráthaso ammuig. & tabar chucut tri chét sesrech & da dam déc{MS folio 302a 20} in cach Sesserig. & curter cléib gela forthib. & óclaíg imda isna clíabaibsin & tuigi ósa cennaib. & bíad forsin tuigi anúas. Tabraiter cucut tri .l. ech anríata & cenglaiter builg ina n-erblib & línaiter na
38505] {MS folio 302a 25} builgsin do minchlochaib do chor scéoin for graigib Herend. Bíd in chaindel mór út remut & in rígcoiri 'ma cend. co rois medón longphuirt fer nHerend. Cuir techta in n-airetsin d'innaigid rig Herend & apar riss co mberthar biad Lagen dó innocht. Doringned in chomairlisin la Brandub.
38510] {MS folio 302a 30} In n-airet robas immesin atbert Brandub. Is ferr damsa féin ar se dúl d'fegad in tSlúaig. & tairsiu lim a chlerig. Ragat bar in clerech. Tanic iar sain Brandub sé fichit óclách & óenech leo .i. ech ac{MS folio 302a 35} Brandub. & luid in clerech ina charput leo óta sin co ráncatar lettaeb Sída Nechtain. Dercais in clerech úad sís barin longphort. &
38515] atchonnairc amal elta ilerda cacha datha cen gluasacht os chind in longphuirt. Iarfaigis in clerech. cáta helta ilerda ataciam. Merggeda{MS folio 302a 40} fer nHerend sin ar Brandub ar slattaib & ar gáib úas bothaib fer nHerend. Conid and atbert in clerech na runnusa.

    1. Itchíusa na merggi
      is mana catha.
      mar bít éoin ar luamain

      38520] co ndeilb cach datha.
    2. Mairg táinic a turus
      Hua Neill asa taigib
      {MS folio 302a 45} bid gním co ngonaib.
      dathaeth rigrad Ailig.
    3. Noco n-assa a n-árim
      gním Lagen ard unchaig;
      dara thuit da ndebthaib
      Ailill mór mac Crimthain
    4. Cid Crimthan a athair

      38525] re táeb Ennai Aignig.
      nocorbo gním dochair
      dorochair ic Laignib.

    5. p.1295

    6. {MS folio 302a 50} Nocorb assa a n-árim
      gním Lagen ard amra;
      {MS folio 302b} dar chuirset a Temraig
      Cond Cetchathach calma.
    7. Mairg benas ra Brandub.
      borrfad mara romra;
      ra fínscoith na Temra.

      38530] ra bile n-ard nOdba.
    8. Is aice darochair
      Fíngin flaith na Muman;
      {MS folio 302b 5} is aice darochair
      Mael Mada & Mael Mudach.
    9. Is aice dorochair.
      Írladach mac Cobthaig;
      is aice dorochair
      Flannacan mac Dondchaid.
    10. Dobarficfa imbárach

      38535] in t-ardrí gatbíusa;
      bid comraicthe flatha.
      d'fis in chatha atchíusa. It.

{MS folio 302b 10} Imthigis epscop Áedain úadib da chill féin. Co nfacca iar sain Brandub in slíab lán do maccaemaib. & is iat maccaími bátar and maccáeme Ulad. Im Diarmait mac Aeda Róin. Tancatar meic ríg
38540] {MS folio 302b 15} Lagen & teglach Branduib na timchell & ro gabait ar bragtib iat. Cia sib ar síat. Macrad Ulad sinn ar siat 'ma mac ríg Ulad. Ro innised sin do Ultaib. Ra érgiset iar sain Ulaid .i. sect cét & uii. mili a llín. eter laech & clerech. Rancatar i comaichraib do Brandub. & ro{MS folio 302b 20} ráidsetar. cid 'ma ragbais ar maccu ar siat. Do gait bar n-eceng
38545] catha dímsa ar Brandub. Gettair dítsu co bráth bar rí Ulad. & dogentar cró cotaig & oentad etraind. & iss ed son ro tairngered tria aslingi Conchobuir meic Fachtna. & ro innis rí Ulad in t-aislingi & atbert.

    1. {MS folio 302b 25} Atchonnarc aslingthi n-ingnad
      da mbá im súan.
      in fitir nech úaib a fidrad

      38550] issin tSlúag.
    2. Atchonnaccus dabaich nglaine
      co néim n-óir;
      acum ar certlár mo thaige
      ic Brega ic Bóinn.
    3. Trian na dabcha d'fuilib dóene
      ingnad dál;
      {MS folio 302b 30} ni rabi acht oentrian do lemnacht
      ara lár.
    4. Trían aile ba fín forclid

      38555] ingnad lemm;
      daíne cromcenna ros timchell
      dar Muir Mend.
    5. Lagin uile ciarsat ile
      línib glond;
      tucussa dóib serc mo chride
      & mo chond. At.


p.1296

{MS folio 302b 35} Atchondairc iarum Conchobor in n-aslingthesin. & is amlaid atchonnaic Lagin & Ulaid 'mán dabaig ica hól. & rofetarsa ar se
38560] is é in cottach ro tairngered andsin. Uair is í ind fuil atchess issin{MS folio 302b 40} dabaich fuil na da cóiced i comrac. Is é in lemnacht in chanóin chomdeta chanait clerig na da choiced. Is é in fín corp Crist & a fuil edprait na clérig. & baí cá mínigud amlaidsin. & doringni laid.

    1. Dénaid dún ar cotach.

      38565] rop cotach tri bithu.
      risna fedaib fína.
      risna rígu a lLifiu.
    2. {MS folio 302b 45} Brigit aca chomét
      M'Aedóc o Dún Inne.
      Mo Lling thes na Táeden.
      Abbán. Caemgen Glinne.
    3. Epscop Sinchean sochla
      Mo Chalmóc on Chaba;
      is Mo Biu na rográd.

      38570] Comgall Colman Ela.
    4. A lucht na da chóiced
      clothaige in bar scélaib.
      {MS folio 302b 50} narap dál bas sía.
      ra taíb día denaid. D.

