Corpus of Electronic Texts Edition
Book of Leinster, formerly Lebar na Núachongbála (Author: [unknown])
section 9
34590] {MS folio 261b 25} Incipit Mesca Ulad.
O Doriactatar Meic Miled Espaine Herind. Tanic a ngáes
timchell Tuathi De Danand. Curu leiced Heriu ar raind
Amairgin Glúnmáir meic Miled. Uair is samlaid ro baiside{MS folio 261b 30}
rígfili & rígbrithem. Curu raind Herind dar dó & co tuc in leth ro
boí sís d'Herind do Thuaith De Danand. & in leth aile do maccaib
34595] Miled Espain da chorpfini fadéin.
Dochuatar Tuath De Danand i cnoccaib & sidbrugib cura accallset{MS folio 261b 35}
sída fo thalmain dóib. Barfacsat cúicfiur díb ar comair caich
cóicid i nHerind ic mórad chath & chongal & áig & urgaile etar maccu
34600] Miled. Baracsat cuiciur díb ar comair cúicid Ulad in tsainruth. Anmand in chuicfirsin. Brea mac Belgain a Drommannaib Breg.{MS folio 261b 40}
Redg Rotbél a slemnaib Maige Ítha. Tinnell mac Boclachtnai a
Sléib Edlicon. Grici a Cruachán Aigli. Gulban Glass mac Gráci a
Beind Gulbain Guirt meic Ungairb.
34605] Barimmartatar sin inlach eter chúiced Ulad. imma raind i trí in {MS folio 261b 45} tan is ferr ro buí in cúiced .i. ra lind Conchobuir meic Fachtna
Fathaig. Is iat ra roind in coiced ra Conchobor a dalta fadessin .i.
Cu Chulaind mac Sualtaim. & Fintan mac Neill Níamglonnaig a Dún
Da Bend. Is é raind tucad ar cúiced a Cnucc Uachtair Forcha risa
34610] {MS folio 261b 50}
ráter Uisnech Mide. cu tailmedon Trága Baile. cuit Con Culaind din chuiciud. Trian Conchobuir im á Thráig Bali co Traig Tola i{MS folio 262a}
nUltaib Trían Fintain. ó Traig Tola cu Rind Semni & Latharnai.
Bliadain don chuiciud amlaidsin ina trí rannaib. Co ndernad feiss
na samna la Conchobor i nEmain Macha. Ba sed mét na fledi. cét
34615] {MS folio 262a 5}
ndabach do cach lind. Atbertatar áes gráda Conchobuir nar furáil mathi Ulad uile ic tomailt na fledisin ara febas.
Is í comairli doringned la Conchobor Lebarcham do faidiud ar
cend Con Culaind co Dún nDelga & Findchad Fer Bend Uma mac{MS folio 262a 10}
Fraeglethain d'faídiud ar cend Fintain meic Neill Niamglonnaig co
34620] Dún Da Bend. Rosiacht Leborcham co Dún Delga. & atbert ra Coin Culaind
tuidecht d'acallaim a chaemaite. cu hEmain Macha. Is amlaid buí
p.1172
{MS folio 262a}
Cu Chulaind & comfled mór ace do lucht a chrichi fadessin. i nDún{MS folio 262a 15}
Delga. & atbert na ragad. acht bith oc frithalim lochta a chríchi
34625] fodesin. Atrubairt Emer Foltchain ingen Forgaill Manach in tsessed ben is ferr tarraill Herind. na dingned acht dul d 'acallaim a aite
Conchobuir. Atbert Cu Chulaind a eich do gabail dó & a charpat do
indell.{MS folio 262a 20}
Is gabtha na eich & is innilti in carpat ar Laeg nit infuirig cusin
34630] anuair nadat torbad dit gaisciud. Cing and ind uair bas ail duit. Gebaid Cu Chulaind a threlam gaiscid immi. & faleblaing ina charpat.{MS folio 262a 25}
imrulaid remi Cu Chulaind i tremdirgi na sliged. i n-athgardi na
conar. cu hEmain Macha. & tánic Sencha mac Ailella d'ferthain
fáilti ra Coin Culaind ar fagthi na hEmna. Is íseo falti ferastar fris.
34635] Mo chen bithchen do thíchtu a chend sochair slúaig Ulad. a éo {MS folio 262a 30} gaile & gaiscid Gaedel. a meic dil drongaich dornchorcra Dechtini.
Fálti fir connaig ascid sin bar Cu Chulaind. Is sed écin bar Sencha
mac Ailella. Apair ca hascid connaigi ar Cu Chulaind. Atbér acht co
rabat glinni mo dingbála ria. Apair ciata glinni condaigi dar cend
34640] {MS folio 262a 35}
frithaisceda damsa. Na da Chonall & Loegaire .i. Conall Ánglonnach mac Iriel Glunmair. & Conall Cernach mac Amairgin. & Loegaire
Londbuadach. Ra fornaidmed forna coraibsin inn ascid dar cend{MS folio 262a 40}
frithaisceda do Choin Chulaind. Cata cuir condaigisiu rit frithaiscid
bar Sencha. Na trí gillai óca ána airegda. Cormac Condlongas
34645] mac Conchobuir. Mes Dead mac Amairgin. Eochu Cendgarb mac Celtchair. Is sed connaigimse ar Sencha mac Ailella. In trian fil it
láim do Ultaib do lecud úait ra bliadain do Chonchobur diamba{MS folio 262a 45}
ferddi in cuiced a bith aci ra bliadain. ní hindsa uair is é in
tipra na telluch thechtaide é na fétaither d'áthgud na d'éligud. úa
34650] ríg Herend is Alban. sech dambad ferddi in coiced a bith ace ra {MS folio 262a 50} bliadain ní hindsa a bith ace. & mani ferddi. scolfa minmac lind a
chor fora trian fein i cind bliadna.
Doriacht Fintan mac Neil Niamglonnaig. Airichlis Cathbath {MS folio 262b}
druí degamra. Ra fírastar failti fris. Mo chen do thichtu a óclaíg
34655] alaind amra a phrimgascedaig ollchuicid Ulad risná gabat dibergaig na hanmargaig na hallmaraig a fir ocharimmil chuicid Ulad.{MS folio 262b 5}
Fáilte fir connaig ascid sin ar Fintan. Is ed écin ar Cathbad.
Apair conat raib ar Fintan. Atbér acht conam rabat glinni mo
dingbala ria. Apair cata glinni connaigi. dar cend frithaisceda
34660] damsa ar Fintan. Celtchair mac Uthidir. Uma mac Remanfisig a Fedain Cualngi. Errgi Echbél a Brí Errgi. Ra fornaidmed forna
p.1173
{MS folio 262b 10}
coraibsin. Apairsiu fadechtsa cata cuir geba frit rithascid a Fintain.
