Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 8

Mide magen clainne Cuind

    1. {MS folio 184b} MIde magen clainne Cuind
      {MS folio 184b 20} forod clainne Néill nertluind.
      cride na Banba bricce
      Mide mag na mórchipe.

    2. 23855] Mór ríg ro gab for Mide
      eter fine is anfine;
      oro gab for Inis Fáil
      longas mac Miled Espain.
    3. O amsir Hérimoin ain

      23860] co hamsir Nuadat Find Fáil;
      o amsir Nuadat ille
      {MS folio 184b 25} co amsir n-aird nUgaine.
    4. Ó Ugaine ule anall
      co Echaig Feidlech Fremand;

      23865] ó Echaig amra inn athach
      co Cond calma Cetchathach.
    5. Ó amsir Chuind co cét cath
      co clannaib Néil meic Echach
      ra clannaib Néill o sein ille

      23870] in magsain mag mór Mide. M.
    6. Conall cétrí clainne Néill
      {MS folio 184b 30} ro gab ós Mide mongréid.
      .uii. mbliadna déc dó don dund
      coro n-ergab éc opund.

    7. 23875] A secht fichet oc fledaib
      d'Fiachaig mac Néil na degaid
      coro chloemchlae ni dalb daith
      forin maig oc Carn Feradaig.
    8. Ardgal mac Conaill na crech

      23880] secht mbliadna os Mide magnech
      deog a topur éca itib
      {MS folio 184b 35} i cath Detna la Lagnib.

      9. p.804

    9. {MS folio 184b} Mane mac Cerbaill Cluana
      .xu. bliadna drechbuada.

      23885] iter troche
      sin maig i cath Chlo enlocha.
    10. Diarmait mac Cerbaill chrechaig.
      xx. bliadan 's a cethair;
      ardruri Mide na mmed

      23890] i mMaig
      [...]
      ra losced
    11. {MS folio 184b 40} A.iiii. Colmain Móir mo raith.
      meic Diarmata ba degflaith
      Dub Sloit Cruthnech mac Trenz
      ro marb do rind ruadbera.

    12. 23895] Bliadain ar .xx. iar tain
      do Cholman Bic dia brathair.
      dorochair flaith caem na crech
      la Aed mac n-ard nAnmerech
    13. .Uiii. mbliadna 's a deich cen táir

      23900] ro feith Suibne mac Colmain
      ro marb Aed Slane na sleg
      tair ocon tsale thondgel.
    14. {MS folio 184b 45} Tri bliadna fa dó don dus
      do mac Colmain d'Fergus

      23905] fríth ilach dó fo dered
      i cath birach Blattened.
    15. Oengus mac Colmain chetaig
      ro glacc in mBanba mbétaig.
      uii. mbliadna dó iTemraig thall

      23910] a bás ro derlaig Domnall.
    16. Conall Guthbind mac Subne.
      a coic fa chethair tre chuibde
      {MS folio 184b 50} cora ben a dianblaid de.
      Diarmait mac Aeda Slane.

      17. p.805


    17. 23915] {MS folio 184b} Sé bliadna déc co demin
      Mael Doid mac Subni serig.
      forracsat a daíne thair
      i Cnoccaib Maele Doaid.
    18. Diarmait mac Airmedaig áith.

      23920] ui. Bliadna .xxx. nir thláith
      ro thascair in Bregach brass
      Finnacta Fledach foltchass.
    19. {MS folio 184b 55} Fiche bliadan nir fata
      do Murchad mac Diarmata

      23925] darochair sin alt iar tain
      la Conall Grant hua Cernaig.
    20. Diarmait Airmedach iarma.
      Aed Colggu cóic certbliadna.
      .iiii. ríg Mide na mmed

      23930] ro marbtha oc Bile.Theined.
    21. Domnall mac Murchada móir
      .ui. bliadna .xl. cóir.
      {MS folio 184b 60} tuc Dia dó flathius fata
      co n-erbailt hua Diarmata.

    22. 23935] {MS folio 185a} Niall mac Diarmata in daig derg
      flaith Mide na lomlerg.
      .ui. bliadna i rrígi rebach
      co torchair la Muredach-
    23. Murchertach mac Domnaill dían

      23940] di bliadain don flaith lánfíal
      rop é rí in borrfaith cen brath
      nóco torchair la Dondchad
    24. {MS folio 185a 5} Dondchad mac Domnaill na ndrech
      ropo leis Temair tollmech.

      23945] xxx. bliadna dó derb lend
      co n-erbailt iarla Herend.

      25. p.806

    25. {MS folio 185a} Oenbliadain i rrigi réil
      do Domnall mac Dondchaid déin
      tair i táeb na halla

      23950] darochair la hectranna.
    26. Muridach mac Domnaill daith
      cunnid in chomlaind choicdaig.
      {MS folio 185a 10} tri bliadna ós Chluain Chobthaig cain
      ro ndorchaig éc anapaig.