{MS folio 303a} Dessetar naím Lagen & Ulad 'sin tSléib iar sain. & doniat a cotach cen taithmech tria bithu.
38575] Atbert Brandub iar sain ri ríg. deligud longphuirt ra ríg Herend. Cindas ra fétfamni ón bar rí Ulad. ni handsa. ar Brandub. Gebidsi{MS folio 303a 5} longphort ar se bail ata longphort rig Herend. Dogentar debaid rib. & na fuilngidsi hí & deligid friu amlaid. Doringset Ulaid amal atbert Brandub friu. Atractatar Conall &
38580] Eogan cucu. & ro marb da cét díb resiu tarnaic a n-etráin. {MS folio 303a 10} Dosluíset Ulaid assede co hInis Ulad. & ro chlaidset clad impu inti da slegaib. & ro churset a n-eochu eturru & Dangen na Móna. Ra impa doridisi epscop Aedain ar ammus Branduib. & iss ed{MS folio 303a 15} ro raide. Mór ám ar se in dímiad tuc mac mo mathar damsa. i.
38585] Aed mac Ainmerech. & digélaid Dia fair & doringni in randsa.

    1. Lussán Aeda meic Ainmerech
      faicebthair ic Laignib in líagmaire.
      Béraid fíach cíar ara úlind
      co Cill Culind siaramain.


39590] {MS folio 303a 20} Tuitfid ónd fíach é for faidche Chille Culind. & dogenat macrad Cilli Culind liathróit de. co cend.uii. mbliadan. Doroiset scol Cille Dara & gétaid fer díb in liathróitsin. Dogenaside sprédaire de & biaid aice co cend.uii. mbliadan aile. Doroset scol Cluana mór{MS folio 303a 25} M'Aedóc co Cill Dara & getaid fer dibside in spredairesin & ni


p.1297

{MS folio 303a} faccimse a díl o sein immach. In slíabso im i ndernad. in cotach. bud
38595] Sliab in Chotaig a ainm o sunn immach. & Sliab Nechtain a ainm conici seo. Imthigid in clerech iar tain. Gabais im Brandub fora oeneoch d'iarraid chomlaind ar feraib{MS folio 303a 30} Herend. Is é tánic da indsaigid o feraib Herend. Blátach toesech
38600] scuir ríg Herend. & ech ríg Herend fóe. Amlaid im baí Blatach is é nemnech námtidi. ni theilged urchor imraill. Araísin tra nira gaib{MS folio 303a 35} greim dósom sain. Ar dofuitt la Brandub & ro ben a chend de for Ath Blatachta. frisi n-apar Ath mBlathcha indiu. Luid Brandub iar sain aithle in choscairsin & ech ríg Herend leis.
38605] Tinolaiter iar sain a damrada chuce & a grega amal ra forcan epscop Aedáin. Is and atbert Brandub. In fagbaim ar se nech no digsed {MS folio 303a 40} do brath in longphuirt & in ríg. & no beth and arar cind co rosmís. & rosbia coma airesin .i. Rosbia nem ó chlerchib Lagen da marbthar. Da térna dano rosbia a thúath féin saer. & mo chubrendsa féin dó & d'fir a inaid. Tucait cuir rissin.
38610] {MS folio 303a 45} Ragatsa and ar Rón Cerr mac Dubanáig meic ríg Hua Máil. Tabar dano ar se fuil laeig & táes secail dam coro commilter dam. Tabar cochull forcrach & tíag. Doringned amlaidsin. co rraibe amal{MS folio 303a 50} cach lobor. Tucad coss chraind dó ra chuir a glún na gibis. Luid reime fón innasain & claideb aice fó etuch. co dú i r
38615] {MS folio 303b} rabatar mathe Herend i ndorus pupla Aeda meic Ainmerech. Ro iarfaigit scéla de & ba sed ro ráde a thuidecht o Chill Belat.{MS folio 303b 5} Dochúadus do longphort Lagen ó matin. & tancas dar m éis & ro lotted mo both & mo bró & mo rúamor & m'eclas. xx. lilgach úaimse 'na n-ícsain ar rí Herend. dia térnúrsa don tsluagudsa. & eirgg
38620] innund sin pupaill & inad nonbair duit and. & dechmad mo{MS folio 303b 10} chuibrindsea & mírenna in teglaig. Cid dogniat Lagin ar in rí Atát ac irlamagud bíd duibsi. & ní fuarabairsi riam biad damba sathchu sib. Atát ac bruith a mucc & a mart. & a tinne.
38625] Mallacht da chind bar cenel Eogain & Conaill. Da súil churad i {MS folio 303b 15} cind in chlaim atascím ar in rí Mairg duitsiu do menma ra rígi nHerend masa rem súlibse gebes ecla tú Ní hed de ssodain ar in rí Tiagar úain ar cend Duib Dúin ríg Airgiall.{MS folio 303b 20} Doriacht iar sain Dub Duin. Atbert rí Herend riss. Eirgg ar rí
38630] Herend & cath Airgíall latt co Bun Aífe fodess & connici in Crúadabaill & denaid foraire and na tucat Lagin ammus longphuirt foraind. Gabsat rempo amal ro forcongair forro Áed.


