CeiSt cid dia tá Cophur na Muccide. Ni handsa. .i. muccaid
Ochaill Oichni. & muccaid Boidb rig síde Muman. alaile rí{MS folio 246a 20}
síde Connacht. Síd mBoidb iss ed Síd ar Femun. Sid
nOchaill iss ed Síd Cruachan. Ro boí dí cairddes eter ríg síde
32935] Muman. & ríg side Connacht. Ro batar dano da muccaid ocaib .i. Friuch & Rucht a n-anmand .i. Friuch muccaid Boidb. Rucht{MS folio 246a 25}
muccaid Ochaill. Ro boí dano carddess eturrusaide .i. suithe
ngentlechta la cechtar de. & nos delbtais in cech richt. amal no bíth
Mongán mac Fiachna.
32940] Ba he carddes na da muccaidse .i. In tan ba mess la Mumnechu. {MS folio 246a 30} Do theiged in muccaid atúaid cona muccaib caelaib fadess. In
tan ba mess dano atúaid. no theiged in muccaid andess fathúaith.
Consoíter debuid eturru. Asbertis Connachta ba mó cumachta a
mmuccida. Asbertis Mumnig dano ba mó cumachta a mmuccida.
32945] {MS folio 246a 35}
Bliadain and dano mess mór la Mumnechu & dolluid in muccaid atúaid fadess cona muccaib leis. Feraid a cheile failte ris. Consaíter
etrunni mad tú ol se. Asberat ind firseo is mó do chumachtasu
indausa. Ni lugu ém ol muccaid Ochaill. Bieid ní i fessamar ón{MS folio 246a 40}
ol muccaid Boidb. Dogensa urgaire do muccsu connápat metha
32950] ce beit for mess. & bat metha mo mucca féin. Ocus immarránic anísin iarum. Téit muccaid Ochaill dia thaig iarum cona muccaib{MS folio 246a 45}
caelaib leis. iss infechtain rosiachtatar less ar throgi. Con-
tibther immiseom o ránic a thír. Olc húar lodsai ol cach fris. Is
mó cumachta do cheili andaí Ni bá anísin ol sesseom. Biaid mess
32955] {MS folio 246a 50}
lenni atherruch & dogensa in cless cetna risseom. & immarranic son dano iarum. Téit muccaid Boidb fathúaid a dochumsom día
bliadna cona muccaib caelaib leiss i tíre Connacht. & dogeni {MS folio 246b}
muccaid Ochaill a cetna fria muccasom coro serggsat. Co n-erbairt
cách ba cumma a cumachtu dib linaib. Luid muccaid Boidb
32960] atúaid cona muccaib caelaib leiss. Gataid Bodb a muccaidecht n-airi. Gatar dano a muccaidecht{MS folio 246b 5}
arin fer atúaith. Dí bliadain lána dóib iar sin i ndelbaib senén.
{MS folio 246b} Indala bliadain túaid la Connachta for Dún Chruachan in bliadain
aile dóib oc Síd ar Femun. Condrancatar fir Muman i n-oendáil
32965] {MS folio 246b 10}
laa n-óen and. Ní bec a ndeilm dogniat ind eoin arfar mbelaib. ol eat. bliadain lán o tát ocond imchiradsa & ocund ábairtse cosindiu.
Tan iarum batar forsna briathraibse co n-accatar rechtaire Ochaill{MS folio 246b 15}
chuccu issin telaig. Fuidell mac Fiadmire a ainmside. ferthair
failte friss. Is mór a ndeilm dogniat ind eóin arbar mbelaib.
32970] Indar lat batir hé da én batar ocund atuaith innuraid. & iss ed dano dogníside co cend mbliadna a cetna. Co n-accat ní iar{MS folio 246b 20}
suidiu batar delba doíne. in da sinén hísin. Ataciat iar suidiu
batir é a ndá muccid. Ferait failti friu. Ni fíu falti frinn or
muccaid Boidb biaid mór colla cóem. & mór núall diar n-ág ar
32975] {MS folio 246b 25}
ndís. Cichib róer ol Bodb. Nin foruireth na mmaith ol se. O lodmarni uaibse ol se dib línaib dí blíadain lána cossindiu. Ataam
i ndelbaib én. Adchondarcfarsi a ndoringensamni arbar mbelaib.{MS folio 246b 30}
Bliadain lán dún i Cruachnaib ocund urdsin. Bliadain aile oc
Sid ar Femun. Co n-faccatar ind fir atúaid & indess ar cumachta
32980] díb línaib. Regmai dano ifechtsa i ndelba míl uisci & bemmit fo {MS folio 246b 35} murib co cend dá bliadna aile. Documlat uadib iar sin cechtar
n-aí a leth. Luid indala n-aí i Sinnaind luid alaile i sSiúir. Batir
iar sin da bliadain lana fon uisci. Bliadain lán atchitís i sSiúir ic
immithi. In bliadain aile dano atchitis i sSinaind. Batar dano
32985] {MS folio 246b 40}
da n-oss. & teclamad cechtar n-aí osséti co ndenad damlíg do mennut a cheile. Batir da fennid & imgonad cechtar de a chéle.
Batir da siabuir & fobuthad cechtar de a chéile. Batir da draic{MS folio 246b 45}
túarcad cechtar de snechta for tír a cheili. Dofuittet díb línaib
assind aér comtar di dorbbi. Teit indala n-aí i topur Glaisse Cruind
32990] i Cualngiu. conda essib bó Dáiri meic Fiachnai. & teit alaile i n-Uarán {MS folio 246b 50} nGarad la Connachta conda ib bó Medba & Ailella conid díb ro
chinset in da tharb. in Finnbennach Aí & in Dub Cualngi. {MS folio 247a}
Rúcht & Runce. imtar dá muccid. Ingen & Eitte imdar da sinén.
Bled & Blod imtar da míl fo murib. Rind & Faebur imtar da
32995] {MS folio 247a 5}
fénnid. Scáth & Scíath imtar dí siabair. Crunniuc & Tuinniuc imdar dí dorbbai. Finnbend Aí & in Dond Cualngi a n-anmand in
tan batar da tharb.
{MS folio 247a} Is amlaid baí in Dond Cualngi
dubdond diumsach discir dondócach.
33000] {MS folio 247a 10}
fuascrach. forbartach. forranach. illanach.
tnuthach tairbech taebslemun.
calma comnart. cliabremur.
cendard cassetnach.
33005] crónanach cransúilech. mongach munremur. munelach
súlmar srónmar sétfethach.
co tul tarbda.
{MS folio 247a 15}
co tachim thuinni.
33010] co tarbigi ríg. co ruathur bethrach.
co mbruth biasta.
co mbuilli latraind.
co lunni leomain.
33015] co taillsitis tricha mac midaísi o médi co midáid.
Midach na mocháirgi.
{MS folio 247a 20}
Ónmit na himmirgi.
maccóem na n-innili.
33020] tamon na trebairi. Athair na mórchethra.
mó dindgna dam domun. Dond.
Findbennach im
damsaide cenfind cossind,
33025] croda crochda. croderg mar do rotte roth.
{MS folio 247a 25}
mar do fothraicthe fuil.
mar do commiltea i corcair.
co ndeil diliucht
33030] o dela co droind. tri moing maithchrúi.
maccaím búair nAí
gu n-urbull imthromm.
co n-ucht echda.
33035] co n-ubullrosc ercce.
{MS folio 247a } Con-erthossach écne
co n-íargaile erre.
co n-adabraib baisi.
buadgein buagnige.
33040] buridach nolairain. dretel damraide
diabul feibe Finnbennach. Findbennach