Tri meic Uisnig anglonnaig. tri aenchaindli gascid na hEórpa.{MS folio 262b 15}
Noisi & Anli & Ardan. Ra fornaidmit na glinnisin leith for leth.
34665] Táncatar is tech i mbaí Conchobor .i. is Teite mBrecc. Is rí Ulad Conchobor ifechtsa ar Cathbath. ma thuc Fintan a thrían dó is
sed ar Sencha ar tuc Cu Chulaind. Mas sed or Cu Chulaind ticed{MS folio 262b 20}
d'ól & d'óebinnius limsa ar is í mo rithascid. Cadeat m'acsinesea
& m'urnadmand ar Fintan. in tráth lamair a radsin. Tincsetar
34670] glinni cechtar n-aí díb cu barbarda. & ba sed barbardacht na comergi co mbaí nónbor i ngonaib & nonbor i fuilib. & nonbur ra
hulibásaib. eturru for leth.{MS folio 262b 25}
Atrácht Sencha mac Ailella & barocroth in craíb sídamail
Senchada. comba taí tastadach for Ultaib. Romór debthaigthi ar
34675] Sencha. úair ní rí Ulad Conchobor co cend mbliadna. Dogenamni sin ar Cu Chulaind acht na tísirsiu etraind i cind bliadna. Ni thargsa{MS folio 262b 30}
ón ar Sencha. Fornaidmis Cu Chulaind fair. Damnatar la tri
laaib & aidchib ic ól na coibledisin Conchobuir. co tarnacar leo.
Lotar da tigib & dúnib & dagárasaib ar sain.
34680] Intí thanic i cind bliadna ro boí in coiced ina thopor thuli & {MS folio 262b 35} techta ac Conchobor. conna rabi aithles fás fal.am otá Rind Semni
& Latharnai co Cnocc Uachtair Forcha. & co Duib & co Drobais.
cen mac i n-inad a athar & a senathar ic tairgnam da thigernu
duthaig.
34685] Is and so dorala caínchomrád eter Coin Culaind & Emir. Atar lim {MS folio 262b 40} ar Emer is ardrí Ulad ifectsa Conchobor. Ni liach ciambad ed ar
Cu Chulaind. Is mithig a choibled rígi do denam dó badechtsa ar
Emer. ar is rí co suthain é Dentar dí bar Cu Chulaind. Doringned
in choibled co mboí cét ndabach do cach lind inti. Is in tan cetna
34690] {MS folio 262b 45}
rachomarléic Fintan mac Neil Niamglonnaig a choibled do denam co mboí cét ndabach do cach lind inti. & corbo éim & corbo ellam
i n-oenló ra fuaprait & i n-oenló rapsat irlama. i n-oenló ra gabait
a n-eich dóib & ra hindlit a carpait. Taisechu rosiacht Cu Chulaind{MS folio 262b 50}
co hEmain. Ní tharnacar acht a eich do scur inn úair doriacht
Fintan. & tanic reme i nEmain. Is and boí Cu Chulaind ac tócuriud
34695] {MS folio 263a}
Conchobuir ar ammus a fledi. inn úair doriacht Fintan.
Cadeat mo chuir & mo glinni inn úair lamair sút do rád. filem sund
ar meic Uisnig. ic comergi. Cid messe bar Cu Chulaind. ní hamlaid{MS folio 263a 5}
atú cen ratha. Atraachtatar Ulaid co barbarda ara n-armaib. ár
34700] nar lam Sencha érgi eturru. raptar essídaig. Nara chumaing Conchobor ní dóib. acht in phelait rígda i rrabatar d'fácbáil leo. &
rata linestar mac dó diarbo chomainm Furbaide mac Conchobuir.{MS folio 263a 10}
Is amlaid ro buiside Cu Chulaind rotan ail. & banéclastar Conchobor
p.1174
{MS folio 263a} fair. maith a meic bar Conchobor diambad áil dait ticfad dít Ulaid
34705] do sídugud. Cinnas eside bar in mac. & coí & tuirsi do denam I fiadnaisi do chaemaiti Con Culaind. ór ni rabi d'écin catha na{MS folio 263a 15}
comlaind fair nach fortsu bias a menma. Sois in mac for cúlu &
dogní coí & tuirsi i fiadnaisi a aiti Con Culaind. Confócht Cu Chulaind.
cid nod boí Atbert in maccáem ri Coin Culaind. in tan atá in cóiced
na thopor tuli tussa 'ca adgell. & 'ca admilliud. ar aí cloechlód
34710] oenaidchi. Tucus mo brethir ris bar Cu Chulaind & ni taris ticfaither.{MS folio 263a 20}
Daongsa mo brethir ar Fintan. na lecob d'Ultaib cen taidecht lim
innocht. Bagebsa comarli amra dúib dá lamaind a labra far Sencha
mac Ailella. In cetleth dond aidchi do Fintan. & in leth dedenach
34715] {MS folio 263a 25}
do Coin Chulaind. ar thoirsi in meic bic do chosc. Lecfatsa fair bar Cu Chulaind. Anfatsa fair dano bar Fintan.
And atractatar Ulaid im Chonchobor. & faidis téchta fan cúiced
do thochostul lochta in choicid co cobfleid Fintain.
Luid Conchobor fodéin co craisluch na Craibruade imme co
34720] {MS folio 263a 30}
Dún Dá Bend co tech Fintain meic Niamglonnaig. Doriachtatar Ulaid do thochastul na fledi connach baí fer lethbali i nUltaib na
toracht and. Is amlaid tancatar cach briugu cona bantuilg. Cach
rí cona rígain. cach fer ciúil cona chomadas. Cach ségaind cona
banségaind. mar ná risad acht dám nónbair in bali is amlaid ra
34725] {MS folio 263a 35}
frithálit. Ro bátar cotaltigi caema cumtachda cruthglana ria n-airchill. Ro batar gríanána álli ardda essarda do aín & do úrluach-
air. & sluagthigi sithata. Cuchtarthigi lethna luchtmara. & bruiden{MS folio 263a 40}
brec bélairsiung is sí lethan luchtmar lánmór. is sí chulach
chernach cethardoirsech inra thaillset mathi Ulad etar mna & firu.
34730] ic ól & ic aíbnius. Ra doirtea airigthi bíd & lenna dóib cu riacht praind cét de biud & de lind cach nonbair díb.{MS folio 263a 45}
Ár sain ra hairecrad a óltech la Conchobor ar gnímaib. ar
irrannaib & cenelaib. ar grádaib & dánaib & ar chaínbésaib im
choemchostud na fledi. Tancatar rannaire ra raind. & deogbairi ri
34735] {MS folio 263b}
dáil. & dorsidi ri dorseoracht. Ro canta a céoil & a n-airfiti & a n-intlassi. Gabtha a ndúana & a ndréchta & a n-admolta dóib.