p.1298

{MS folio 303b 25} Is andsain atbert Aed mac Ainmerech ra gilla. Tuc lett cocholl Choluim Chilli dam co raib immum innocht corop dín dam e for
38635] Laignib. uair ro gell Colum Cille dósom na mairfide é asa chocholl. Fechta ile iarum ro íarfaig Aed do Cholum Cille. Cia lín a chlerig{MS folio 303b 30} ar se do neoch tharradais féin do rigaib ragas dochom nimi. Iss ed ro raid Colum Cille. Is demin ar se nach fetar acht trí ríg nammá .i. Daimín Dam Argait rí Airgiall. & Ailill Banda rí Connacht. &
38640] {MS folio 303b 35} Feradach Find mac Duach de Chorco Laígde rí Ossairge. Cia maith doringsetsaide for Aed sechna rígaib aile. Ni handsa ar Colum Cille. Daim Dam Argait tra ní dechaid clerech fa éra úaid & nira imderg clerech & nira craid chill na nemed. & ro tidnaic mór{MS folio 303b 40} don Chomdid. Rochuaidsium iarum dochum nimi arin cendsasain
38645] doringni ri muntir in Chomded. & atát na clerig ac gabail a écnarcasom. Ailill Banda im Is asso foúairside cendsa in Chomded. Cath{MS folio 303b 45} Chula Conaire ro chuirseom ra clannaib Fiachrach. co rroemid fairsium sin chathsin. Co n-erbairtsium fria araid carpait fég dúin dar th'aiss & finta latt in mór in marbad. & in faccus dúin lucht in
38650] {MS folio 303b 50} marbtha. Ro fég in t-ara dara aiss. & iss ed ro ráid is doolochta in{MS folio 304a} marbad marbtair do muntersu ar se. Ní hé a n-aithfer féin téit forro ar se. acht aithfer m úabairse & m anfírinni. & impá dún in carpat na n-aigid ar se. Uair dá marbthar misse ar fuid bud tessarcon
38655] {MS folio 304a 5} do sochaide. Ro impad in carpat iar tain i n-agid na námat. & dorigni in tAilill díanathirgi iar tain. & dorochair lá namtib. Fúair dano in fersain cendsa in Chomded ar Colum Cille. Feradach Find mac Duach im rí Ossairge fer santach díchuibsech{MS folio 304a 10} atacomnaicside. & cinco cluined acht mad oenscrepul óir vel argit ac duine na thír dobeired ar écin chuica féin. co cuired i cumtaigi 38660 corn & crandoc & claideb & fidchell. Ro gab iarum treblait dolochta{MS folio 304a 15} iar tain é Ra tinólit chuice a séoit co mbátar na thuilg aice féin. Tancatar a námait a íar tain do gabail tige fair. Tancatar im a meic chuciseom do brith na set leo. Ni berthai a maccu ar se. uair{MS folio 304a 20} ro chraidisa sochaide imna sétaibsin. is tol lim ar Dia mo chrád 38665 féin i fus impu & a mbreith dom deóin dom námtib uaim ar dáig narom chraidea in Comdiu thall. Ra imthigset a meic úadsom iar{MS folio 304a 25} tain. & ro gab fein for dianaithrige. & fúair bás o námtib. & fogeib cendsa in Chomded.


p.1299


38670] {MS folio 304a} Messe féin dano ar Aed in fagbaim cendsa in Chomded. Ní faigbusu itir on for Colum Cille. A chlerig dano ar esseom fagaib ón Chomdid dam can mo choscur do brith do Laignib.{MS folio 304a 30} Is dolig limsa ón bar Colum Cille. uair dib mo mathair. amp tancatar Lagin chucum co Daurmag. & ro fuaipertar troscud form
38675] co tucaind ascid meic sethar. & iss ed connaigsetar form cen choscor {MS folio 304a 35} do brith do ríg echtrand uadib. & ro gellussa doibsium ón. Acht chena ac seo mo chocholl dait & ni mairbfider thú ass dia mbe immut. Is ésin tra in cocholl ro íarr Áed fora gilla in n-úair út. Iss ed im atbert in gilla ra fácsam ar se ac Ailiuch in cochollsin.{MS folio 304a 40} Atbert dano Áed is dóchaite ar se m'fácbailse innocht la Lagnib.
38680] Imthús Branduib sunna. Ro herlamaigit leis a grega & a damrada. & ro chóraig a chatha. & ra imthig reme ra demi na haidche. Co{MS folio 304a 45} cualatar Airgialla in sit sait & broscur in mórslúaig & rámtéan na grega & tenmnedach na damraide fana fénaib.
38785] Atraachtatar Airgialla fó n-idnaib. Cia so bar Airgialla. ni handsa. gillanrad Lagen fó biud do ríg Herend. Atrachtatar Airgialla súas{MS folio 304b} & in lám dobered in fer suas bogebed mart vel muicc fo láim. Fír dóib bar rí Airgiall. Léicid sechaib iat. Imthigem dí bar Airgialla nara dermaitigther don chomraindsin. Luidset Airgialla rempo
38690] {MS folio 304b 5} da mbothaib longphuirt. Lotar rempo Lagin co cnocc na caindle i mmedón in longphuirt. & gatait in coire din chaindil. Cá solse már atchíam bar in rí Ni handsa. bar in clam. In biad doriacht. Ro érig in clam & ra ben a choiss craind de. & rosiacht a lám a
38695] {MS folio 304b 10} chlaideb. Ro tairntea a n-aireda dona damradaib. & ro léicthea na graige fo scoraib fer nHerend co ndechatar i fenscor. coro brissiset botha & pupli fer nHerend. Atraachtatar Lagin assa cliabaib amal buinne dílend do aillib{MS folio 304b 15} i n-imdornaib a claideb. i cúslaigib a scíath. i n-attaib a llúrech.
38700] Cia so bar cenel Conaill & Eogain Lucht taisbénta in bíd ar in clam. Indeo ale bar cách is sochaide íat. & ro ergiset Conall & Eogan.{MS folio 304b 20} & cid iatside ropsat láma i nnet nathrach. Doringned cró sleg & scíath acco 'má ríg nHerend. & tucad é bara ech. & rucsat léo co Bernaid na Scíath. Fácbaiter scéith fer nHerend ra hucht na
38705] bernadsin. {MS folio 304b 25} Berid Rón Cerr muscul ar ammus rig Herend. & marbais nonbor 'ca innsaigid. & tánic Dub Dúin rí Airgiall eturru. & comraicis dó & do Rón Chirr. & tuittis Dub Duin leis. Berid Rón Cerr doridisi muscul ar ammus rig Herend. & tic Fergus mac Flathraí rí Tailcha


p.1300

{MS folio 304b 30} Óc eturru & tuttis Fergus la Ron Cerr. Berid Rón Cerr iar sain
38710] muscul ar ammus in ríg. & gebis a choiss & trascraiss cuce é da eoch. & benaid a chend de forin licc commaig cnám. Gabais chuice a{MS folio 304b 35} théig & dórt[...] a mírenda esti & curis in cend inti. & gabais reme fo láim for lergaib in tsléibe. & anais and co matin.
38715] Ro lensat dano Lagin iar tain Leth Cuind & cuirit a ndergár. Luid cách arnabárach co coscor & co mmaídib connici bail i rrabe{MS folio 304b 40} Brandub. Tic dano Rón Cerr & curis cend Aeda meic Ainmerech na fiadnaisi. Conid Cath Dúin Bolg sin for boroma. Isin cathsa ro marbad Becc mac Cuanach.
38720] Ra thobgiset iar tain in mborama .i. Colmán Rímid. & Aed Úaridnach. Mael Coba. Subne Mend. Domnall mac Aeda. Cellach{MS folio 304b 45} & Conall Cáel da mac Mael Choba. Blaithmac & Diarmait. Gabais iar tain mac Blaithmaic ríge nHerend. Acus ni thuc in mborama. Cora tinolad leis tuaiscert nHerend. & atnaig 'ca n-achain
38725] & ro ráid

    1. {MS folio 304b 50} Dénaid dúin bar comairle
      {MS folio 305a} a Chenel Eogain Ailich
      in ragam fó roLaignib
      vel 'n anfam 'car taigib.

