Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 13

Aided Cuanach meic Ailchini

{MS folio 274a 40} ÁED Bennáin ri Irlochra dá mac déc lais & teora ingena. Senfocal léo. Ni amlaid foracaib Aed Bennain a maccu. Mór{MS folio 274a 45} Muman ingen Áeda Bennáin. Ro buí admilliud furri i tossaig.
38740] Ni theissed acht co dorus tige. Rot mairg a Mór ar in guthassind áer úastu. Ro batar im rigrad Herend oca cungidsi. Laa and dí co cuala in nguth. Rot mairg a Mór. Ba ferr lim dobertha oldaas a{MS folio 274a 50} bithtarngire. In ba i tossaig vel i nderiud. I tossaig im or sisi. Doratad iar sin fualang fóthe coro ling dar dúa ind liss. conna
35745] fess cia deochaid. Coro sir Herind da bliadain. Coro dubai fri gin {MS folio 274b} & gaíth hi certib & lothraib. cona tarlai do Chassiul. Fingen mac Aeda is é ba ri andside. Ingen rig na nDesi leis. Boí oca cairibside tri thráth.{MS folio 274b 5} Laa n-and luid issa rígthech iarsind ingairiu. conda tarlaic
35750] frisin tenid. Curid or Fingen in cale ucut immach. Rot bia mo delg ol ind rigan. & foí lee innocht. Ni maith or Fingen. Cencop maith bidit ecen. Nochon ifamni coro foasu lési. Bid eicen or Fingen.{MS folio 274b 10} Tucthar dam in delg Sísi ro deraig dóib .i. ind rígan. Fácbais ind ingen na ceirte alláthís & téit chuce issin n-imdai. Can duit a ingen
35755] or Fingen. Is and noda sloinne & donnanic a cíall. Maith or Fingen. Tarcaidside comthrom di argut friesi hi tossaig. Amal ropo matan{MS folio 274b 15} atraigsi do eirgi lasna caírcha. Nathó or Fingen. nat ainisiu arin rigain. Atraig in rigan co mbaí oc garib impu. Gaibid or Fingen in mbrat corcra ucut impe. & delg inna rigna ina bratt. Niba i
35760] comairichas frimsa or ind rigan. Bid fir or Fingen. Aní ro renais {MS folio 274b 20} ní chomraicfe fris. Anfaidsi or is ferr a cenel or Fingen. Is fria tra dofedar cech degben i nHerind .i. fri Móir Muman. Buisi i fail Fíngin co rruc mac dói. Sechnasach mac Fingin. Marb Fingin iar sudiu. Co ndechaidsi co Cathal mac Finguine .i. co
35765] {MS folio 274b 25} rríg Glenmain .i. rige Muman a Casiul in tres fecht. A Glennamain in fecht aile. A hÁine in fecht aile .i. Eogonacht sin uile. Luid dí co Cathal i nGlendomuin. Tucad dano siur disi i ngait aníar .i. Ruithchern ingen Aeda Bennáin co mbaí oc Dún Chaireda i crích{MS folio 274b 30} hua Liathán oc ingairiu i ndoíri. Ba hé dí a hannacol .i.


p.1206


    1. 35770] {MS folio 274b} Locht mór do Dún Chaireda
      innach lúachair bongair dó;
      maccain congair in airdcheóil.
      sech ni n-athgén nim athgeoin.

{MS folio 274b 35} Co tucad mac Mo Cherdda cucce. Óinmit side & fáith Dé Gaib
35775] sin a ingen or se.

    1. Maccan congair in ardchéoil
      sech nim aithgen nim athgeóin.
      intí chongair o Loch Léin ar Mac Mo Cherda
      is daig immon etar céin.

    2. 35780] Locht mor do Dún Chairedo
      innach luachair bongair dó;
      ni fil locht fair acht mad óen.
      nad fil lúachair ima thóeb.

{MS folio 274b 40} De Eogonacht Locha Léin dond ingin ar Mac Mo Cherda.
35785] Atchúas do Móir. Dochuaidside conda tuc cuicce co mbúi ina farrad. Dotheigtis im a ndís sethar co mbitís oc caíniud Fingin Is and asbertsi.

    1. In tan docengat in tsluaig
      timchiull Glendomain atúaid.

      35790] dibad marbain Locha Cend
      {MS folio 274b 45} ciam mataí a Ruithchernd.
    2. Fingin ba garg ba díglach
      ba gáeth ba báeth ba brigach.
      slemun guide gargg tomtha

      35795] ba forbaelid a somtha.
    3. Fil mo dáil i llaind Lothra
      lecht Fingin.
      issind insi ata dam
      {MS folio 274b 50} lecht Aeda & Damnatan.

    4. p.1207


    5. 35800] {MS folio 274b} Maccan congair i nUilind
      i nUilind maccan congair
      {MS folio 275a} atche Femin im Loch Cend
      atchi Loch Cend ca nad mair.
    6. Is annam iar n-imrim ech

      35805] eter Chassel & Loch
      iniaite én finnabrach
      feras amran imma droch.

{MS folio 275a 5} Boí im Cathal oc cloistecht friesi i tóib in muini. Is and atrarach side & asbert.