Ra fodailte séoit & maíni & innmassa dóib. Is and so atrubairt
Cu Chulaind ra Láeg mac Riangabra érig remut a mo phopa Laíg.{MS folio 263b 5}
faircsiu lett renna aeoir. finta lat cuin ticfa midmedon aidchi. ár
it menic i crichaib ciana comaidchi 'com óit & 'com forairi. Ra
34740] erig Laeg remi immach. Ro gab ac midem & ic mórdescin noco{MS folio 263b 10}
tánic medon aidchi. Feib thanic medon aidchi Tanic Láeg is tech
p.1175
{MS folio 263b}
remi aitt i rrabi Cu Chulaind. Is medon aidchi fadechtsa a Chú
na cless ar se. Mar rachuala Cu Chulaind ra innis do Chonchobur
34745] & sé san fochlai fennida na fiadnaisi. Atraacht Conchobor ra beind {MS folio 263b 15} breccsolais buabaill. Ba taí tastadach ar Ultaib. á 'tconncatar in
ríg na sessam. Ba sed a thaidecht bátar dá tairnad snathat a féci
for airlár co cluinfide.
Oen do gessib Ulad labrad riana ríg. & óen do gessib in ríg labrad
34750] riana druidib. Is and atbert Cathbad drui degamra. Cid and sin {MS folio 263b 20} a ardrí Ulad airegda a Chonchobuir. Cu Chulaind ann so. is mithig
leis dol d'ól a ledi Diambad maith leis bennachtu Ulad i
n-óenbaile da thuillem. & ar faind & ar mná & ar maccaími d'fácbáil.
bud maith ar Cu Chulaind acht co tisat ar curaid & ar córaid &
34755] {MS folio 263b 25}
ar cathmilid & ar n-áes cíuil & dána & airfitid lind. Atraachtatar Ulaid érgi n-aínfir ara fachthi fondchrúaid immach.
Maith a mo phopa Laíg ar Cu Chulaind tabair séol étrom forsin{MS folio 263b 30}
carpat. Bátar teora búada airaidechta forsinn araid inn úairsin
.i. immorchor ndelend. & foscul ndíriuch. & léim dar boilg. Maith
34760] a phopa Laíg ar Cu Chulaind. saí brot n-áig forsan echraid. memaid banbidgud bodba d'echraid Con Culaind. Tancatar echrada Ulad{MS folio 263b 35}
fora n-athiris & iss ed so ro gabsat i fachthi Dúni Dá Bend.
do Chathir Osrin. do Lí Thúaga. do Dún Rígáin. d'Olarbi. & ra
hur nOllarbi i mMag Macha. I Slíab Fúait & i nÁth na Forari. do
34765] Phort Nóth Con Culaind. i mMag Murthemni. i Crích Saithi. dar {MS folio 263b 40} Dubid. dar sruthair na Bónni. i mMag mBreg & Mide. i Senmag
Léna in Mucceda. i Claithar Cell. dar Brosnachaib Bladma. a clé
ra Berna Mera ingini Trega risater Bernán Ele indiu. A ndes ri
Sliab nEblinni ingini Guaire. dar Findsruth risa n-apar Aband
34770] {MS folio 263b 45}
hua Cathbath. i mMachaire Mór na mMuman. dar Lár Nartini. & i Smertaini andes. na findcharrgib Locha Gair. dar sruthlind
Mági. co Clíu Máil meic Ugaine. i crích na Desi Bice. i ferund Con{MS folio 263b 50}
Ruí meic Dáire. Cach tailach dara tictis na múrtis co fáctais ina{MS folio 264a}
fóenglenntaib cach fidbad dara tictís no thesctaís rotha iarnaide
34775] na carpat frema na ralach romór comba crích machairi da n-éis. {MS folio 264a 5} Cach sruth & cach áth & cach inber dara tictís ba lecca lomma
lántírma dara n-éis ra hed cían & ra dréchta fata. ra mét na
bertís a n-echrada ra n-irglúnib. na hessa & na hátha & na hinbera
assa corpaib fodein.
34780] Is and sin atbert Conchobor rí Ulad. ní fúarammar in sligese {MS folio 264a 10} eter Dún Dá Bend. & Dún Delga. Doberam ám ar mbrethir ar
Bricni acht is airdarcu dúin sanas na da neoch aile éigem. indar
p.1176
{MS folio 264a 15}
lind ni ar crích Ulad uili itám itir. Doberam ar mbrethir and ar
Sencha mac Ailella. nach ar crích Ulad itir itaam. Doberam ar
34785] mbrethir ar Conall cunad fír. Is and sin tendsat araid Ulad a nglomraigi i mbélbaigib a n-echrad
an chétchairptech cossin carptech ndedenach. Co n-ebairt Conchobor.{MS folio 264a 20}
cia forindfad dún ca crích ina fuilem. Cia farindfad duit ar
Bricriu acht Cu Chulaind. Uair is é atrubairt na rabi tricha cét
34790] na dernad argain cét cacha trichu cét. Dimsa thic a Bricri ar Cu Chulaind. Ragatsa ar Cu Chulaind. Luid Cu Chulaind co Druim
Collchailli risa n-apar Áni Cliach. Apair a phopa Laíg in fetarsu{MS folio 264a 25}
ca crích ina fuilem. nad fetar són am. Barfetarsa ám ar Cu Chulaind.
Cend Abrat Slebi Caín seo thess. Sleibti Eblinni seo thairthúaid
34795] Lind Lumnig in lind solosmór út atchí Druimm Collchailli seo i {MS folio 264a 30} fuilem risi n-apar Áni Chlíach i Crích na Dési Bici riund andes
atá in slúag i Clíu Mail meic Ugaine. i ferund Con Ruí meic Dári
meic Dedaid.
I comfat ro bátar immisain. snigis tromsnechta dermár for
34800] Ultaib co rránic co formnu fer & co fertsib carpat. Dorigenta furopra {MS folio 264a 35} ic aradaib Ulad. colomna cloch do thócbáil eturru. ar scathaib a
n-ech. eturru & in snechta. cundat marthanaig béos Echlasa Ech
Ulad o sin ille. Cunad d'indchomarthaib in scéoil sin.