    2. 38730] Tabram lind ar mbóromai
      imma ndernad in debaid.
      Tiagam i lLeth mor Moga
      na sluaig na saiget segair.
    3. Denam sluaged sirbaga

      38735] innised cách dá cheile
      {MS folio 305a 5} leicem ní dar n-armchrechaib
      for Lagnib co ndéne. D.

Tuc lais Conall & Éogan is Airgialla Fir Breg & fir Mide co Lerg mna Fine. Lotar Lagin ina ndail andsin Is é ba rí Lagen in tan
38740] sin. Faelán mac Colmain & ferais cath. Memais for Sechnasach. {MS folio 305a 10} & cuirther ár Lethi Cuind. Facthair in boromai ac Lagnib. Gabais Cendfaelad mac Crundmáel .iiii. blíadna. Co torchair la Fínnachta. Gabais Finnachta Fledach mac Dunchada iar sain ríge nHerend


p.1301

{MS folio 305a 15} .xx. mbliadan. & berid in mbóroma fo dí cen fresabra. In tress
38745] fecht tánic da tobuch ra ergitar Lagin na agid. Doronad mórthinól Lethi Cuind laisium co Lathraig Muridaig i cocrích Lagen & Mide.{MS folio 305a 20} Rosaig a fiss sain co Bran mac Conaill. Tinoltair laiside Lagin co mbátar eter laech & clerech co hAlind.


38750] Ni thánic dano Mo Llmg leo. & tiagair ara chend Mo Lling uadib. & iss and boí Mo Lling in tansain ac Ross Bruicc risi n-abbar Teg Mo Lling in tanso. Uair o thanic Mo Lling o Sruthair Gúaire nocon{MS folio 305a 25} fúair inad árais naco toracht co Ross mBruicc. Unde Mo Lling. cecinit.


    1. 38755] Cuce seo ro dalus
      is and dogén mo thrátha;
      ní scér rissin n-árusa
      naco tí lathe brátha.
    2. Is andso bías m'accarda.

      38760] mo thaídiu úasin tuile;
      ní mór mo sáith cotulta
      cot attach a Meic Muire.
    3. {MS folio 305a 30} Ross nEidnech na habnaire.
      Ross nDubglassi co ndremna;

      38765] Druim nDaíle Druim nDamgaire
      Ross Bruic ar brú na Berba.
    4. Me Mo Lling na firinne
      Teg Mo Lling bías ar m árus;
      do déoin rig na dilinne

      38770] is cuceseo ra dálus. Cuce.

Mar doriacht in fiss sain dochom Mo Lling ra thinoil a muntir & doringni in laid.

    1. {MS folio 305a 35} Inmain tríar a Christ grind glúair.
      ragas lemsa ar cend in búair;

      38775] Forannán Aed mac Senaig.
      is Colmán ó Chluain Chredail.

    2. p.1302

    3. {MS folio 305a} Inmain tríar na tarraill cess
      doragat lemsa rom less;
      Dubthach Dubán díchlis brón

      38780] & Cuán o Chluain Mór.
    4. Inmain cóiciur comol nath.
      Álgenach is Fulartach;
      {MS folio 305a 40} Mo Menóc Miloc na mind
      & Findbarr fíal forfind.

    5. 38785] Inmain cethror comol n-án.
      Elchomach & Aedán;
      Sárnatan Colmnatan cain.
      noco limsa nach inmain. In.

Assa aithle sin gabais Mo Lling reme co hAlind áitt i rrabatar
38790] {MS folio 305a 45} Lagin. & ro ferad fírchaín fáilte accu fri Mo Lling. & dessid Mo Lling for láim ríg Lagen.

Is in tansin ro ráid Bran Ca comairle dogénam .i. in cath dobéram do Leith Chuind. vel in a mmunigin ar néem chena ragmait d'iarraid a maithme na borama. & mass a munigin náem cía do náemaib{MS folio 305b} Lagen churfimmid d'iarraid maithim na boroma. & is amlaid ra
38795] boí ca rád & doringni in laid.

    1. Turchan duin a Thuathail
      maic Ailella uathmair
      cia gebas Laigniu a lLuathmaig

      38800] tacair rind tria baig.
      {MS folio 305b 5} Cia do náemaib Lagen.
      fedaib maigib maigen
      cia náem don dreim dagfer
      dingbas dind in plaig.

    2. 38805] Inn í Brigit buadach.
      {MS folio 305b 10} vel inn e Fintan sluagmar.
      vel inn é M'Aedoc ruarach.
      vel Mo Lasse stuagmar
      vel inn é
      [...]

    3. p.1303


    4. 38810] {MS folio 305b} Inn é Brenaind Gabra
      vel inn e Cainnach amra.
      vel inn é Lachtáin láingel
      dingbas ní assar cind.
      No inn é Fiac Temrach

      38815] vel Tigernach trednach.
      vel inn é Fiachra find.
    5. Cia don chóiciur chéolach.
      a hoentelluch thréorach;
      Dagán epscop Eogain

      38820] & Abbán aíngel
      & Caimgen cóir.
    6. {MS folio 305b 15} Inn é Mo Chua Chlúana.
      Dolcain cosna bua.
      cona sessiur buad.

      38825] béras úan in cis;
      inn é Colum Tire
      vel inn é Baethín brigach.
      vel inn é M'Oedóc Ferna
      febda in fer cen scís

    7. 38830] Inn é in Gall cráibdech.
      vel Ithairnaisc álgen.
      vel inn e epscop Colmán
      vel Comgán na glindi
    8. {MS folio 305b 20} Nó inn e Berchan rocháid.

      38835] vel Emin cen fodáil.
      vel Mo chua mac Lonain.
      vel inn é Mo Lling.
    9. Nó inn irscartad comlaind.
      vel inn aiged ra dodraing

      38840] ra Finnachta in tsluaig.
      No inn é crúas ar catha.
      'ma tuitfet meic flatha
      béras anfír úaind.