    1. 35810] Is deithber
      cencop mór mo thuasa.
      inid diliu imradud
      in marbain innousa.
    2. Cid in marbán oro bi

      35815] i n-úir bliadain no lathi.
      is a dagdoinacht conoí
      cona dermatar a choí
    3. A ben ucut na fer mol
      frisin marb dochuaid do don

      35820] {MS folio 275a 10} car nech na dingnea th'étail
      co ndig fessin do ecaib.
    4. A fir ucután amne
      uair fomairnecsa oc coe.
      bid sí do sercsu bas ni

      35825] nad mair inti cetabuí

Nocho n-accasi tra oca chaíniudsom ond uair sin. Dorat dí Mór in Ruthchern do Lonán mac indig. Ro baiside for fogail i fail{MS folio 275a 15} Chathail. Co tarat Mór a síair dó Fechtas and tanic rí na nDése. For láim Chatail no bíd Lonán. Érigsiu a Lonáin riasin ríg.


p.1208


    1. 35830] Na glúais Lonán mac Findnig
      or Mór aníar
      {MS folio 275a} A síd iarar imbir
      Niba danu frí grithu
      {MS folio 275a 20} nib' athiu fri cure

    2. 35835] in laech hé dia tailcibe
      laech dolleice a suide.

Luid siar dí in Lonán & a ben co maccaib Aeda Bennáin. Dos- narraid Cuano mac Cailchín o Liathmuiniu co rruc a mnaí o Lonán.{MS folio 275a 25} & coro gonad fadéin. & co n-erlai iarna guin co rranic síar.
35840] Is iar sin ro fuacrad cath o maccaib Aeda Bennáin for maccu Cathail .i. ar nocho roacht ind lanamain siar dia n-inchaib. & dano ro boí cuit do maccaib Cathail ocon tsarugud. Cindas churfither in{MS folio 275a 30} cathsa or fir Muman. mad meic Cathail tiasat i n-agid mac nAeda. immotáeth dóib ar chomúaill. Tiagait dí meic Aeda i
35845] n-agid na n-echtarthúath sair .i. na nDésse & Hele & Múscraige Bregoin & Airthir Femin & Fer Maige. Cuanu ba hé rí Fer Maige Fene. Meicc Cathail dano ar cind Chorco Loigde & Chorco Duibne{MS folio 275a 35} & Ciarraige & Chorco Bascind & Chorco Mrúad. In tres laa dí resin cath. is and tanic triar aesa cerdda co Cuanaig.
35850] Bui Cuano oc taffond. Teit chuccu. Can dúib or Cuanu. & cia no {MS folio 275a 40} saigid Aes cerdda atancomnaic. Co Cuanaig saigmít. Ro marbad Cuanu hi tress indossa or se. Is and asbert in tres fer.

    1. Anim do neoch bith cen tech.
      masa fír athguin Cúanach;

      33855] fibthair im maig di suidiu
      cen deme do Liathmuiniu.

Asbert araile.

    1. Nirbo dithrub cosindiu.
      {MS folio 275a 45} in tslige do Líathmuniu.

      35869] immusretís cossa ech
      Muman i mbethu Chuanach.

Asbert in tres fer.

    1. Cossin laithe ro nuagad.
      ganem im thoíbu Cúanach;

      35865] ba aicde na dairthech ní
      comla ri Dún Liathmuni.


p.1209

{MS folio 275a} Fo chen dúib or se. messe Cuano. Fe amai or seat. nit ricfam.{MS folio 275a 50} Ro scichis deit féin. Bia marb ria cind bliadna. Doratad iarum in{MS folio 275b} cath. Lonan im aníar i n-agid Chúanach. Ro memaid tra ria
35870] maccaib Cathail as Indiu Mór co lLuachair nDedad. Ro memaid dano re maccaib Aeda sair co Cend Currig. Adogrind im Lonan{MS folio 275b 5} inní Chuanaig. i nDubid immatarraid dóib. Dobeir Cuanu forgab for Lonan co mbuí triit Oc soud do Chuanaig ass docuiredar cuilend athorbai i ngabol Chuanach conatarla faen. Dober dano Lonas
35875] {MS folio 275b 10} fuasma do gai mór indseom. & ni thuidchid de co tall a chend de. Is and asbert Mac Mo Cherda.

    1. Dresfid huinnius & fern.
      do taig indiu a Ruithchern.
      biaid brattan fuidb im nech.

      35880] fo daig ilmonsa Cuanach.
    2. Sescand Cluana maccú Birnd.
      dobert Bodb echt n-amra n-ind.
      deccaid i tóeb ind lenai.
      {MS folio 275b 15} lecht Cuanach meic Cailchenai.

    3. 35885] A chuilind ind athforbai
      rolais ar cossa amrai
      olc sén uare ardotbí
      aithechthuathi dia slabrai.
    4. Is úarach

      35890] innocht aithgelach Cúanach.
      a dagben in banna bán.
      a ingen a oínmaccán.

{MS folio 275b 20} Ba fir son niro an aice in n-aidchisin acht in triarsin. Aided Cuanach meic Ailchini in sin.,


p.1210