Lotar rempu Cu Chulaind & a ara .i. Loeg. cunice bail i rrabatar
34805] {MS folio 264a 40}
Ulaid. Ceist dí bar Sencha mac Ailella. ca crích inad fuilem. Itaam ar Cu Chulaind i Crích na Desi Bice i ferund Chon Rui
meic Dari i Cliu Máil meic Ugaine. Ar mairg deside ar Bricni. &
mairg Ultu. Na hapair a Bricni ar Cu Chulaind. ár bératsu éolas{MS folio 264a 45}
do Ultaib i frithdruing na sliged cétna cu roissem ár mbidbadaib.
34810] riasiu bus lá Mairg Ultu arro genair ar Celtchair mac Uithidir in gormac. dobeir in comairli. Ni fetamar ar Fergna mac{MS folio 264b}
Findchonna far rí Burig Ulad comairli merbi na mettachta
na mígascid acut d'Ultaib ríam a Chu Chulaind cusinnocht.
Mairg a téit intí dobeir in comairli far Lugaid Lamderg mac Leti.{MS folio 264b 5}
rí Dáil Araide. cen inad rend & arm & faebur do denam de. Ceist
34815] cena far Conchobor. cid as áil dúib. Is áil dún ar Celtchair mac
Uithidir bith lá co n-aidchi issin chrích inad fuilem. Uair massi
madma lind dula esti. uair ní slicht sinnaig i feóraind vel i fasaig na{MS folio 264b 10}
fidbaid ocaind. Apair dí a Chu Chulaind ar Conchobor. Ca hinad
34820] longphoirt as chóir dúin lasin lá co n-aidchi seo. Oenach Senchlochair sund ar Cu Chulaind. & ní hinbaid oenaig ind inbaid garb gemretta
p.1177
{MS folio 264b}
so. & Temair Luachra for leccaind na hIrluachra. & iss inti atát
na histoda. & na forgnama. Dula cu Temair Luachra dí is cóir and{MS folio 264b 15}
ar Sencha mac Ailella.
34825] Lotar rempu i tremdirgi na sliged cu Temair Luachra & Cu Chulaind d'eolas rempu. Cid Temair Luachra már fás ríam vel iaram hí{MS folio 264b 20}
ní ind aidchisin rop falam. Ba dethbir ón. Úair mac rucad do
Ailill & do Meidb dárbo chomainm Mane Moepirt. & tucadside ar
altram do Choin Ruí mac Dáre. & dollotar ind aidchisin .i. Ailill &
Medb. co mathib a cóicid leo d'ol i cind mís in meicsin. Cia ro bátar
34830] {MS folio 264b 25}
sin uile and ro buí Eochu mac Luchtai cona choiciud and. & dano
ro buí Cú Ruí mac Dári co clannaib I edad uili. & cia ro bátar sin
uile and ba ben fattech Medb in bangaiscedach ingen ardrig Herend.{MS folio 264b 30}
.i. Echach Feidlig. Bátar da dercaid & da druid oc foircomét di.
34825] Ba sed a n-anmandside .i. Crom Deroil & Crom Darail. da dalta do Chathbath druid degamra.
Is and barecmaing dóibsin bith ar múr Temra Luachra in tansin ic
fegad & ic forcomet. Ic midem & ic mórdescin for cach leth uathu.
Is and sin atbert Crom Deroil. innat arfaid inní tarfáid damsa. Cid
34840] ní ar Crom Darail. Atar lim at ruibni ruadgascid & ám hám sochaide {MS folio 264b 35} atchiu dar leittrib na hAirluachra anair. Nírb urail lim lom cró
& fola issin mbél tacras sin. ar Crom Darail. Uair ni sluag na sochaide
sin acht na daire romóra secha tancamar indé Dambad ed iat cid
fotera na carpait rígda romóra fothu. Nidat carpait sin ar Crom
34845] {MS folio 264b 40}
Darail. acht na rígrátha secha tancamar. Diambtís ratha íat. Cid fotera na scéith áilli oengela intib. Nidat sceith etir ar Crom Darail.{MS folio 265a}
acht na colomna cloch filet i ndorsib na rigráth. sin. Díambtis
colomna iat ar Crom Deroil cid fotera immad na rend ruadarm uas
brontib mórduba in mórsluaig. Nidat renna sin etir ar Crom Darail.
34850] acht uiss & altai na crích cuna mbennaib & cona congnaib uasa. {MS folio 265a 5} Diambtis uiss & altai iat ar Crom Deroil. Cid fotera na cuiret a ngrega
d'fotlaigib assa craib conid fordub cu aér n-enadbul uasa cennaib.
Nidat grega sin ar Crom Darail acht alma & eiti & innili na crich arna{MS folio 265a 10}
lecud asa faltaigib & a fidbualtib. uair is arna geltaib sin tairisit na
34855] heoin & na hethaiti forsin tsnechtu. Mo chobais masat eoin & ethaiti iat ni himmirgi óenéoin.
p.1178
- {MS folio 265a} Masat elta co ndath elta
ní himmirgi óenéoin;
atá bratt brec bánóir
34860] andar let im cach n-óenéon
- Masat elti glenna garba
asna renna rodba;
{MS folio 265a 15} nidat uati slega serba
uasna beraib bodba.
-
34856] Dar lim nidat frossa snecta.
acht mad fir bic becta.
atát ina ngrindi garta.
uasna rinni recta.
fer fa cach starga cruaid chorcra
34870] is adbul inn elta; M.
{MS folio 265a 20} Acus na héligsiu ar Crom Deroil. etir missi. uair is mi ata ar
fírinni. á thecait sech rennaib na ndairi na hIrluacra anair. cid ros
crommad menbatís doeni. & is amlaid ro boí acond éligud & bacachain
in laid seo.
-
34875] A Chruim Darail cid atchiu
tresin ceó
cia forsata in mana cró
iarsin gleo
- Ni cóir deit immarbáig rim
as cach raind
{MS folio 265a 25} aterisiu a duni chruimm
at muni maill.
- Masat muni bít i fus
ina tast
risatresat munip liss.
34880] da dul ass.
- Masa dairi feda feirn.
as chaill chairn.
ni luadfitis sligi nduilb
diambtis mairb.
- Uair nachat mairb garg a ngléo.
garb a llí
luadit maigi. is feda feo
uair isit bí
- {MS folio 265a 30} Diambtís craind da chendaib cnocc
34885] cu ngnim glecc
ni luadfitis leithet bruitt
diambith brecc.
p.1179
- {MS folio 265a} Uair nachat craind gránna a muirn
gaind nach dailb
fir cu múadaib
as fir fern rúada a n-airm.
- Mas ar druim ech ndond atát
drong sreth sníit.
{MS folio 265a 35} masat cargi is luath rait.
34890] at ruad masat liic.
- Cid datá neim ar cach barr
báig derb dond.
a 'taregat sechin rind
cid ros crom. A.