    10. p.1304

    11. {MS folio 305b} Mo Lling lassar daiged

      38845] tond línta na n-airer
      {MS folio 305b 25} dogena less cáich.
      Is é in torc dar trétaib.
      is e in barr úas gécaib.
      mac Failleain in faid.

    12. 38850] Is é in sról dar slúagaib.
      is é in long ar lúamain.
      is e in kalaind mís.
      Retlu bruicc búada
      atchlunim atchúala

      38855] {MS folio 305b 30} béras úain in cís.
    13. Is é in t-usce fichthech
      is í in chaindel chridrech
      is uapar in rád.
      Is é Daniel Gaedel.

      38860] is é lúam na Taiden.
      hua Dega na ndám.
    14. Ech cacha ríg ruirech.
      screpol cacha cuiled
      uam do mMo Lling.

      38865] unge d'ar cach aiccme
      {MS folio 305b 35} in n-acme
      d'u Feradaig Find.
    15. Screpol cacha deoraid.
      nochon ar

      38870] eter tair is tíar.
      caeru cach mná cerna.
      samasc cacha selba
      do mac Failleáin fial.
    16. Ragaid missi ria.

      38875] corop deoin re Dia.
      {MS folio 305b 40} coro gabor mo dúain.
      In bórama saidbir.
      berar úaib bar Lagnib
      co bráth nocho nerthar

    17. p.1305


    18. 38880] {MS folio 305b} Rosíasa tír nAeda.
      nocho nfaigíub caemna
      ic iarraid bar cruid.
      ragatsa bar conair
      corop soraid

      38885] dar toraib cach tuir. Tur.

{MS folio 305b 45} Is andsain atbert Bran Ardchend ac nertad Mo Lling.

    1. Érig a Mo Lling.
      co mbúaid chrábuid grind;
      dena ní is less lind

      38890] & eirgg fathúaid;
      narap grían tria thech.
      narap dál ma sech.
      corop sochor sluaig.
    2. Corop rathmar ciúin.

      38895] narap é in lá liúin.
      {MS folio 306a} narap dígair dúairc.
      nira trágbas cess
      nirap fes na cúairt.
    3. M'echsa is m' erriud gnáth.

      38900] béra úaim re cách.
      co tí bráth bid búaid.
      rot fia Ros Cain.
      is rot fia Dún mBrain.
      rat fia Gaísit Glúair.

    4. 38905] {MS folio 306a 5}Dot mac is dott ua.
      ríge dóib dorua.
      ní chelim ar cách;
      ina tardais dam.
      bid móte do blad.

      38910] nóco tora in bráth.
    5. Borrama bar mbúair.
      noco berthar úaib
      a Brain Ardchind áin;
      céin bersa for nim

      38915] nís bérat na fir.
      do chlannaib Néill náir.

    6. p.1306

    7. {MS folio 306a} Derggfaide bar rind.
      itbeir rib Mo Lling
      {MS folio 306a 10} bid áigsech bar n-ord;

      38920] Finnachta ro fáeth.
      mar ra thuitt Aed
      i mBelaig Dúin Bolg.
    8. Ra thuitt Faelchu féig.
      & Róen mac Néill.

      38925] fácsat a fadb;
      dofaeth Dáre dían
      la Bran Find na ngiall.
      i cath Ruis da Charn.
    9. Na furig do báig.

      38930] acht érig ra dáil.
      do briathar bláith bind;
      {MS folio 306a 15} rot fia cocholl sróil.
      bia armo lethláim lóir
      is érig a Mo Lling. E.


38935] Ba érig Mo Lling iar tain & atbert ra Tollcend Clúa Ena risin filid tuidecht leis co teg ríg combad é no gabad in dúain molta doringni Mo Lling. Is and ro ráid Mo Lling na briathrasa oc tennad a étaig.

    1. {MS folio 306a 20} In-anmum na Trinóiti.

      38940] Trínóit 'cá tá nem;
      Athair Mac i spirst náeb
      is aroen dom reb
    2. I n-anmum a dóenachta
      Meic in Chomded cáid;

      38945] i n-anmum a deachta
      Ísu uasail áin.
    3. I n-anmum na n-árchangel
      atát aice ar nim.
      i n-anmum na n-árdapstal

      38950] filet 'ma gnuis gil.

    4. p.1307

    5. {MS folio 306a 25} Leis commus ar mbethaigthe
      ra comsid na cland.
      Leis commus ar marbthane
      in tan tic in t-amm. IN.


38955] Gabsat rompo iar tain co teg Cobthaig meic Colmain i nHuib Faelain. & ro diurad fled forro cor batar dóethanaig. Atbertatar a{MS folio 306a 30} chliar risin fer ndána. Is bec linne ar siat beith duitsiu i cléir hlerig. Mass ed bar in file fácbam na clercho. & tiagam rempo co teg ríg Herend. Ro gabsat rempo iarum co teg Fínnachta. Mar
38960] rancatar ro gab in fer dána dúain Mo Lling. & atbert iss é doringne. {MS folio 306a 35} Imthúsa Mo Lling. ra érigside arnabárach. & ní fríth in chlíar. Is fir ar Mo Lling. Élúd ram dúainse dormgne in fer dána. & recfaid hí ra ríg Herend. Rachuaid Mo Lling reme i mMuneal Findmaige risi n-apar Mag
38965] {MS folio 306a 40} Nechain indiu. i mMag Cláraig súas co ránic co lLathrach Muridaig. Ra éirgiset maccaíme fer nHerend dóib 'ma Dondgilla mac Finnachta iarna turchlossin dóib reme. Dosbertatar froiss .i. fross do fótaib. do chlochaib. & do cheppaib connach. roibidis da cleirech i{MS folio 306a 45} n-aeninad dib. Gabais reme Mo Lling araba co ranic tech in rig. & ní
38970] fúair coimergi and. Dercais forin sluag & ba nár leis. can comergi d'fagbáil & do chonnairc sin Colco mac Maenaig meic Dubanaig meic rig Hua Colgan & do erich reime. & tócbais Diarmait mac Colcon a{MS folio 306b} glún reime. & iss and bátar for uaitne cerna in cholbai. Ros bennach Mo Lling iartain in Colgainsin & in Diarmait mac
38975] Colcon. Darala ag allaid iar tain ar ammus na macraide cétna. & ro{MS folio 306b 5} dibairgset in n-ag n-allaid. co tarla erchor díb i tengaid orcan Dondgillai meic Finnachtai combo marb de fo chetóir. i n-osnaid Mo Lling. Co tucad gáir mór gubai and. Ca guba mor so bar
38980] Finnachta. Do maccsu Donngilla darochair and im einechsa ar {MS folio 306b 10} Mo Lling. Todíusc in mac a chlerig ar Finnachta & rot fia a lóg. Ni iarraim ar Mo Lling armo dúain & ar todíuscud do meic & ar nem duit féin. acht cairddi 'mán mborrama co lluán. Rot fíasu sin bar in rí


