35670] {MS folio 273b 1}
BUI rí fírén forglide fíal fossad flaithemda i n-ardrígi for Herind .i. Niall Frossach mac Fergaile. Ba maith Heriu fria remis. Boí{MS folio 273b 5}
mess & class & íth & blicht fria lind & boí cach óen fora duthaig oca.
Dorecmacht fecht n-óen and móraenach i Taltin lais co forglu fer
nHerend imme. Ra córaigit dano ríg rogmara & rigna rosclethna &
35675] {MS folio 273b 10}
tóisig na túath. & a n-airig. for foradaib airegdaib ind oenaig. Batar im maccaími & dreittil & láith gaile na nGaedel for dírmaib
dronaib tendroscachaib ic ferthain graffand issind óenuch.
A mbatar and dofic ben do saigid in ríg & mac na hucht. & dobert{MS folio 273b 15}
i n-ucht in ríg. Ar do rígi & ar do flaithemnas or si finta damsa tria
35860] firinni flatha cóich athair collaide in meicsea ar ni fetarsa fessin. Ár thongimse féin fót firinni flathasu & fón ríg follomnaiges ind uli{MS folio 273b 20}
dúil nach fetar cin o ferscal fri hilbliadna innassa. Tochtais in rí
andside. In dernais lanamnas rebartha ri mnaí aile for se. & na ceil
or se ma dorónais. Ni chel or si. Doringnius.
Is fír ar in rí ra chomraic in bensin ri fer in n-uair remi. & in
35685] {MS folio 273b 25}
chompert ro facaibside accisi rolásaide. rolaside triasin comsuathad
it maclocsu. Coro chompert it broindsiu. Is é in fersin athair do
meicsiu. & fintar cía eside.
A mbátar and dano co cualatar in fothrum assind áer cucu &
35690] {MS folio 273b 30}
co nfaiccet in fuath & in n-irchóit n-anachnid oc tuttim for lar ind oenaig coro chuir scuru & daíni for teiched. Connar thairis issind
oenuch acht in rí & úathad malle ris.
Crét tú ar in rí Dune ar se. Cid dottuc fon innassain ar in rí{MS folio 273b 35}
Ni handsa ar se. Sacart Insi Bó Finni me a bunud. & tech doronad
35695] acum & nirb áil dam sáer isin domun do thabairt do denam a erscoir. Co tánic demon for deilb duine dom saigid & co nderna erscor issin{MS folio 273b 40}
taíg. & niro gab logidecht aile. acht slectain do. & ro slechtusa dó
{MS folio 273b} iar sain. & rom gabsa andside miad & borrfud. & dom thanic tond
diummais. & tucad luad for luamna fom. & romfucsat na demna leo.
35700] {MS folio 273b 45}
& batar accom follomnugad fri re.uii. mbliadan innossa. In tan iarum rucaisiu in mbreith fíren forglide í mbuaruch forsin nmaí
dodechaid dott ail is anddonrala ni uasutsu. indé iarum tánic ditsu{MS folio 273b 50}
ar th'imdergad foloiside i n-ardda coro scaíl na demna for cach{MS folio 274a}
leth. & niro fétsat m' fastudsa. occo issind aer co tudchadsa for
35705] lár amal atchisiu & corom saerad tria firinni do flathasu. & iss í ind {MS folio 274a 5} firbreth rucaisiu or se forin lenam.
Ro saerad in sacard & rofess athair na noíden tria breith in ríg
fon cummasain. Bá la gein ind rígsain ro fersat na tri frossa .i. fross
argit a gil. is deside ro cumtaigit scrína & ethla náem Herend. & fross
35710] fola for glend Lagen. & fros chruthnechta.
Unde Fland Frossach