Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 25

19220] {MS folio 149b 25} Diarmait mac Cerbaill cecinit.

1. Mairg thochras ri clerchib cell
   mairg rosniarthad tind i tend;
   
   [...]
   >
   
   [...]
   >
2. Is missi ra buí arin chirt
   cia rom thrascrad is tre fert
   
   19225] cia tát fir thalman im thaig
   isat calma na clerig.
3. Dia fadein dobeir datha
   & grada ardflatha.
   {MS folio 149b 30} is dligthech ic ríg breth
   
   19230] cech ríg bretach firinnech
4. Is iatsum ro gab na salmu
   uair is doibsium is calma
   ram chursetsa can chairdi
   do chirt Banba barrairdi.
5. 
   19235] Mairg brisses cath can chóri
   ar marcachaib canoni
   ni n-icfa taithlech din dail
   bud aithrech ind immaráin
6. Leis da ochair tul i tul
   
   19240] isind eclais dianid dlug;
   bud nenaid cu brath a lucht
   cen tenid ara primpurt

---

p.630

7. {MS folio 149b} Biaid Temair d'eis a fir
   ergeabait uilc indligid.
   
   19245] bud fota a othrus a fir
   cipe thochras ri clerchib.
8. Biaid cen buachail Inis Fáil
   aithli nuachair maith d'fagbail;
   {MS folio 149b 40} rí bud ferr atúsa tra
   
   19250] acht ni thanic ni thicfa.
9. Acht nir airgius duni riam
   ciambad imda a seit sa biad
   niro mathius a olc do thrén
   & nir forrgius fortren.
10. 
    19255] Banba cid bladach in ben
    ric a less feiss ra degfer
    ni conair dia congul
    menip ard a bithlonnud.
11. {MS folio 149b 45} Massech damsa hísi a fir
    
    19260] massech missi dond ingin
    raba missi a nuachur cóir
    d'ingin alaind Herimoin
12. Clerig rom chursetar di.
    du chirt Fotla fonnairddi
    
    19265] nigfit a mbróca na tig
    na ríg óca indligtig.
13. Diultfaitir a fairchi ind
    cacfait coin ina chaemchill
    {MS folio 149b 50} i mbali Ruadain ima raith
    
    19270] égem cecha oentraith.
14. Aire rom dilsig mu Rí
    mac maith Mairi ingini
    ora gabsat na cuiri
    salma ardda escuine

---

p.631

15. 
    19275] Dindgnai Herend ard a mblad {MS folio 150a}
    immun Lia Fail ina fégthar
    a mbith i fás & i fán
    iss ed i ngellas Ruadan.
16. Temair can tenid can tech
    
    19280] ina trascud na clerech;
    missi cen rigi cen rath
    truag in líni dedenach.
17. {MS folio 150a 5} Cid olc damsa bud olc dóib
    Ériu dom ési fo bron;
    
    19285] fotha digla inni ara tat
    im smacht rigda do chomiat.
18. Is missi ra boí arin choir
    & siatsom ar ecóir.
    curom dilsig Dia do nim
    
    19290] i tochur risna clerchib.
19. Cath ra clerchib mairg ra chuir
    ropad ferr a bith na fuil
    {MS folio 150a 10} nucun faigbe giallu ass
    mairg triallas is tochras. M.

p.632