38985] Ro érig Mo Lling cuce & ro naidm in Trínoit & in cetharsoscela {MS folio 306b 15} comdeta fair. & táirthis báeth n-áraig fair. Gabais in clerech a dúain.


p.1308

    1. {MS folio 306b} Fínnachta a Huíb Néill
      amal gréin atrácht.

      38990] is í in bárc úasin tuind
      is í in tond úas tracht.
    2. Is é in cath ar tír
      arná lamat ríg a ngress;
      is é rí Temra ca tíath.

      38995] iss é in tríath da tic a lles.
    3. {MS folio 306b 20} Is é tuile glond ri gail.
      is é in tond immaig 's amach;
      is é rí na Temrach túaid.
      is é int íarn cruaid resin cath.

    4. 39000] Is é cride cerna Cuind.
      bile Temra tind i tind.
      is é in Finnachta nach fand.
      is é in crand fíngarta find.
    5. Atchuala ra senaib sund.

      30005] ferr molad na cech mod
      {MS folio 306b 25} ná fitir Finnachta fíal
      connach cían maras in crod.
    6. Téit in crod a seilb cach aín.
      ac síl nÁdaim im garuair.

      39010] báegul cach nech fo nim nár.
      téit 'ma sech in saegul suail.
    7. Corpre is Cormac is Art
      Cond ra riced rígleptha
      ciar gabsat Temair co tend

      39015] dar lem is ferr Fínnachta. F.

{MS folio 306b 30} Messu a chách leind do dál ar in rí bréc do rád duit .i. in dúan doringni Tollcend fili do reicc duit. Atbert Mo Lling. mas é doringne éirged & geibed a dúain. Ra érig in fili & dochúaid ina cend & iss ed ro ráid.


p.1309

    1. {MS folio 306b 35} Dríbor drábor
      cerca is cábail.
      lachain odra.
      lodra lomna áraig.
    2. Clocha Eóre

      39020] datha déne.
      benna Cuailnge
      buaidre céille.
    3. Ciall ar esbaid
      grian ard uismid.
      gaeth na sidi
      Liffi lusmair.
    4. Mo Lling lúamnech
      lúam na fírbreth.
      feidm tend tréorach

      39025] ic deilb fírbreth.
    5. {MS folio 306b 40} Misse romom
      co muir mideng.
      ticfa thorom
      grogoll triball.
    6. Messe imbárach
      co muir mílach.
      d'Ess Rúaid rámach
      iar n-úaim trílech. D.


39030] Ergid in fer dána iar sain. & berid side dían dásachtach co tuind {MS folio 306b 45} Dúine meic Fánat allá túaid d'Ess Rúaid coros báid and.

Mar atchonnairc Finnachta sain Rogab a choiss fón chlerech & cen a oclugud ris ní bad mó & a mac do thodiuscud dó & cech ní 'ma tánic fogebad.

Ra érig Mo Lling iar tain co mbaí ós chind in meic. & ro guid in
39035] {MS folio 307a} Comdid co díchra coro thodussig Día fairsium mac Finnachta. Is and atbert Mo Lling.

    1. Crist conic mo chrí
      nachum thair tríst tré
      corop glan mo gléo
      céin beo for bith ché
    2. Dondgilla co tí

      39040] a rí 'ca tá in réo.
      {MS folio 307a 5} mad cet ra Mac nDé
      corop é in mac béo.
    3. Corop é in mac béo
      mac Finnachtai in tslúaig.
      mad béo mac in mail
      ar dáil co dia lúain.
    4. Cían garit co bráth
      bud é in guth gnáth grind.
      in lúansa ra lúad

      39045] bid é lúan Mo Lling.

    5. p.1310

    6. {MS folio 307a 10} Bid dál fota hí
      niba dál dar aiss.
      ní lúan tratha foiss.
      acht lúan bratha braiss.
    7. Erig suas co héim

      39050] do réir Chomded cáid.
      a Dondgillai déin.
      narap léim sech láim.
    8. Ar Dia dogní in síd.
      narap díl iar scís.
      is teg atá in pháis
      conna dig darís.
    9. {MS folio 307a 15} Oenmac Muire is mó
      uas cach cuire itchí
      Comde nimi nuí

      39055] mo chomge is mo chri. C.

Tanic tra Mo Lling reme atúaid d'insaigid Lagen ar mathim na bórama. Rochuala dano Adomnán in scélsain .i. maithem na boroma do mMo Lling. & cairdde do thabairt impe co lúan. Tanic{MS folio 307a 20} reme co dú i rraibe Finnachta. Ro chuir Adomnán clerech da
39060] muintir ar cend Finnachta co tísed da acallaim. Is and ra buí Finnachta oc imbirt fidchilli. Tair d'acallaim Adomnáin ar in clerech. Ni rag ar Finnachta co táir in cluichiseo.{MS folio 307a 25} Tanic in clerech co Adamnán. Et ro innis dó in frecrasin. Atbert Adomnán. Imthigsiu arse Adomnán & abbair frissium. Gebadsa
39065] coícait salm in n-airet. & atá salm sin choícaitsin getas rígi ara chlaindsium & ara uib. & ar fer a chomanma. Tanic in clerech co{MS folio 307a 30} Finnachta. & ro innis dó Ni thuc Finnachta da óid sein. co tarnaic in cluchisin d' immirt. Tair d'acallaim Adomnáin ar in clerech. Ni rag ar Finnachta co
39070] táir in cluchiseo. Ro innis in clerech sin do Adomnán. Imthig doridisi ar Adomnán ara ammus. & apair ris gebatsa coícait aile sunda & {MS folio 307a 35} atá salm inti dobéra gairde saeguil dósom. Rochúaid in clerech & ro innis d'Finnachta. & ní tharat Finnachta da oid. Co tarnic dó in cluchisin.
39075] Ro ráid in clerech in tres fecht ra Finnachta. Ni rag ar Finnacht co táir in cluichiseo. Tanic in clerech co Adomnan. & ro innis dó{MS folio 307a 40} Insaigsiu é ar Adomnan. & abair ris Gebatsa coícait in n-airetsain & atá salm inti getas fairsium cendsa in Chomded d'fagbáil. Rochuaid in cle.rech & ro innis d'Finnachta.
39080] Mar atchúala Finnachta eside. ro chuir in fidchill co tricc tinnisnech Et tánic reme co dú i rrabi Adomnan.{MS folio 307a 45} Cid tuca duit ha Finnactai ár Adomnán. ná tánacais risin céttechtairib. ni handsa. ar Finnachta.