Atchuala Cú Rui mac delbchain Dari imresun in da drúad ar
múr Temra Luachra ara chomair immach. Ni bar oenscéol atát
34895] {MS folio 265a 40}
na druidse immaig ar rí in domain. Cú Ruí mac delbchaín Dari. Is and sin ra chomerig grian sech comchruinni in talman. Is follus
dhúin innossa in sluag ar Crom Dérail. Atracht grían ra lecnib na
hIrluachra. & is amlaid ra buí 'ca rád & ro chachain in laidsea. &
barecart Cú Ruí im enrand é don laíd.
-
34900] {MS folio 265a 45}Atchiu Luachair línib sliab
taitnid grian tulgorm re taíb.
is óic imriadat do chéin
eter moin céir & craib.
- Mas elta fiach sut tair thall.
34905] mas elta tradna tromm
mas elta druiti labor
mas elta chadan na chorr.
- Masa elta giugrand gúr.
masa elta gési gér
34910] {MS folio 265b} is fata uadib cu nem
is garit úadib co fér.
- A Chu Ruí meic Dári dil
a fir imthéit sále sreb
apair or is ferr do chiall
34915] ca rét imthic in sliab sen.
- In da dercaid in da druí
is adbul a céo;
{MS folio 265b 5} is uil úamnaigi atascí
is luamnaidi a ngléo.
p.1180
-
34920] {MS folio 265b} Masat cethrai corniga cais.
masat cargi cruada cniss;
masa chaill dubgorm thana.
masa thondgur Mara Miss.
- Masat cethra co ndath chethra.
34925] ni himmirgi oenbó
ata fer borb bertas broengó
ar druim cacha oenbó
- {MS folio 265b 10} Atá claideb cacha bó
's a sciath da leith chlíu;
34930] atat meirci cruaid ra cruaid
uasna buaib atchiu. A.
Ní cian ro batar and in da druid & in da dercaid cu remid banbidcud
bodba don chetna braini dar glend anall. Ba sed a barbardacht{MS folio 265b 15}
atraachtatar cuna fargaib sleg ar aidlind na scíath ar berraidi ná
34935] claideb ar alchaing i Temair Luachra na torchair. Cach teg ara rabi tuigi i Temair Luachra atrochair na linbrattaib dermáraib de. Ba{MS folio 265b 20}
samalta combo ní in muir tísad dar múraib & dar cernaib in betha
chucu. Ra sait gnethi da gnúisib & ra buí crith ar détaib i Temair
Luachra ar medón. Atrochratar in da druid i nnélaib & i tassib & i
34940] tamlecht. Fer díb dar múr immach. Crom Darail. & Crom Deroil dar {MS folio 265b 25} múr innond. Et araí sin ra érig Crom Deróil & ra chuir súil darin
cétna mbraini tanic issin fachthi.
Tarblaingset in slúag forinn faidchi. & suidset i n-oenairctas
forinn achthi Snigis & legais in snechta tricha ferrthraiged ar cach
34945] leth uathu ra bruth na míled mórchalma. {MS folio 265b 30} Tanic Crom Deroil is tech i rrabi Medb & Ailill & Cú Ruí & Eocho
mac Luchta. & bariarfacht Medb can as tanic in t-armgrith darfanic
inn a haéor anuas. vel in dar muir aniar vel inn a Herind anair. Is a
Herind anair dar lecnib na hIrluachra cu demin ar Crom Deroil.
34950] {MS folio 265b 35}
Tachim sluaig barbardai nad etarsa indat Herennaig vel indat allmaraig. masat Herennaig & menbat allmaraig isat Ulaid. Nabad
achnid do Choin Ruí andsút ar Medb tuarascbala Ulad ar is menic{MS folio 265b 40}
ar écraitib & ar sluagedaib & ar thurasaib inna farrad é Ropad
aichnid ar Cú Rui acht co fagbaind a tuarascbala. Tuarascbail in
p.1181
{MS folio 265b}
chetna braini tainic issin mbali díb ám atá acumsa ar Crom Deroil.
34955] Tabair dúin dí ar Medb.{MS folio 265b 45}
Unsea ra dún anair anechtair ar Crom Deroil atchonnarcsa and
budin rígda romóir fiu ríg cach oenfer sin buidin. Triar i n-airenuch
na buidni. laech rosclethan rígda romór eturru bar airmedón.
samalta ra ésca 'na ollchóiciud déc a gnúis & a drech & a aged.
34960] {MS folio 266a}
Ulcha degablach findchael fair Folt tóbach dergbudi i forchengul
co fán a chulad leis. Lend chorcra chorrtharach immi. milech óir
ecair ina brutt uasa gelgualaind. léni de sról ríg ra grían a gelchnis.
Scíath dondchorcra co cobradaib óir buide fair. Claideb órduirn
34965] intussil leis. Sleg cuinseo corcarglan ina gelglaicc deiss deligthi. cona foga fogablach lé Certlaech da leith deis suillsithir ri snechta
a gnúis & a drech & a aged. Fer bec bradub dá leith chlí luchru són
cu mór. Fer find forsolus ic faebarchless chlaideb uastu. A cholg
dét aithgér urnocht issin dara láim dó A chlaideb mór mileta issin
34970] láim n-aill. Ras cuir immasech i n-urairdi & i n-ísli. gun benat foscud fri folt & fri leccainn in laích móir medónaig ariu ra sechat
talmain. ras geib in fer cétna ar rind ar uigib & faebraib.
Is rigda in tuarascbáil ar Medb. Is rigda in luct issa tuarascbáil
bar Cú Ruí Ced on cia sút bar Ailill. Ni handsa. bar Cú Ruí
34975] Conchobor mac Fachtna Fathaig rí díless dingbala Ulad hua ríg {MS folio 266a 20} Herend is Alban. in laech mór medonach út. Fintan mac Neil
Niamglonnaig fer trín Ulad da leith deiss. cunid soillsithir snechta
a gnúis & a aged. Cu Chulaind mac Sualtaim in fer bec brádub da
leith chlí Ferchertni mac Corpri meic Iliach in fer find forsolussin
34980] {MS folio 266a 25}
fil ic imbirt chless gaiscid uastu. rígollam de rígollomnaib Ulad sin. & cúlchometaid do Chonchobur o théit i crích a bidbad. Cipé
dambad áil a áil vel a accallam in ríg ni lemthar co n-elathar in fersin.
Unsea riu sain anair anechtair ar Crom Deroil. Atconnarcsa and{MS folio 266a 30}
triar n-álaind n-étrom & erriud fennidi impu. días óc aítidach díb.
