Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 5

Ascnam ni seol sadal

    1. {MS folio 182a} AScnam ni seol sadal
      iar sain slicht cen breobail

      23485] co n-écsem cen didail
      do gnímaib síl Eogain.
    2. {MS folio 182a 25} Ba remib ro mebaid
      nirbo debaid tua
      cen brath briathar goa

      23490] in cath i Sleib Chua.
    3. Ba remib ro mebaid
      cath Segsa for Duaich.
      ili a ngluind gnoaig
      daig betis cruaich.

    4. 23495] Cath cruaid co nnirt armach
      ar búaid tuath líth Luignech
      {MS folio 182a 30} nirbo lén in tarrgrach
      for Eogan mBél mbudnech.
    5. Cath Cúle. cath Uchbath.

      23500] ardd bruthgal bág toche.
      cath Dromma. cath Dathe.
      cath Ache. cath Oche.
    6. Im chath Chind chruaid n-aithle.
      Lasnadó cen lethbe

      23505] i torchair cain craebdus
      Oengus & Eithne.
    7. {MS folio 182a 35} Im chath i nDún Chethirn
      lethfeidm laech rod len i
      cath Roith ni rad ndétla.

      23510] cath Detla con teni.
    8. Cath i torchair Ailill
      Inbanna ruad roglach
      taccomol glond claidbech.
      Aed Fortamail fodbach.

    9. p.789


    10. 23515] {MS folio 182a} Forlond co ndathi.
      cath Elli nad chlethe.
      cath Slemna co sithi
      cath Lifi. cath Lethe.
    11. {MS folio 182a 40} Lotar .uii. cét armach

      23520] uadib angbaid dulad
      tucsat iar triall Lagen.
      cét ngíall a tir Muman.
    12. Trenchath Insi Áne
      for sluag nAlban n-ulach

      23525] i farcbad bét bladach
      fairend tri chét curach.
    13. In cath oc Áth Medóin
      milib glond garg tarbe
      lathe mbratha mbodba

      23530] {MS folio 182a 45} cath Atha Da Chairne.
    14. Gabsat iar troch togairm
      sodbraind coscair comlaind
      i nDruim Ríg rád n-imlaind
      luid bág for mac nDomnaill.

    15. 23535] Geguin oenfer uadib
      ard arim no sechid
      .xx. deich flathib
      la sé deich do dechib.
    16. Fer co riab cen sodain

      23540] do guin ba gargg dune
      deorata ngaile
      míl Europa uile.
    17. {MS folio 182a 50} Eól dúib a ndoringni
      mac Néill Ailig airgnai.

      23545] Aed Finni co fodbai.
      i cath Cilli Ua nDaigri.

    18. p.790

    19. {MS folio 182a} Deich cétaib co n-úagai
      iar sétaib ro síni.
      don debaid conrúali

      23550] mebaid for cóic míli.
    20. Gabsat riam ind ríg rogaig
      bríg mbladaig bectai n-airig
      {MS folio 182b} selad forrán co feraib
      ria nAed n-ard nAllán nAilig.

    21. 23555] Art athnertach ind úabair
      Flathbertach dín cech deoraid
      dorimmart gairgiu tólaib
      i nInsi n-ólaig Eogain.
    22. Ardrí Alpan art Arand

      23560] bag barand brúthi bairend
      {MS folio 182b 5} tuc aníar dar srían rudach
      tri choícait curach Cairell.
    23. Cechaing Aed aidchi n-oraig.
      foraib ba sáer imrulaid.

      23565] ros marb fri Fergna fairend
      acht Cairell lucht a churaig.
    24. Cath aile i nOscur uallach
      ba broscur bladach bágach.
      for Fland nGoan ro raíned

      23570] ro maíded arna barach.
    25. {MS folio 182b 10} Reraig roí roríg ringthi
      for mac Longsig lúaith laimthi
      ba cloí dia icimúaill chaidchi
      di airdi oenuair aidchi. C.


p.791