    27. 23955] Diarmait mac Dondchaida daith
      bliadain i flaithius firmaith.
      i mmudu dochuaid con chaill
      tiar i cath Ruba Chonaill.
    28. Conchobor caem. a mathius

      23960] ós Herind.i n-ardflathius.
      is éc atbath rí in Broga
      degmac duanach Dondchada.
    29. {MS folio 185a 15} Deich mbliadna i flaithius nar fóen
      dó do Mael Ruanaid rocháem

      23965] atbath mac Dondchaid dil
      rí in borrfada 's in bissig.
    30. Dí bliadain flaith in meic maith.
      dar éis Mael Ruanaid in raith.
      ro marb na brethlaind co mblaid

      23970] Mael Sechnaill a derbrathair.
    31. Mael Sechnaill saer a Slemain.
      uii. mbliadna déc na degaid.
      {MS folio 185a 20} atbath iar mbuadaib co mblaid
      mac Mael Ruanaid co rogail

    32. 23975] Lorcan mac Cathail na crích
      dí bliadain i flaithius fríth
      rí for Midi mall na miach
      coro ndall Aed Findlíath

      33. p.807

    33. {MS folio 185a} Dondchad hua Conchobuir chrúaid

      23980] da sé mbliadan band for búaid
      la Fland in tochuir cen tar
      dorochair mac Eochocan.
    34. {MS folio 185a 25} Fland mac Mel Sechnaill amra
      .xuii. bliadna os Banba;

      23985] cia tír naro threnglacc trell
      noco n-erbailt rí Herend.
    35. Hua Mael Sechnaill cen omon
      tri bliadna do Chonchobor.
      malle ro Niall nGlundub ngel

      23990] dorochair grian na nGaedel.
    36. Domnall mac Flaind fuair bliadain
      eter Chluain is chorrLiamuin
      {MS folio 185a 30} rod marb ciarbo glond co ngail
      Dondchad dond a derbrathair.

    37. 23995] Donchad cen bét cen binne
      fuair éc i n-echMide.
      fúair iarla Crinna ba cet.
      ui. bliadna finna fichet.
    38. Fuair Oengus airdairc cen ail

      24000] iarna athair oenbliadain.
      .xxx. cét lín a chatha
      co n-erbailt mac Dondchada.
    39. {MS folio 185a 35} Dondchad mac Domnaill diamra
      ro chaith .iiii. oenbliadna

      24005] ro marb flaith gót in gossa
      Fergal óc mac Oengusa.
    40. Fergal fuair ráite co rrath
      coro n-indarb Congalach
      oc Luain Iraird co cliaraib

      24010] nínro n-uair acht oenbliadain.

      41. p.808

    41. {MS folio 185a} Oenbliadain aile do Aed
      do mac Mael Ruanaid ro cháem.
      {MS folio 185a 40} fuair bás na chomland chatha
      la Domn all mac nDondchada.

    42. 24015] Domnall bliadain co ba thrí
      bord ro Liamuin in lethrí
      bét do chlaind Chobthaig cliaraig
      éc meic Dondchaid drechmiadaig.
    43. Carlus mac Cuind meic Dondchaid.

      24020] remes .ui. mbliadan mborrfuid.
      and dorochair hua Flaind Fáil
      ait i rrollsat Gaill crithgair.
    44. {MS folio 185a 45} Murchertach riagla lat sain
      .iiii. bliadna fo chethair.

      24025] fuair forlund ic Druim Chriaig cain
      la Domnall mac Congalaig.
    45. Cóic bliadna do Mide maith
      fás cen tige cen degflaith.
      Fergal ro chrechaig cech claind

      24030] ra dered flatha Domnaill.
    46. Coic bliasna .xl. coir
      flathius Mael Shechnaill echmóir.
      {MS folio 185a 50} rí mórMide co millse
      ec atbath issin ChroInse.

    47. 24035] Mael Sechnaill Got a cethair
      éc olc ra scar ra bethaid.
      uii. mbliadna Rena rubnib dán
      cosin cath i mMóin Milán.
    48. Domnall dí bliadain a band

      24040] co torchair la Mael Caland.
      roba rí Midi na mmol
      dia éis ro gab Conchobor.

      49. p.809

    49. {MS folio 185a 55} Dar éis Domnaill delbglain dil
      ro gab for Temraig tírig.

      24045] di bliadain .iiii. deich dron
      iss ed ro feith Conchobor.
    50. Conchobor magMide maith
      nachorb anfine in ardflaith.
      do láim Murchada meic Flaind

      24050] dorochair hua Mael Shechnaill.
    51. Secht ríg da fichet ríg rúad
      iar Con all Breg ni bec slúag.
      {MS folio 185a 60} co Conchobor na ngním ngle
      is é lín ro gab Mide.M.

p.810