34985] In tres gilla ulcha degablach dondchorcra fair. Nicon benat a drucht dind féor ar áthi & imetrummi imthancatar mar na facced nech don
mórslóg iat. & atchiat in sluag n-uile.
Is séim & is imétrom & is sídamail in tuarascbail ar Medb. Is séim{MS folio 266a 35}
iss is sídamail in lucht isa tuarascbail ar Cú Rui. Cia sút for Ailill
34090] Ni handsa ám bar Cú Rui. Trí sáermaccaémi Tuathi De Danand and sin bar Cú Rui. Delbaeth mac Eithlend. & Óengus Óc mac in Dagdai.
& Cermait Milbél. Tancatar sin dered aidchi indiu. da mórad áig
p.1182
{MS folio 266a}
& urgaile curas mescsat iat arin tslúag. & is fír cunna faccet in slúag{MS folio 266a 40}
iat & atchiatsom in slúag.
34095] Unsea riu sain anair anechtair ar Crom Deroil. Atchiu and buidin laechda langlonnaig co triur derscaigthi rempu. i rremthús. Laech
fíchda fordond and sin. & laech find fíralaind. & laech ruanaid rigthend{MS folio 266a 45}
trén. co fult tóbach dergbuide fair. cunid samalta ra cír mbethi ra
dered fagamair vel ra bretnasaib bánóir glantaitnem a fuilt. Ulcha
degablach dondchiar fair. samalta ra hed láma laích ar fat. samalta
35000] {MS folio 266b}
ra corcair lossa liac vel ra oíblib úrtheined a gnúis & a drech & a aged.
Tri scéith donderga míleta foraib. Tri mánaisi mára murnecha bar{MS folio 266b 5}
an barcaib leo. Tri claidib tromma tortbuillecha leo. Tri étaigi
cáema corcardai impu.
35005] Dar ar cubus is laechda & is curatta in tuarascbail ar Medb. Is laechda & is curatta in lucht isa tuarascbail ar Cú Rui. Cid ón cia sút
bar Ailill. Ni handsa. Tri prímlaich Ulad ind sin. na da Conall &
Loegaire. .i. Conall Anglonnach mac Iriel Glunmair, & Conall{MS folio 266b 10}
Cernach mac Amairgin. & Loegaire o Raith Immil.
35010] Unsea riusain anair anechtair bar Crom Deroil. Ataconnacsa and triar n-uathmar n-anachnid i n-airinuch na buidni. Tri lenti linecda
i caustul fri cnessaib dóib. Tri bruitt finnig liathodra i forcipul impu.{MS folio 266b 15}
Tri cualli iairn isna brattaib uasa mbraaib. Tri fuilt fordonna
fraechda forru. Tri glansceith odorda co caladbualtib finnuma forru.
35015] Tri slega slindlethna leo. Tri claidbi órduirn acaib. Ba samalta ri gláim con allmaraig i fathod srenbúrach craidi cach miled díb ra{MS folio 266b 20}
forcloistecht a mbidbad isin dunadsa.
Is barbarda 's is cauratta in tuarascbail ar Medb. Is barbarda in
lucht issa tuarascbail bar Cú Rui. Ced ón cia sút bar Ailill. Ni handsa
35020] bar Cú Rui. Tri taismidi catha Ulad and sin. Uma mac Remanfissig {MS folio 266b 25} a Fedain Chualnge. Errgi Echbél a Brí Errgi. Celtchair Mór mac
Uithidir a Raith Celtchair a Dún Da Lethglas.
Unsea riusain anair anechtair bar Crom Deroil. Atconnarc fer
súilech sliastach slinnénach sármór síthfata. co sarbratt lachtnai
35025] {MS folio 266b 30}
imbi. Secht ngerrchochaill ciara. comlemna imbi. girri cech n-uachtarach. libru cach n-ichtarach. Nonbur cechtar a da tháeb.
Lorg aduathmar iarnaidi na láim. Cend anbten furri. & cend álgel
ba sed a reba & abairti fuirmid in cend n-anbthen for cendar na
nonbor condas marband ra abraitiud n-oenuaire. Fuirmid in cend
35030] {MS folio 266b 35}
algen forru. condas bethaigend issinn uair chetna. Is ingnad in tuarascbail far Medb. Is ilrechtach intí 'sa tuarascbail
p.1183
{MS folio 266b}
bar Cú Rui. Cid ón cia sút bar Ailill. Ni handsa bar Cú Ruí in Dagda
Mór mac Eithlenn dagdia Tuathi De Danand. Da mórad áig & urgaile{MS folio 266b 40}
ra cummasc isin matin indiu forin sluag & ni faccend nech issin
35035] tslúag é. Unsea riusain anair anechtair ar Crom Deroil. Atchonnarcsa and
fer tailc tuillethan. Is é bailc bradorcha. is é drechlethan détsolus
cen erriud cen étgud cen armu cen faebru acht fuathbróc dondlethair{MS folio 266b 45}
degsúata. cu airbaccaib a da ochsal. remithir fer mór cech n-oen
35040] ball de. In corthi cloichisea immuich na fetat Clanna Dedad uile da thócbáil ra gat a talmain & daringni ubullchless án méor coa cheli{MS folio 267a}
de. Ra leic uad ra talmain feib ra leiced dlaí omthaind bar athi
& etrummi.
Is ruanaid rightend trén rochalma in tuarascbail bar Medb. Is{MS folio 267a 5}
fornirt cach 'sa tuarascbail bar Cu Rui. Ced ón cia sút bar Ailill.
35045] Ni handsa. Trisgatail trenfer sin .i. Trenfer tigi Conchobuir. is é
marbas na trí nónbair dá déccun anníaraid nammá.
Unsea riusain anair anechtair ar Crom Deroil. Atchonnacsa gilla
nua noidenda i cengul & i cubriuch. Trí slabraid cechtar a da choss.
35050] {MS folio 267a 10}
& slabrad cechtar a da lam. Tri slabraid imma bragit. & mórfessiur cecha slabraide conid inund & óenmórfessiur déc. Co mbeirsium
rompur ferda feramail cu trascrand in óenmórfessiur déc cunas
tairngend feib ro thairnged a comlín de bolganaib belca for áthi &{MS folio 267a 15}
etrummi. In tan atchluined boltnugud a námat in tan ra benad
35055] cend ind fir díb ra tailfót de thailfotaib in talman. vel risin carraic clochi. iss ed atbered in fersin ní da thetarrachtain gaili na gascid{MS folio 267a 20}
berair in rumpudsin, acht fá baltnugud in bíd & in lenna fil issin
dunudsa. na ngeibsium eill nári cu n-imthig athach leo co taí
tastadach conda bic in tond inburbi chétna.
