Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 28

{MS folio 150a} Fland cecinit.

1. 
   19370] INN eól dúib in senchas sen
   ainm cech rig ro gab Chasel;
   o chreitim glondchar in gnim
   {MS folio 150a 50} co Dondchad mac in ardríg.
2. Oengus mac Nad Fraich fodlad brait
   
   19375] is é ro chreit do Patric;
   Feidilmid i mMaig
   ro gab i ndiaid Oengusa.
3. Eochu iar Feidilmid co feib
   & Crimthand. iar nEochaid;
   
   19380] Fergus iar Crimthand rocloss {MS folio 150b}
   & Garban iar Fergos.
4. Amalgaid iar nGarban garg.
   Aed iar nAmalgaid imard;
   Coirpre iar nAed no indled gail
   
   19385] Fingen iar Corpriu Chasil.
5. Cathal iar Fingin fúaim nglan
   & Failbe iar Cathal
   {MS folio 150b 5} Cuan iar Falbe co fál
   & Moenach iar Cuan.
6. 
   19390] Cu cen Mathair iar Moenach.
   Colgu iar sein Dondchad crechach;
   Finguine ba suairc a baile
   Etarscel iar Finguine.
7. Cormac iar sin soilsi a gart
   
   19395] & Cathal iar Cormac;
   Artrí iar Cathal caem a chlí
   is Olchobor iar nArtrí

---

p.636

8. {MS folio 150b} Olchobor iar sin suairc in mod.
   {MS folio 150b 10} Algenán iar nOlchobor.
   
   19400] Mael Fathartaig fodlad graig
   Cend Faelad ina degaid.
9. Dunchad iar Cind Faelad find.
   Dub Lachtna iar sin suairc in mind;
   Finguine iar sin suilsi a grad
   
   19405] cu Cormac mac Culennán.
10. Cormac iar sin soillsi a gart
    is Feidlimid iar Cormac.
    {MS folio 150b 15} cíarb écair a ainm immach
    Cend Gecain iar Cormac.
11. 
    19410] Lorcan iar Cind Gecain glan
    ro gab murigecht Muman;
    maith in fer ros gab iar sin.
    Cellachan cendfind Casil.
12. Dochoid Fer Gráid mac Clerig
    
    19415] i rrige Casil chemnig;
    & ros gab ar écin.
    Mathgamain mac Cendétig.
13. {MS folio 150b 20} Ro innsaig Brian Banba mbind
    ar ríge Chasil chendfind;
    
    19420] & is é thall a mbarr
    do choic coicedaib Herend.
14. Iar tesbaid Briain cosin mblad
    baí Mumu na mórchosnam
    coro rígad and iar sain
    
    19425] Dungal mac Mael Fotartaig.
15. Ros gab gilla glaccas slúag.
    catlas i Casiul chlethruad;
    {MS folio 150b 25} rop comthach d'Herind uili
    Dondchad mac Briain Bóruimi. IN.

p.637