Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 9

Síl Aeda Sláne na sleg


    1. 24055] {MS folio 185b} SÍl Aeda Sláne na sleg
      dia sásar mór ríg ragel.
      innisfet ara mathius
      a n-aided a n-ardflathius.
    2. Ba flaith Aed Slane na slat

      24060] ré choic mbliadan cethorchat
      co torchair in rí do rind
      la Conall ngasta nGuthbind.
    3. {MS folio 185b 5} Conall Loeg Breg ós Boin bricc
      a cethair don ríg roglicc.

      24065] dorochair i cath Odba.
      la Oengus n-óc n-ardomna.
    4. Conall Cerna & Clettig
      cóic bliadna ós cach banlettir.
      lasin Conall nGuthbind ngle

      24070] dorochair oc Loch Threithne.
    5. Ailill Crundere cliaraig
      .iiii. bliadna acht oenbliadain.
      la Conall nglic glan
      {MS folio 185b 10} dorochair oc Ath Go an.

    6. 24075] Gabais Diarmait Blaithmac bán
      a cóic ficet ni furáil
      da ardrí Herend uile.
      ros marb in teidm tondbuide.
    7. Conaing mac Congaile Cuilt.

      24080] iii. bliadna os Boind bláthbuic;
      co torchair isin debaid
      la Diarmait mac Airmedaig.
    8. Sechnassach mac Blaithmeics braiss
      .ui. bliadna os Bregmaig barrglais.

      24085] {MS folio 185b 15} Dub Dúin rí Corpri co rath
      leis dorochair Sechnasach.

    9. p.811

    10. {MS folio 185b} Sé bliadna Chind Faelad aird
      meic Blaithmeic buadaig bithgairg.
      dorochair rí Cairn Chachta

      24090] issin maidm la Finnachta.
    11. Finnachta fichi bliadan
      báe in Heriu ca ardriarad;
      i nGrellaig Dollaid co ndath
      dorochair la Congalach.

    12. 24095] {MS folio 185b 20} Congalach a .iiii. cluin
      co n-erbuilt i Taltenbruig.
      bliadain i flathius Néill na ndath
      coro marb in cáem Irgalach.
    13. Irgalach mac Conaing cain

      24100] .uiii. mbliadna d'éis meic Cernaig.
      dorochair Irgalach án.
      tess oc Inis Mac Nessán.
    14. Da bliadain ós Bóin bladaig
      d'Amalgaid mac Congalaig.

      24505] dorochair la Conall gle
      {MS folio 185b 25} tair oc Cill scothair Scire.
    15. Conall Grant hua Cernaig crúaid
      .ui. bliadna ós Bregmaig bratruaid.
      dorochair i lló in madma

      24110] la Fergal na findBanba.
    16. Bliadain Fogartaig na feb
      co torchair i cath Delgthen.
      rí Fotla & rí Fabair
      la Cinaed mac Írgalaig.

    17. p.812


    18. 24115] {MS folio 185b} Cinaed .u. bliadna fá dó
      ós Herind nf himmargó
      {MS folio 185b 30} ro marb Flathbertach find Fáil.
      i cath Dromma caiss Corcáin.
    19. Conaing Crach costid ri sain

      24120] .x. mbliadna aile os Bregmaig.
      fuair aidid la Aed ciar fell
      i ndorus Ailig Rigrend.
    20. Se bliadna ruirac co rogail
      Inrechtach mac Dungalaig.

      24125] i nDún Chromtha cétaib gal
      and dorochair la Dungal.
    21. {MS folio 185b 35} Dungal Cnogba co cliaraib
      a sé fa dó acht oenbliadain.
      i cath Emna Macha i mmaig

      24130] dorochair mac Amalgaid.
    22. Uiii. mbliadna radit na raind
      do Chongalach mac Conaing.
      Dondchad co rath co rogail.
      rod marb i cath Forcalaid.

    23. 24135] Uiii. mbliadna co cath Liac Find.
      dó do Diarmait ba deglind
      {MS folio 185b 40} i ndígail abbad Tuilén
      dodrat Dondchad i nderglén.
    24. Dá ndeich sé bliadna ar bladaib

      24140] do flathius Flaind meic Congalaig
      oc Manistir Móir molaim
      dorochair hua caemChonaing.
    25. Cernach hua Congalaig caiss.
      sé bliadna os Taltin toebglaiss.

      24145] dorochair i taig Cnogba
      la Cinaed cruaid comchalma.

    26. p.813

    27. {MS folio 185b 45} Cinaed dar ési Cernaig.
      a sé déc i tromThemraig.
      ic Dún Sinche ria samain

      24150] rod marb hua cruaid Congalaig.
    28. Cummascach da bliadain i fos
      flaith os Bregmaig na mbendchros
      i nDaim Liac Cíannain canair
      marb hua ciallmair Congalaig.

    29. 24155] Cinaed coic bliadna cia bé
      co ár torsech Treote.
      {MS folio 185b 50} coro baded mac meic Flaind
      lasin flaith la Mael Sechnaill.
    30. Secht mbliadna fichet sain sluind

      24160] ropa rí Fland mac Conaing.
      i cath Chilli Hua nDaigri a díach
      dorochair la Aed Findlíath.
    31. Fichi bliadan a cóic cen chrád
      mac Cellaig find Flannacán

      24165] dorochair la sluag Gall gargg
      i mmulluch Cerna chlaidard.
    32. {MS folio 185b 55} Secht mbliadna Mael Finniain áin
      degmeic luchair Lannacáin.
      ic Inber na mBárc

      24170] atbath hua cháem Congalach
    33. Tri choic bliadan bil
      da brathair do Mael Mithig

      [...]
      Lorcan cen len
      rod marb Fland mac Mael Finnéin

    34. 24175] {MS folio 185b 60} uii. mbliadna Flaind cosin cath
      i torchair la Hu Echach.

    35. p.814

    36. {MS folio 186a} Aed mac Mael Mithig miadaig
      niro chaith acht dí oenbliadain
      dorochair Aed in Broga

      24180] la Oengus mac nDondchada.
    37. Congalach in t-iarla in t-abb
      ro chaith .uii. mbliadna fichet.
      la slúag Lagen & Gall
      dorochair oc Taig Giugrand.

    38. 24185] {MS folio 186a 5} Glanfiche bliadan co mblaid
      do Domnall mac Congalaig.
      oc Taig hua mBuiden mbrogda
      docer culen caemChnogba.
    39. Oenbliadain Dondchaid na ndám

      24190] co torchair la Claind Colman.
      di bliadain Murchertaig maill
      co torchair la Mel Sechnaill.
    40. Íarra lat iarmothá sein
      a baird Fintain a eolaig;

      24195] {MS folio 186a 10} or nach fail sunda co se
      saegul síl Aeda Slane. S.


p.815