35060] Dar ar cubus ar Medb. Is nemnech & is dochoisc in tuarascbail. Nemnech dochoisc cách issa tuarascbail bar Cú Rui. Ced ón cia é{MS folio 267a 25}
bar Ailill. Ni handsa mac na tri curad atrubart a chianaib .i.
Uma mac Remanfisig. Errgi Echbel. & Celtchair mac Uthidir. Is
éicen in n-airetsin da slúag ica chomét. a théit i crích a bidbad daig
35065] a gaili da chomus .i. Uanchend Arritech & níra slán acht a {MS folio 267a 30} oenbliadain déc. & nira chaith a chuit riam na tairced do cach
óen no bid issin taig.
Unsea riusain anair anechtair ar Crom Deroil. Atcondarcsa and
budin da daescarslúag oenfer eturru. Suasmael dubrintach fair
p.1184
{MS folio 267a}
mocolsúli móra oengela ina chind. Aged ethiopacda slemangorm
35070] {MS folio 267a 35}
aci. Bratt ríbáin i forcipul immi. frithchuman umaidi ina brutt
uasa braini. sithbacc creduma ina láim. Clucin ceolbind ina
chomaitecht. Bertaid a echlasc barin slúag co tárcend suba & sogra
dond ardríg & dond tslúag uili.{MS folio 267a 40}
Sothib & is fursidi in tuarascbail ar Medb. Sothib cách 's a
35075] tuarascbail bar Cú Rui. Cia sút bar Ailill. Ni handsa bar Cú Rui.
Róimid rígóinmit sin ar Cú Rui. Ónmit Conchobuir. Ni rabi d'esbaid
nach do chumaid ar duni d'Ultaib riam ara tucad da ari acht co
facced Róimid rígónmit.
35080] Unsea riusain anair anechtair ar Crom Deroil. Atchonnarc and {MS folio 267a 45} fer corcarda cétliath i carput chendphartech ás echraid uraird.
lend ilbrecc ingantach imbe. co n-imdénam órsnáith. Fail óir dano
cechtar a da lám Fánni óir im cach mér da meraib. Airm co
n-imdenam órda lais. noí carptig remi. &ix. carptig na degaid
35085] {MS folio 267b}
&ix. carptig cechtar a dá tháeb. Is urdnidi & is rígda in tuarasgbail ar Medb. Is rígda & is urdnide
tí 's a tuarascbail ar Cú Rui. Ced ón. cia sut bar Ailill. Ni handsa
bar Cu Rui. Blad Briuga mac Fiachna a Temair na hArdda. & is{MS folio 267b 5}
éicen na noí carptigsin imme. cach conair téit. ar ní eistensom
35090] ra hirlabra neich din tslog acht réa n-irlabrasom. gaíni a comrade do neoch aile acht dósom.
Unsea riusain anair anechtair ar Crom Deroil. Atconnarc and
budin rígda romóir. Oenfer ina airenuch sáic. folt fraechda fordub{MS folio 267b 10}
fair. ell n-ailgen issin dara hoil dó Cubur fola fordeirggi issind
35095] óil aile dói. frecra mín munterda in dara fecht. & frecra andiaraid in fecht aile. Onchú obeli cechtar a da gualand. Sciath taí tailgel
fair. Claideb gelnduirn leis. Sleg mór míleta ra aird a gualand inn{MS folio 267b 15}
uair ras geib a grith slegi. Dobeirseom béim d'erlaind in rogai bara
dernaind co maidend lán ármide meich de sponcaíblib tentidi dara
35100] slind & dara fográin inn uair ras geib a grith slegi. Cairi dubfola da lind aduathmar aidchi remi arna denam tria druidecht da folaib.{MS folio 267b 20}
con & catt & druad cu fobairthea cend na slegisin issind lind nemi sin.
In trath na thiced a grith slegi.
Darar cubus in tuarasgbail ar Medb. Is nemnech cach 's a tuar-
35105]
asgbail ar Cú Rui. Cid on cia sút bar Ailill. Dubthach Doel Ulad sin ar Cú Rui. Fer nara thuill buide ri nech riam. & inn úair is{MS folio 267b 25}
crech ac Ultaib ule. is crech acisium a oenur. In Luin lúathéchtach
Celtchair na láim ar íasacht. & cori fola forderggi rempi. arna
p.1185
{MS folio 267b}
loscedsi a crand vel in fer no biad fóthi meni fothraicthe sin choire.
35110] fola nemi hí & ic tarngiri chatha itási. {MS folio 267b 30} Unsea riusain anair anechtair bar Crom Deroil. Atconnacsa
and buidin aile. fer féta farsaid findlíath ina airenuchsaide. Bratt
glefind immi. co n-achárimlib argit oengil. Léni alaind oengel i
caustul fri cnes dó Maeldorn finnargit fa choim. Cráeb chréduma ra
35115] {MS folio 267b 35}
haird a gualand. Binnius airfitig inna guth. airlabra airard admall aci.
Darar cubus is brithemda & is gáeth in tuarascbail ar Medb. Is
gáeth & is brithemda cách 's a tuarascbail bar Cu Rui. Cid ón cia
sút bar Ailill. Ni handsa. Sencha Mór mac Ailella meic Maelchlóid.
35120] {MS folio 267b 40}
a Carnmaig Ulad. Sobérlaid fer in talman & fer sídaigthi slúaig Ulad. Fir domuin án turcbáil co funiud. no sídaigfed da thrí
findfoclaib.
Unsea riasain anair anechtair ar Crom Deroil. Atconnarc and
budin fég fíralaind. Gilla óc aítidach inna hairenuch. folt buide
35125] {MS folio 267b 45}
buanchlechtach fair. In breth na fetand in láech fil remi da brith. beridseom hí
Is gáeth & is glicc in tuarascbail ar Medb. Is gáeth & is glicc in
tí 'sa tuarascbail ar Cú Rui. Cia sút bar Ailill. Ni handsa. Caíni
cainbrethach mac Sencha meic Ailella sin & in breth na beir a
35130] athair & na fetand beridseom hí {MS folio 268a} Unsea riusain anair anechtair ar Crom Deroil. Atcondarcsa and
tríar úathmar allmarda co putrallaib imgerra urardda co n-étaigib
allmarda liathodar impaib. co tri gothnib umaidi i llámaib dessa{MS folio 268a 5}
leo. co trí lorggaib iarnaidib ina lámaib clí ni labair nech díb
35135] ri araile & ni labair nech din mórsluag riu. Is mogda allmarda in tuarascbail ar Medb. Is mogda & is allmarda
in lucht isa tuarascbail ar Cu Rui. Cid on cia sút ar Ailill. Ni handsa
ar Cu Rui. Tri dorsid rítigi Conchobuir and sin. Nem & Dall &{MS folio 268a 10}
Dorcha. Tuarascbail in chetna braini tanic issin fachthi dibsin.