p.1311

{MS folio 307a} Inra maídis rimsa ar Finnachta .i. cen nech dom chlaind do
39085] gabail ríge nHerend & cen fer mo chomanma. fó al lemsa sain. {MS folio 307b} Aní dano ro gellais dam .i. gairddi saeguil. étrom dano lim sain dáig ra gell Mo Lling nem dam. In tres ní dano ra gellaisiu dam .i. can chendsa in Chomded d'fagbáil. nira fulngiusa sain do chlostecht can tuidecht fót guthsu.

{MS folio 307b 5} Is dó doringni Día sin. uair inm ra gell Mo Lling dó ar mathim
39090] na bóroma; nira chetaig do Adomnan a imdiupairt imme. In fir mathim na borama duitsiu co día lúain ar Adomnan. Is{MS folio 307b 10} fír ar in rí Rot melladsu deside bar Adomnan. Uair lúan lathi brátha atbert in clerech. Mani thís taris indiu ní ticfaider co bráth.
39095] Raptar carait im Adomnan & Finnachta. ora búi Finnachta na rigdomna. & Adomnan na foglaintid óac. Is in tansin doringni Adomnan na runnusa.

    1. {MS folio 307b 15} Andiu cia chenglaid chuaca.
      in rí crínliath cen déta.

      39100] in dál ro maith do Mo Lling
      deithfir don ching nis n-éta.
    2. Damad messe Finnachta.
      flaith Temra.
      co bráth nocho tibéraind

      39105] nocho dingenaind na nderna.
    3. {MS folio 307b 20} Cach rí nach maithend a chís.
      is fata bít a scéla
      mairg dorat in dáil dorat
      intí is lac is dó is méla.

    4. 39110] Doarnactar do gáesa
      is ar baesa co mbine.
      mairg rig ro maith in císa
      a Ísu nemda nime.
    5. Sochla cach nech ó threbas

      39115] {MS folio 307b 25} is mairg lenas do líathu.
      is fata in dálsa ma cate
      bid fate comma fíachu.

    6. p.1312

    7. {MS folio 307b} Damsam rísea ruadas chrú
      ro thairnfind mo bidbadú

      39120] ra thócebaind mo dindgna.
      ropsat imda m'airgalú.
    8. Roptaís imda m'airgala,
      mo bretha niptis gúacha;
      {MS folio 307b 30} roptís fíra mo dála

      39125] roptis lána mo thuatha.
    9. Roptis imfaicsi m'airde
      roptís daingne mo daingne.
      in dálsa cia ma tecmaing
      noco lecfaind re Laigne.

    10. 39130] Guidimse itgi for Dia
      nachom tháir bás vel baegul;
      coro thérna indiu Mo Lling.
      ní thaeth do rind vel d'faebur.
    11. {MS folio 307b 35} Mac Faelleáin fer dar múru

      39135] ní claifider for cúlu.
      ra fitir rúna Meic Dé
      rofitir Mac Dé a rúnu.
    12. Tri .l. salm cach día
      iss ed geibes ar Dia.

      39140] tri .l. bocht séol sairthe
      iss ed biathas cach n-aidche.
    13. In bile búada bissig
      {MS folio 307b 40} in fissid cosna fessaib;
      long lerda fofúair fáilte

      39145] tond Berba barce Bresail.
    14. In long d'ór is án inne
      in clár d'ór osna clanna.
      écne Dubglaisse duinne
      fúaim tuinne fri halla. A.


39150] Iar sain atraachtatar fir Herend i ndiaid Mo Lling. Et is and boi Mo Lling ac tóraind inaid muilind i Fornocht. Co n-accatar cuccu Fínnachta co feraib Herend. Ó'tchonnaic Mo Lling iat is and atbert


p.1313

    1. {MS folio 307b} A mo Chomdiu cumachtach.
      dorigne gach rig

      39155] a rí rofitir cach rún
      conic ar cul Finnachta
    2. {MS folio 308a} Finnachta
      tarnactar a rigleptha.
      mo mallacht is mallacht rig nemda

      39160] for ríg Temra. for Finnachta.
    3. Finnachta
      tarncatar a rigleptha.
      a ríge sech cach ro therind
      ní chelim for Finnachta.

    4. 39165] {MS folio 308a 5} Tairnebtait na hanflathe
      tocébdait na fíngarta.
      bennacht ar síl Diarmata
      mallacht ar síl Fínnachta.
    5. .X. ruc in mboroma

      39170] dá .xx. fíngarta.
      ó Thuathal Techtmar na ndíne
      nó co rige Fínnachta.
    6. Messe ruc in mbórramai
      do Lagnib ca fulachtain.

      39175] {MS folio 308a 10} ó Uíb Néill can nert doilge
      amo Chomde cumachtach. A.

Gabais Mo Lling reme darsin n-áth annond. & benais a chloc. & cuiris scén fo búaib Lagen co riacht cach bó díb a dín & a dangen. Doronsat Leth Cuind cró bodba impu. Is andsin atbert Mo Lling.


39180] {MS folio 308a 15} Corbar cairrge ar dairge donna. corbar tonna ar glasslinne. corba clocthige os chella nírap ella aisslinge.


p.1314

{MS folio 308a} Ránic reme Mo Lling síar conice dú i tá cross Mo Lling. Ro suid
39185] and & doringni in rand.

    1. Suidem sund suide n-ága.
      éirgem ra bága búada.
      {MS folio 308a 20} cip é bess for greiss Colaim
      ní bía a choland fo chúana.