35140] Nuchun airrecht in druí mór nimthathand a tuarascbail do thabairt ó sin immach.
Is iat Ulaid sút tra bar Medb. Is iat écin bar Cu Rui. In ra
samlaid riam na hiaram. vel in fail i tudchaisin vel remfaistini acaib.{MS folio 268a 15}
Nad fetamar má tá ar Cu Rui. I fail san dunud nech rafitir
35145] ar Medb. Atá sinser Cland Dedad bar Cu Rui .i. Gabalglinni mac Dedad fil is é dall .xxx. bliadan isin dunadsa ica gairi. Tiagar da
iarfaigid de in ra hairichlit. & iarfaigther de cia hairichill tucad{MS folio 268a 20}
forru. Cia ragas and bar Cu Rui. Táet Crom Deroil & Faenglinni
p.1186
{MS folio 268a}
mac Dedad. Tancatar rempu connice in tech ra bi Gabalglinni ica
35150] gairi. Cia so ar eseom. Crom Deroil & Faenglinni mac Deroil and so ar iat ga iarfaigid dítsu in ra bi i tarngiri vel i fastini a taidecht
Ulad vel in fail rithalim forru. má tá Is cian atá i tairngiri a taidecht{MS folio 268a 25}
ara rithailit. Is é a rithalim. Teg iarnaidi & da thech claraid immi.
& teg talman foí anís. & lecc imdangen iarnaide fairside & na fríth
35155] da chrín & do lassamain. & da gúalach ra timmairged issin tech {MS folio 268a 30} talman conid forlán. Iss ed ra thairngered dún co timmairgfitis
mathi Ulad i n-oenaidchi. issin techsain. Atát secht slabraid uriairn
sund fa chossaib ind lepthasa ra hairichill chengail & forríata a{MS folio 268a 35}
cengul dona secht coirthib failet forin faidchise immuich. Tancatar
35160] rempu issin tech. i mbaí Medb & Ailill & mathi na cuiced. & adfetaiter dóib mar ra airichlit Ulaid.
Tiagar d'ferthain failti riu. Nech uaitsiu & uaimse a Chu Rui
ar Medb. Cuich ragas and far Cu Rui. In dias cetna ar Medb. amp{MS folio 268a 40}
curap amlaid ferthair failte friu uaimse co mathib choicid Connacht
35165] & uaitsiu cu mathib da cuiced Muman. Dobersa cid aichni bar Cu Rui arinti receras in fálti in ra síd
vel in ra debech. Uair mad é Dubthach Doel Ulad receras is ra{MS folio 268a 45}
hessíd táncatar. Mad e Sencha mac Ailella recras is ra síd tancatar.
Lotar rempu conici bail i rrabatar Ulaid forsind faichthi.
35170] Mo chen bidchen do thichtu a ardrí ardectach ardúasal Ulad ar Crom Deroil ó Meidb & o Ailill & o mathib cuicid Connacht leo.{MS folio 268b}
Mo chen bithchen do thichtu a ardrí ardechtach Ulad ar Foenglinni
mac Dedad o coin Ruí mac Dari cu mathib da coiced Muman
failit tall isin dunud. Tarisi lind & tarisi risin ríg. ar Sencha mac
35175] {MS folio 268b 5}
Ailella. & ni do denam uilc na hirgaili tancatar Ulaid acht ar medarmesci á Dún Da Bend co Cliu Máil meic Ugaine. & nira miad
leo dul assin chrich co mbetís aidchi longphoirt inti.
Tancatar rempu cunice bal rabe Medb & Ailill & Cu Rui &{MS folio 268b 10}
Eochu cu mathib na tri cuiced. ra innisetar doib. Ra cuirit in
35180] t-aes dána & na hairfitig & lucht airgarrdigthi co hUltaib céin ro bas ic errad tigi doib. do gardigud & d'airfitiud doib. Ra curit
techta chucu da rad riu in laech bad ferr d'Ultaib do brith rogai{MS folio 268b 15}
tigi doib. Ra erig imresun dug ac Ultaib immi sin. Atraachtatar
cét curad comchalma díb ara n-armaib in n-óenfecht. Cura sidaig
35185] Sencha mac Ailella iat. Táet Cu Chulaind and ar Sencha. ba thómos a thigi thancabair & bid fora faesam curos tí arís.
p.1187
{MS folio 268b 20} Atraacht Cu Chulaind. Atraachtatar Ulaid ergi n-oenfir i
ndiaid Con Culaind. Sillis Cu Chulaind farin tech is mó ro baí 'sin
baili. Is eside in tech iarnaide immá rrabatar in da thech claraid.
35190] Tancatar lucht a frithalma chucu & ra hatód tor tened dermár {MS folio 268b 25} dóib. Ra deoraintea airigthi bíd & lenna dóib. Cach faicsi thiced
d'aidchi ra étlaitis lucht a frestail & a frithalma ar oenferaib uathu.
cu riacht in fer ndedenach coro iad in comlai da éis. Co tucait na
secht slabraid uriairn forsin tech. & ro cenglait dona secht coirthib
35195] {MS folio 268b 30}
cloch batar forsind fachthi immuich. Tucait tri coícait goband cona mbolgaib goband da gressacht in tened. Tucait a trí tim-
chuardda imman tech. ra hadnad in tene anís & anúas issin tech.
Co tanic robruth in teined trisin tech anís. Cura thromgairset in{MS folio 268b 35}
slúag immon tech. curba thaí tastadach for Ultaib. Cu n-ebairt
35200] Bricriu. A Ultu ca rét in bruth romór gabas ar cossa. acht is irdarcu damsa sanas ná do neoch aile égem. dar limsa atathar icar loscud{MS folio 268b 40}
anís & anuas. & is forríata in tegdas. Biaid cur da findfam bar
Triscatail Trenfer ic érgi. & ic tabairt bulli da choiss issin comlaí
n-úriairn bai rissin dorus. Nira chneit & nira geis & nira guais in
33205] chomra. Ni mandernais da fled d'Ultaib a Chu Chulaind bar Bricriu.{MS folio 268b 45}
dosratais i cró bidbad iat. Na gáb a Bricri ar Cu Chulaind. Dagensa
dom Chrúadin ni triasa ragat Ulaid uli immach. Sádis Cu Chulaind
a chlaideb co ránic conici a elta trisin tech iarnaidi & trisin da thech
35210] claraid. Tech iairn and so bar Cu Chulaind etar da thech claraid. Messu cach maín on bar Bricriu
p.1188