    2. 39190] Mo mallacht ar Finnacht
      & mallacht Ríg nime;
      ro impá form Finnachta
      niba airdite a fine.
    3. A Brigit Chilli Dara

      39195] a Meic Thail ó Chill Chuilind.
      & a Meic Muire
      is let cech suide suidim. S.

{MS folio 308a 25} Is iar sain ro ráid Mo Lling ricfaide a less cobair andso i tráthsa. Ro fallsiged do Mo Thairean éside ra boí i n-airiucht ríg Lagen.
39200] Is airc ar se do Mo Lling i trádsa. Et damad maith risin Comdid {MS folio 308a 30} ropad maith linne ceó do chur thairsiu. Tucad in ceo thairsiu. & cia thucad ní fetatarsom a thabairt. Et andar leo atchonncatar a námait. íat. Gabsat rompo co hÁth Loegaire áit i rrucad Labraid Longsech. Bá hand atbert Mo Llin.
39205] {MS folio 308a 35} Cia fil sin bale ucut i clunem in cloc. Is and atbert Cólmnait in challech fris. Monúar tra a chlerig andar lem is úamain rot medair. Cell Úsaille sin ar in challech. Atbert Mo Lling ca brocc bendchoprach mór sút atchiam i cúil na cetharda. Cell Dara sin ar in challech. Conid and doringni Mo Lling in etarguidi seo.


    1. 39210] {MS folio 308a 40} A Brigit bennach ar sét
      nachar táir bét arar cúairt;
      a challech a lLifi lán
      co rísem slán ar tech úait.
    2. A Brigit bennach ar sét

      39215] bí féin 'car n-imchomet.
      cid cian cid garit ar techt
      da spirut nar comaitecht.

    3. p.1315

    4. {MS folio 308a 45} A Brigit bennach rédig mu rót
      a challech óg émid út;

      39220] tair dar cobair cu ba chét
      corop soraid ar sét cút.
    5. Bladfocul
      a Christ tair dom anaccul.
      A Brigit scar ósmo chind

      39225] do bratt find dom anacul.
    6. A Meic Tháil
      a chlerig urddinti áin.
      {MS folio 308b} a Brigit i lLifi Luirc
      meic uilc ní thiset nar ndáil.

    7. 39230] A Mael Ruain
      a Míchil árchangil úaig.
      nírbar lobair corbar tréin
      corop éim ar cobair úaib.
    8. Itge thend

      39235] Mo Chua Cluana Dolcáin lem;
      {MS folio 308b 5} ma tá Uxaille na chill
      táet co gluc bind arar cend.
    9. Béo mo rí
      marid méraid Mac Dé Bi.

      39240] ar cach rámut ar bith che
      ría slúag namat conar ti.
    10. Nert Dé lend
      arná ragbaiter ar n-ell.
      a Chaimgin cháid ma taí it glind

      39245] ra báig Mo Lling tócaib cend.
    11. {MS folio 308b 10} Comgan béo
      dom anacul ar cach ngléo.
      Mu Lassi cu cétaib náem
      & ar nín araen leo.

    12. p.1316


    13. 39250] {MS folio 308b} Lestar óir
      Aed mac Eogain Cluana Móir.
      imda rigrad imma lecht
      rop línmar oc techt 'nar tóir.
    14. Tipra glain

      39255] Dílgedach mac Cairpri chain.
      {MS folio 308b 15} do mathib domain in fer
      mo chen a chobair ind fir.
    15. Sruith in dám
      Dagán & Baethín bán.

      39260] dar n-anacol ar cach ngort
      na hágumar olc na hág
    16. Epscop Ith.
      Cruad & Elcho cen chleith;
      guidet in Comdid fo leith

      39265] dar mbreith sech coibdin sech creich.
    17. Epscop Ith Atha Fadat
      sechna sluagu nar sagat
      immaind acaind ar cach ngléo
      {MS folio 308b 20} epscop Ith dar n-imdegleo

    18. 39270] Admoniursa Mothaireán
      a chommairge is robalc.
      rom ainse cacha trátha
      epscop Atha Fadat.
    19. Ar cach n-olc itágursa

      39275] bágursa mac nOengussa.
      álim Mothaireán an bréo
      {MS folio 308b 25} tabrad céo darm chaímusa.
    20. A chalech ón Chetharlocht
      a dind callech sonaide.

      39280] a Crón ingen Setnai
      bennach sét mo chonaire.

    21. p.1317

    22. {MS folio 308b} A Thacain ailithir áin
      fail i tír Hua Crimthannáin;
      ní thiset námait nar ndáil

      39285] ni rabat 'car n-imgabáil.
    23. {MS folio 308b 30} Cluin ar núal
      a M'Enoc Ruis Muchnig múaid.
      a Choluim meic Cathbaid áin
      a Choluim cháid o Chlúain Úail

    24. 39290] In buarsa thucus atúaid
      slán rom faícfe slán rom fúair.
      a Chelláin a chell for sléib
      tair fo béim in bennáin búain.
    25. {MS folio 308b 35} M'Aedóc mín

      39295] ticed dar cech saebrót sáer.
      Colum Cilli Comgall cáid
      Mo Lling na ndáil mas hí chóir.
    26. A Mundu rédig mu rót
      a Abbáin caímaig ar sét;

      39300] a M'Aedóc dar toraib túath
      na hágam úath na héc.
    27. Cross Dé bí
      ra bruinne cach uilc fo thrí
      {MS folio 308b 40} úair nat ágammar Mac nDé

      39305] cia bé ni ágammar ní
    28. Atrácht ummum as cach aird
      Atrácht d'imdegail mo luirg.
      ingen Taláin ard a grád
      {MS folio 308b 45} Atracht do lár Maigi Luirg.

    29. 39310] A Cholmain Sléibe in Messa.
      atát i péin mo cho (ssa)
      a epscuip Átha Fadat
      is úair charat innossa.

    30. p.1318

    31. {MS folio 308b} A Rí rún

      39315] a náemPatraic fil i nDún.
      cepeth leth tíasom ar sét
      rop sora
      [...]
      cach ráen rún.
    32. Tair dar ndín
      a Muiri a mathair in Ríg.

      39320] a Émnat. a Fidnat án.
      a Cholmnat bán is a Bríg. A.


p.1319